ვენერიული გრანულომა

ვენერიული გრანულომა

ვენერიული გრანულომა (granuloma venereum; სინონიმი დონოვანოზი) – წარმოადგენს დონოვანის სხეულაკებით გამოწვეულ ვენერიულ დაავადებას, რომელიც ხასიათდება დერმასა და კანქვეშა უჯრედისში გრანულომატოზური ინფილტრატების გაჩენით. დაავადება უპირატესად გავრცელებულია ტროპიკულ და სუბტროპიკულ ქვეყნებში. ყოფილ საბჭოთა კავშირის ქვეყნებში დაფიქსირებულია ერთეული შემთხვევები.

დონოვანის სხეულაკები – მცირე, 1-2 მკმ ზომის გრამუარყოფითი ბაქტერიებია, უმეტესწილად ოვალური ან მარცვლეულის ფორმის. გადაეცემა სქესობრივი (უიშვიათესად საყოფაცხოვრებო) გზით, რაც იწვევს დერმასა და კანქვეშა უჯრედისში გრანულომატოზური ინფილტრატების გაჩენას, რომელიც შედგება პლაზმოციტებისა და ნუკლეოციტებისაგან. დონოვანის სხეულაკები ასევე განლაგდება ციტოპლაზმაში ფაგოციტების ინკაფსულირებულ გროვებთან.

ინკუბაციური პერიოდი განსხვავებულია და მერყეობს 8-დან 90 დღემდე. გამომწვევის შეჭრის ადგილას ჩნდება ერთი ან რამოდენიმე მომკვრივო კვანძი, რომელიც გარდაიქმნება გამოხატული ვეგეტაციის მქონე წყლულად. გვერდიგვერდ განლაგებული წყლულები ერთდება, ხოლო ახალი წყლულები წარმოიქმნდე აუტოინოკულაციის გზით, უპირატესად კანის შემხებ ზედაპირებზე.. წყლულებს აქვთ ზრდის ტენდენცია პერიფერიისკენ ზრდისა. გრანულომის დაზიანების კერები მრავალგვარია: ზედაპირული, სითხის შემცველი ხორციანი გრანულომური წყლულებიდან ღრმა ნეკროტიზებულ დაზიანებამდე, რომელიც აზიანებს კუნთებს, ფასციებსა და დადის ძვლოვან ქსოვილამდე. როგორც წესი, ავადმყოფთა ზოგადი მდგომარეობა მცირედ ირღვევა. მხოლოდ მძიმე შემთხვევებისას აღინიშნება ცხელება, წამოხურებები და სხვ.

ვენერიულ გრანულომაზე ეჭვის შემთხვევაში,  სასწრაფოდ უნდა მოხდეს პაციენტის ჰოსპიტალიზირება დერმატო-ვენერიულ სტაციონარში, სადაც დადგინდება საბოლოო დიაგნოზი დაზიანებული კანის მცირე ნაწილის ჰისტოლოგიური კვლევით გამომწვევის აღმონის შემთხვევაში და ტარდება მკურნალობა. ინიშნება ფართო სპექტრის ანტიბიოტიკები და სულფანილამიდები 2-3 კვირის განმავლობაში. ადრეული დიაგნოსტიკისა და დროული მკურნალობის შემთხვევაში პროგნოზი კეთილსაიმედოა. შორსწასული შემთხვევებისას შესაძლებელია საშოს, ურეთრისა და უკანა გასავალის ნაწიბუროვანი სტენოზი.

პროფილაქტიკა მდგომარეობს დაავადებულ პირებში ვენერიული გრანულომის გამოვლენასა და მკურნალობაში  სანიტარული ღონისძიებების ჩატარების დროს.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

Share on Facebook
Facebook
გააზიარე facebook -ზე ..

One thought on “ვენერიული გრანულომა”

Comments are closed.