ორსულთა ანემია

ამავე პოსტიდან შეგიძლიათ შეარჩიოთ და გამოიწეროთ ქალის ჯანმრთელობისა და მოვლის საშუალებები, ვიტამინები ორსულთათვის ინტერნეტ-მაღაზია ,,ამაზონიდან”. ასევე იხილეთ   ქვემოთ ამავე ფერის ტექსტები

ორსულთა ანემია საკმაოდ გავრცელებული პათოლოგიაა, განსაკუთრებით რკინადეფიციტური ანემია, რომელიც წარმოადგენს კლინიკურ ჰემატოლოგიურ სინდრომს. ანემია ხასიათდება ჰემოგლობინის დონის დაქვეითებით, ერითროციტების შემცირებითა და პათოლოგიური ფორმების გამოჩენით, ასევე აღინიშნება ვიტამინების ბალანსის დარღვევა, მიკროელემენტებისა და ფერმენტების რაოდენობრივი ცვლილებები. რკინადეფიციტური ანემიის დროს აღინიშნება ჰემოგლობინის სინთეზის დარღვევა, რაც განპირობებულია რკინის დეფიციტით.

ანემია არის არა დიაგნოზი, არამედ სიმპტომი, რომლის გამოვლენისას აუცილებელია გამომწვევი მიზეზის დადგენა. ანემიის დიაგნოსტიკის კრიტერიუმს არაორსულ ქალებში ჯანმოს მონაცემებით წარმოადგნეს – ჰემოგლობინი < 120 გ/ლ, ორსულობის დროს კი – <110 გ/ლ. დღეისათვის ანემია ორსულთა 21-80% მერყეობს განვითარების სხვადსხვა დონეზე მყოფ  ქვეყნებში, 90%-ში კი სწორედ რკინადეფიციტური ანემია ვლიონდება. უნდა აღინიშნოს, რომ ორსულობის ბოლოს პრაქტიკულად ყველა ქალში აღინიშნება რკინის ფარული დეფიციტი, 1/3 – ში კი ვითარდება რკინადეფიციტური ანემია.

რკინადეფიციტური ანემია იწვევს, შრომისუნარიანობის დაქვეითებასა და სხვადასხვა სისტემებისა და ორგანოების მხრივ ფუნქციურ დარღვევებს. ორსულებში რკინის დეფიციტი  ზრდის მშობიარობისას გართულებების რისკს, არაადექვატური და დაგვიანებული მკურნალობისას აღინიშნება რკინის დეფიციტი ნაყოფშიც.

ანემიის გარკვეული ფორმების დროს, როგორიცაა ქრონიკული რკინადეფიციტური ანემიის III  და IV ხარისხი, ჰემოლიზური ანემია, ძვლის ტვინის ჰიპო- და აპლაზიის დროს განვითარებული ანემია, ორსულობა უკუნაჩვენებია


♥ ქალის ჯანმრთელობის ,,ამაზონის” განყოფილება >>
♥ ოჯახის დაგეგმვის ტესტები
♥ ვიტამინები ორსულებისთვის
♥ ვიტამინები პრენატალური (მშობიარობის წინა) პერიოდისათვის
ორსულებში ანემიის დროს გამოსაყენებელი საშუალებები ,,ამაზონზე” iron supplements for anemia and pregnancy >>


რკინა დეფიციტური ანემიის გამომწვევი მიზეზებია:

  • ალიმენტური ფაქტორი – რკინით ღარიბი საკვების მიღება, ვეგეტარიანული დიეტა, ანორექსია.
  • ქრონიკული დაავადებები, როგორიცაა: გულის მანკები, რევმატიზმი, პიელონეფრიტი, ჰეპატიტი, ღვიძლის პათოლოგიები, როდესაც ვერ ხდება რკინის დეპონირება და ტრანსპორტირება ტრანსფერინის დეფიციტის გამო. ასევე სისხლდენები, როგორც გასტროინტესტინალური ტრაქტიდან, ისე ცხვირიდან ქრონიკული სისხლდენები თრომბოციტოპათიების გამო.
  • დამძიმებული სამეანო-გინეკოლოგიური ანამნეზი: მენომეტრორაგიები,  თვითნებითი აბორტები,  მრვალმშობიარობაა, ენდომეტრიოზი, საშვილოსნოს მიომა
  • არსებული ორსულობის გართულებები, მრავალნაყოფიანი ორსულობა, ადრეული გესტოზი, ასაკი – ორსულები 18 წელზე ქვევით და პირველმშობიარეები 30 წლის შემდეგ, არტერიული ჰიპოტონია, ქრონიკული დაავადებების გამწვავება, პლაცენტის წინა მდებარეობა, პლაცენტის ნაადრევი აშრევება
  • წელიწადის სეზონი – შემოდგომა – ზამთარი, ვიტამინების დეფიციტი

ანემიის პათოგენეზი ორსულობის დროს

გამოყოფენ შემდეგ ძირითად მექანიზმებს, რომელიც განაპირობებს ორსულებში ანემიის განვითარებას:

  • გესტაციის პერიოდში ცვლის შუალედური პროდეუქტების დაგროვება, რაც ზიანს აყენებს ძვლის ტვინს.
  • ორსულობის პერიოდში ჰორმონული ბალანსის ცვლილებები, კერძოდ კი ესტროგენების მომატება, რომელიც ერითროპოეზის დათრგუნვას იწვევს
  • ხშირი ორსულობები და მშობიარობები, მრავალნაყოფიანი ორსულობა, რის გამოც ორგანიზმში რკინის დეპოს განლევა ხდება
  • ვიტამინი B 12-ს , ფოლიუმის მჟავისა და ცილების დეფიციტი
  • ჟანგბადოვანი შიმშილი, რომლის დროსაც მიმდინარეობს ჟანგვა – აღდგენითი რეაქციების დარღვევები
  • რკინის მარაგის განლევა ნაყოფის განვითარებისათვის მომატებული საჭიროების გამო

მოსალოდნელი საფრთხეები ორსულობის მიმდინარეობისას ანემიის დროს:

  • ორსულობის შეწყვეტის საფრთხე – 20-42%
  • ადრეული ტოქსიკოზი – 29%
  • გესტოზი – 40%
  • არტერიული ჰიპოტონია – 40%
  • პლაცენტის ნაადრევი აშრევება – 25-35%
  • ფეტოპლაცენტური უკმარისობა – ნაყოფის განვითარების დარღვევა – 25%
  • ნაადრევი მშობიარობა

მოსალოდნელი საფრთხეები  მშობიარობისა და მშობიარობის შემდგომი პერიოდში ანემიის დროს:

  • სანაყოფო წყლების ნაადრევი დაღვრა
  • სამშობიარო მოქმედების სისუსტე – 10-37%
  • პლაცენტის ნაადრევი აშრევება
  • ატონიური  და ჰიპოტონიური სისხლდენა მომყოლისა და მშობიარობის ადრეულ პერიოდში  – 10-51.8%
  • დსშ (დისემინირებული სისხლძარღვშიგა შედედების სინდრომი) სინდრომი და კოაგულაციური სისხლდენები
  • ჩირქოვან – სეპტიკური დაავადებები მშობიარობის შემდგომ პერიოდში – 12%
  • ჰიპოგალაქტია – 29%
  • ნაყოფის ანტენატალური და ინტრანატალური ჰიპოქსია

პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

  • გაფრთხილება
  • წყაროები: 1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით. 2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა.  ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

.

Share on Facebook
Facebook
გააზიარე Facebook -ზე ..