შეკრულობა (ყაბზობა) ბავშვთა ასაკში

შეკრულობა (ყაბზობა) ხშირ პრობლემას წარმოადგენს პედიატრიულ პრაქტიკაში. შეკრულობის (ყაბზობის)    მიზეზები განსხვავებულია მოზარდთა პრობლემებისაგან და დამოკიდებულია ბავშვის ასაკზე.

ერთ წლამდე ასაკის ბავშვებში შეკრულობის (ყაბზობის) მიზეზი ძირითადად ორგანული დარღვევები და ნაწლავის სხვადასხვა დაავადებებია:

ერთი წლის შემდეგ შეკრულობა (ყაბზობა) ძირითადად ატარებს ფსიქოლოგიურ ხასიათს:

ბავშვთა ასაკში მკურნალობის დროს აუცილებლად გათვალსიწინებულ უნდა იქნეს დაავადების გამომწვევი მიზეზი.

შეკრულობა (ყაბზობა) – ბავშვებში გავრცელებული პრობლემააა. ადრეული ჩარევა მწვავე ან ქრონიკული შეკრულობის (ყაბზობის) ეპიზოდების დროს თავიდან აგვაცილებს ისეთ გართულებებს, როგორიცაა ანალური ნახეთქები, დეფეკაციის შეგნებული შეკავება, ქრონიკული შეკრულობა (ყაბზობა) და ენკოპრეზი. შეკრულობა (ყაბზობა) შეიძლება დაიყოს ორ დიდ ჯგუფად – ორგანული და ფუნქციური, შესაბამისად სხვადასხვაა მკურნალობის სტრატეგია. ყველა ასაკის ბავშვებში პროფილაქტიკური შემოწმების ნაწილს უნდა შეადგენდეს დიეტის თავისებურებებისა და ტუალეტის მიჩვევის კულტურის განხილვა.

ბავშვთა განვითარებაში არის გარკვეული პერიოდები, როდესაც მეტად არიან მიდრეკილნი შეკრულობის (ყაბზობის) ჩამოყალიბებისაკენ. სწორედ ამ პერიოდში შეიძლება შეკრულობის (ყაბზობის) თავიდან აცილება, ან სწრაფად და ეფექტურად განკურნება, თუ დაავადება უკვე დაწყებულია. ეს პერიოდებია:

    • მყარ საკვებზე გადასვლა
    • ქოთანზე მიჩვევა
    • სკოლის დაწყების ეტაპი

ამ პერიოდებში რაციონი უნდა შეიცავდეს დღიურად 20 გრამ საკვებ ბოჭკოებს, მინიმალური სითხის მოცულობა უნდა იყოს – 960 – 1920მლ და  ძროხის რძის მოხმარება შეიზღუდოს 720მლ-მდე.

შეკრულობის (ყაბზობის) მწვავე ეპიზოდები როგორც წესი, კარგად ემორჩილება მკურნალობას დიეტის გამოყენებით, რაც მოიცავს საკვები ბოჭკოების, დიდი რაოდენობით სითხისა და ოსმოსურად აქტიური ნახშირწყლების (სორბიტი) გამოყენებას. პროცესის ქრონიზაციის თავიდან ასაცილებლად აუცილებლად დაცული უნდა იქნეს აღნიშნული რეკომენადაციები. ქრონიკული შეკრულობის (ყაბზობის)   დროს ან იმ შემთხვევაში, როდესაც ამ რეკომენდაციის შესრულების შემდეგაც არ ხდება კუჭის მოქმედების მოწესრიგება, უნდა შეფასდეს მათი შესრულების ადეკვატურობა.

არჩილ შენგელია.  საავტორო უფლებები დაცულია

იხ ასევე:

______________________________________

 გადასვლა გვერდზე ,,შეკრულობა“; >>> ,,ბავშვი”