ამენცია

ამენცია

ამენცია – მდგომარეობა, რომლის დროსაც აღინიშნება ცნობიერების არეულობა, რომელიც ხასიათდება დაბნეულობით, ორიენტირების ყველა სახის დარღვევით, მათ შორის საკუთარი თავის  ცნობის, ასევე არეული აზროვნებით.

მიზეზები

ამენცია გვხვედება გახანგრძლივებული ან ქრონიკულად მიმდინარე ასთენიზირებადი სომატური დაავადებების გახანგრძლივების დროს.

ავადმყოფები მუდმივად იმყოფებიან  ქაოტურ, აგზნებით მდგომარეობაში, რომელიც შემოიფარგლება ლოგინით. ხელმიუწვდომელნი არიან კონტაქტისათვის, მეტყველება წყვეტილია და წარმოდგენილია ცალკეული სიტყვებით. ზუსტადაც აზროვნების წყეტილობა (ინკოჰერენცია) წარმოადგენს ამენეციისათვის დამახასიათებელ ნიშანს, როდესაც საჭიროა მისი დიფერენცირება ცნობიერების დარღვევის სხვა პათოლოგიებთან.

აფექტური რეაქციები ლაბილურია: ავადმყოფები  ხან  მოღუშულები არიან, ხან მხიარულები, ხან ინდიფერენტულები.  ღამე შესაძლსებელია განვითარდეს დელირიული ეპიზოდები, გამონათქვამებში იშვიათად ისმის ფრაგმენტური  ბოდვითი განცდები,  ქცევა კი შეიძლება მიუთითებდეს ჰალუცინაციების არსებობაზე. ამენციის განვითარების პიკზე ხანდახან ვითარდება კატატონიის მსგავსი სიმპტომატიკა აგზნების ან სტუპორის და ქორეინფორმული ჰიპერკინეზების  სახით. გამოჯანმრთელების შემდეგ ამენციის პერიოდი სრულიად ამნეზირდება.

დიაგნოსტიკა

რადგანაც ამენცია ტრადიციულად ვითარდება სომატური დაავადებების დროს, საჭიროა მისი დიფერენცირება დელირიუმისაგან, რასაც გადაუდებელი თერაპიისათვის არსებითი მნიშვნელობა აქვს, რადგან ამენცია წარმოადგენს ცნობიერების დარღვევის ერთ-ერთ ყველაზე მძიმე სახესოობას, რაც მიუთითებს პროგნოზის უეცარ გაუარესებაზე.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com
ფიტოთერაპია: იხილეთ კლინიკური და ემპირიული ფიტოთერაპია
ვის მივმართოთ – იხ. მედიკოსთა პერსონალური გვერდები
თემატურად მომიჯნავე სტატიები
საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988