კომბინირებული ორალური კონტრაცეპტივები

კომბინირებული ორალური კონტრაცეპტივების უპირატესობები:

  1. გამოირჩევა მაღალი ეფექტურობით (99%);
  2. გარდა ჩასახვის საწინააღმდეგო ეფექტისა, იგი არეგულირებს მენსტრუაციას, ამცირებს მენსტრუალურ სისხლდენას და ტკივილს;
  3. მეთოდის გამოყენების შეწყვიტის შემდეგ ქალს შეუძლია მალევე დაორსულდეს.

ვის შეუძლია კომბინირებული ორალური კონტრაცეპტივების გამოყენება?

 ქალების უმეტესობას სპეციალისტთან კონსულტაციის გავლის შემდეგ შეუძლია კომბინირებული ორალური კონტრაცეპტივები გამოიყენოს და მათი მრავალფეროვნებიდან მისთვის საუკეთესო შეარჩიოს.

ვის არ შეუძლია კომბინირებული ორალური კონტრაცეპტივების გამოყენება?

  1. 35 წელზე მეტი ასაკის მწეველ ქალებს (35 წლის ქვემოთ მწეველებს, ან 35 წელზე მეტი ასაკის არამწეველ ქალებს ამ მეთოდის გამოყენება შეუძლიათ)
  2. ქალებს, რომლებმაც 3 კვირაზე ნაკლები ხნის წინ იმშობიარეს;
  3. მეძუძურ დედებს და ქალებს, რომლებსაც აღენიშნებათ:
    • მაღალი არტერიული წნევა (180/110 მმ. ვწ.ს.);
    • დიაბეტის მძიმე ფორმა;
    • გულის იშემიური დაავადება;
    • ქოლესტერინის მაღალი შემცველობა;კომბინირებული ორალური კონტრაცეპტივები
    • სისხლის შედედების უნარის მომატება;
    • ქალებს, რომლებმაც გადაიტანეს გულის ინფარქტი ან ინსულტი;
    • სარძევე ჯირკვლის კიბო;
    • ნაღვლის ბუშტის კენჭოვანი დაავადება;
    • ჰეპატიტის აქტიური ფორმა;
    • თავის ტვინში სისხლის მიმოქცევის მოშლა.

კომბინირებული ორალური კონტრაცეპტივების  გამოყენების წესი:

ჩასახვის საწინააღმდეგო აბების მიღება ხდება ყოველდღიურად, ამიტომ ამ მეთოდის შერჩევისას უნდა გაითვალისწინოთ თქვენი ცხოვრების რეჟიმი და ხელსაყრელი ან ხელშემშლელი პირობები. აბების გამოტოვება არ შეიძლება, რადგან ამით მათი კონტრაცეპტიული საიმედობა ქვეითდება. სპეციალისტი გაგიწევთ კონსულტაციას, თუ როდის უნდა დაიწყოთ აბების მიღება, როგორ მოიქცეთ აბის გამოტოვების შემთხვევაში, ან შესაძლო გვერდითი მოვლენების გამოჩენისას და სხვა საკითხებში.

აღებულია: http://www.genesis.org.ge/brochure29/brochure29.htm; გადასვლა >> ოჯახის დაგეგმვა, კონტრაცეფცია

.