პანკრეასის ულტრაბგერითი გამოკვლევა

პანკრეასის ულტრაბგერითი გამოკვლევა შესაძლებლობას იძლევა მოხდეს პანკრეასის ვიზუალიზაცია  სხვადასხვა პროექციაში და შეფასდეს მისი სტრუქტურა, ზომა, ფორმა  სხვადასხვა პათოლოგიური პროცესის დროს.  თუმცა პანკრეასის ანატომიური თავისებურებების გამო მისი გამოკვლევა გარკვეულ სიძნელეებთან არის დაკავშირებული, რის გამოც გარდა ზემოთ აღნიშნულისა, ყურადღება უნდა მიექცეს გარშემო მდებარე ორგანოებისა და ქსოვილების მდგომარეობას, პანკრეასის მდებარეობას მაგისტრალური სისხლძარღვებისა და ხერხემლის მიმართ.


საქართველოდან ბევრი მიმართავს უცხოურ კლინიკებს, დიაგნოზის გადასამოწმებლად, კონსულტირებისა და თუ აუცილებელია – სამკურნალოდაც. განსაკუთრებით ხშირია დიაგნოზის გადამოწმება. უცხო ქვეყნების სამედიცინო ინფრასტუქტურაში გარკვევა, კლინიკებისა და ექიმების არჩევა, რომლებიც ყველაზე უკეთ და მისაღებ ფასებში გადაჭრიან თქვენს პრობლემებს, საკმაოდ რთულია. ამაში დაგეხმარებიან სამედიცინო ტურიზმის სპეციალიზებული ფირმები. შეკითხვები უნდა გააგზავნოთ სპეციალური ფორმიდან. საკონტაქტო ფორმაზე გახვალთ ამ ტექსტზე დაკლიკებით. წერილს მიიღებენ სამედიცინო ტურიზმის წამყვანი ფირმები. პირველი შეკითხვაზე პასუხი უფასოა. ენა ქართული. შეეცადეთ შეკითხვა და თქვენი მდგომარეობა ჩამოაყალიბოთ ზუსტად: რა პრობლემა გაქვთ და რა მოთხოვნები გაქვთ კლინიკის მიმართ.


პანკრეასის ულტრაბგერითი გამოკვლევის  ჩვენებები:

  • ნებისმიერი მორეციდივე ან ხანგრძლივად მიმდინარე ტკივილი ეპიგასტრიუმის მიდამოში
  • პალპირებადი წარმონაქმნი ან მტკივნეულობა პალპაციისას
  • ვერიფიცირებული მწვავე ან ქრონიკული პანკრეატიტი გართულებების დროული გამოვლენის მიზნით (კისტები, აბსცესი, ნეკროზი)
  • პანკრეასის კისტაზე, აბსცესზე, კიბოზე ეჭვის არსებობა
  • გასტროსკოპიით კუჭის უკანა კედლის დეფორმაცია
  • თორმეტგოჯა ნაწლავის მარყუჟის კონტურებისა და ფორმის ცვლილება რენტგენოლოგიური გამოკვლევისას
  • წონის მკვეთრი კლება
  • სიყვითლე
  • კუჭის მოქმედების დარღვევა

პანკრეასის დაავადებებს, რომელთა დიაგნოსტირება შესაძლებელია ულტრაბგერითი გამოკვლევით, მიეკუთვნება მწვავე და ქრონიკული  პანკრეატიტი, ტრავმული დაზიანება, პანკრეასის თავის კიბო, პანკრეასის კისტა, აბსცესი და სხვა. ნორმაში პანკრეასის ექოსტრუქტურა  ინტენსივობით ღვიძლის ექოსტრუქტურის მსგავსია, დომინირებს წვრილი ექოსიგნალები, რომლებიც თანაბრად არის განაწილებული მთელ ორგანოში. ასაკის მატებისას ცხიმის დაგროვებასა და ფიბროზული ქსოვილის წარმოქმნასთან ერთად პანკრეასის ექოსტრუქტურა ძლიერდება.

სხვადასხვა პათოლოგიური პროცესის დროს ექოსტრუქტურა მნიშვნელოვნად იცვლება. მწვავე პანკრეატიტისათვის დამახასიათებელია ექოგენობის მკვეთრი დაქვეითება, ჯირკვლის შეშუპების გამო, ქრონიკული პანკრეატიტის და კიბოს  დროს კი პირიქით გაძლიერება და ჰეტეროგენურობა (ფიბროზი და ნაწიბუროვანი ცვლილებები), პანკრეასის კისტა კი ექონეგატიურია. პანკრეასის ულტრაბგერითი გამოკვლევისას მნიშვნელოვანია შეფასდეს ორგანოს კონტურები. სწორი კონტურები დამახასიათებელია პანკრეასის კისტისათვის, არასწორი კიდეები კი აღინიშნება პანკრეასის შეშუპების, ქრონიკული პანკრეატიტის, სიმსივნის დროს. გარდა ამისა მნიშვნელოვანია ისეთი ირიბი ექოსკოპიური ნიშნები, როგორიცაა: ღვიძლის დორსალური ზედაპირის ჩაღრმავება, აორტისა და ქვემო ღრუ ვენების გადანაცვლება, რაც შეიძლება გამოიწვიოს სიმსივნურმა წარმონაქმნმა, ვირსუნგის  სადინრის გაფართოება ქრონიკული და რეაქტიული პანკრეატიტის დროს.  ანალიზები, დიაგნოსტიკა >>


პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

  • გაფრთხილება
  • წყაროები: 1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით. 2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა.  ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

 

Share on Facebook
Facebook
გააზიარე Facebook -ზე ..