დოპელჰერც აქტივი A-დან Zn-მდე

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

დოპელჰერც აქტივი A-დან Zn-მდე-ის საერთაშორისო დასახელება (აქტიური ნივთიერება): კომბინირებული/comb. drug

დოპელჰერც აქტივი A-დან Zn-მდე-ის კლინიკურ-ფარმაკოლოგიური ჯგუფი: პოლივიტამინები მაკრო- და მიკროელემენტებით და ბუნებრივი წარმოშობის კომპონენტებით.


დოპელჰერც აქტივი A-დან Zn-მდე აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


შემადგენლობა
ვიტამინები: ვიტ.C- 150 მგ. ვიტ.E – 24 მგ. ნიკოტინამიდი – 18 მგ. კალციუმის პანტოთენატი – 12 მგ. ვიტ.B6 – 5,0 მგ. ვიტ.B2 – 4,0 მგ. ვიტ.B1 – 3,5 მგ. ვიტ.A – 800მკგ. ფოლიუმის მჟავა – 450მკგ. ბიოტინი – 100მკგ. ვიტ.K – 20 მკგ. ვიტ.D – 5მკგ. ვიტ.B12 – 2.5 მკგ.
მაკრო- და მიკროელემენტები: კალციუმი-120მგ. ფოსფორი-92მგ. მაგნიუმი-45მგ. კალიუმი-10მგ. თუთია-5მგ. რკინა – 2,1 მგ. სპილენძი – 0.9მგ. მანგანუმი – 0.9მგ. ქლორიდები- 0.9მგ. იოდი – 100მკგ. ქრომი – 25 მკგ. მოლიბდენი – 20მკგ. სელენი – 10მკგ.

ფარმაკოლოგიური თვისებები
ვიტამინი A – მონაწილეობს ცილების, ცხიმების, მუკოპოლისაქარიდების სინთეზში, უზრუნველყოფს კანის, ლორწოვანი გარსების, ასევე მხედველობის ორგანოს ნორმალურ ფუნქციონირებას.
B ჯგუფის ვიტამინები – მონაწილეობენ სხვადასხვა ფერმენტის წარმოქმნაში, რომლებიც ორგანიზმში არეგულირებენ ნივთიერებათა ცვლის პროცესებს.
ვიტამინი B1 – მონაწილეობს ნახშირწყლოვან ცვლაში, ნერვული სისტემის ფორმირებაში.
ვიტამინი B2 – წარმოადგენს უჯრედული სუნთქვისა და მხედველობითი აღქმის კატალიზატორს. დიდ როლს ასრულებს დნმ-ის ფორმირებაში, ხელს უწყობს ქსოვილოვანი რეგენერაციის პროცესს.
ვიტამინი B6 – მონაწილეობს ამინომჟავებისა და ცილების მეტაბოლიზმში.
ვიტამინი B12 – ფოლიუმის მჟავასთან ერთად მონაწილეობს ნუკლეოტიდების სინთეზში, ასევე, ერითროციტების და მიელინური უჯრედების ფორმირებაში, რომლებიც აუცილებელია ორგანიზმის ზრდის პროცესისათვის.
ფოლიუმის მჟავა – მონაწილეობს სისხლის უჯრედების ნორმალური განვითარებისათვის აუცილებელ ამინომჟავების სინთეზში, რომლებიც ახდენენ ერითროპოეზის სტიმულაციას.
ვიტამინი E – ბუნებრივი ანტიოქსიდანტია, რომელიც ხელს უშლის სისხლის შედედების ზრდას, დადებითად მოქმედებს პერიფერიულ სისხლის მიმოქცევაზე. მონაწილეობს ცილების და ჰემოგლობინის სინთეზში, უჯრედების ზრდის პროცესში, ჩონჩხის კუნთების, გულის და სისხლძარღვების, სასქესო ჯირკვლების ფუნქციებში.
ვიტამინი C – დიდ როლს ასრულებს ჟანგვა-აღდგენითი პროცესების, შემაერთებელ ქსოვილში მიმდინარე ცვლის რეგულაციაში, ნახშირწყლოვან ცვლაში, სისხლის შედედებასა და ქსოვილთა რეგენერაციაში, ასტიმულირებს სტეროიდული ჰორმონების წარმოქმნას, ამცირებს კაპილართა კედლის გამავლობას. ვიტამინი C – ზრდის ორგანიზმის ინფექციის წინააღმდეგ მდგრადობას, ამცირებს ანთებით პროცესებს.
ვიტამინი D – მნიშვნელოვანია კალციუმისა და ფოსფორის წონასწორობის დაცვაში. ვიტამინი D – ს დეფიციტს მივყავართ ძვლოვან ქსოვილში კალციუმის შემცირებამდე და ოსტეოპოროზის ჩამოყალიბებამდე.
ნიკოტინამიდი – მონაწილეობს ქსოვილოვანი სუნთქვის პროცესებში, ნახშირწყლოვან და ლიპიდურ ცვლაში.
კალციუმი – ახდენს ძვლოვანი ქსოვილის ფორმირებას, ხელს უწყობს სისხლის ნორმალურ შედედებას, ნერვული იმპულსების გადაცემას, ჩონჩხის და გლუვი კუნთების კუმშვადობას, გულის მოქმედების რეგულაციას.
მაგნიუმი – ამცირებს აგზნებადობას, მონაწილეობს მრავალ ფერმენტულ პროცესებში.
ქრომი – ხელს უწყობს სისხლში შაქრის სასურველი დონის შენარჩუნებას, ათეროსკლეროზისა და გულ-სისხლძარღვთა სისტემის პრობლემების პროფილაქტიკას, ამცირებს სისხლში ქოლესტერინს, ხელს უშლის ქსოვილებში ცხიმების დაგროვებას.
რკინა – მონაწილეობს ერითროპოეზში, შედის ჰემოგლობინის შემადგენლობაში და უზრუნველყოფს ჟანგბადის ტრანსპორტირებას ქსოვილებში.
იოდი – ახდენს საკვებში იოდის დეფიციტთან დაკავშირებულ ენდემური ჩიყვის პროფილაქტიკას.
სპილენძი – მონაწილეობს ქსოვილოვან სუნთქვაში, სისხლწარმოქმნაში, იმუნურ რეაქციებში.
მანგანუმი – ზემოქმედებს ძვლოვანი ქსოვილის წარმოქმნაზე, მონაწილეობს ქსოვილოვან სუნთქვაში, იმუნურ რეაქციებში.
მოლიბდენი – მონაწილეობს ჟანგვა-აღდგენითი რეაქციებში.
სელენი – ბუნებრივი ანტიოქსიდანტია, იცავს უჯრედებს ჟანგბადის თავისუფალი რადიკალების ზემოქმედებისაგან. სელენის უკმარისობამ შესაძლოა მიგვიყვანოს გულ-სისლძარღვთა დაავადებების განვითარებამდე.
თუთია – ხელს უწყობს B ჯგუფის ვიტამინების შეთვისებას, მნიშვნელოვანია ძვლოვანი ქსოვილის განვითარებისათვის, მონაწილეობს მთელი რიგი ჰორმონების წარმოქმნაში.
დეპო ტაბლეტები უზრუნველყოფენ ვიტამინების, მაკრო- და მიკროელემენტების ნელ და თანდათანობით გამოთავისუფლებას, რაც ხელს უწყობს მათ მაქსიმალურ ათვისებას უჯრედების მიერ.

ჩვენებები
• ჰიპოვიტამინოზის, ავიტამინოზის და მინერალური ნივთიერებების დეფიციტის პროფილაქტიკა და მკურნალობა
• გონებრივი და ფიზიკური შრომისუნარიანობის დაქვეითება, დაღლილობა, კონცენტრირების უნარის დაკარგვა
• მდგომარეობები, რომელთა დროსაც იზრდება მოთხოვნილება ვიტამინებზე და მაკრო- და მიკროელემენტებზე (სტრესული მდგომარეობა ან გადაღლა, დაავადების შემდგომი რეკონვალესცენციის პერიოდი, ქირურგიული ოპერაციები ან რადიოთერაპია, ორგანიზმის იმუნური სისტემის გაძლიერებისათვის)
• ორგანიზმის ფიზიკური შესაძლებლობების მომატება, კერძოდ სპორტსმენებში.
• არასრული ან არაბალანსირებული კვება

მიღების წესები და დოზები
მოზრდილებში და ბავშვებში 12 წლის ზევით- დღეში 1 ტაბლეტი ჭამის დროს. მიღების ხანგრძლივობა – 2 თვე

უკუჩვენება
შემადგენელი კომპონენტების მიმართ ინდივიდუალური აუტანლობა.

განსაკუთრებული მითითებები
არ უნდა მოხდეს რეკომენდებული დოზის გადაჭარბება

შენახვის პირობები და ვადები
ინახება სინათლისაგან დაცულ ადგილას არაუმეტეს 25ºC ტემპერატურაზე.
შეინახეთ ბავშვებისთვის მიუწვდომელ ადგილას!
გამოშვების ფორმა: ტაბლეტი #30
გაცემის რეჟიმი: III ჯგუფი (ურეცეპტოდ)
მწარმოებელი: Queisser Pharma GmbH & Co. გერმანია

გაფრთხილება