პირველი ღიმილი

დედა მთელ დროს და ენერგიას ხარჯავს ახალშობილის მოსავლელად და განუწყვეტლივ მის ირგვლივ ტრიალებს. პირველი ჯილდო რასაც დედა იღებს არის პატარას ღიმილი.

ზოგჯერ ბავშვი პირველად იღიმის დაბადებიდან პირველ კვირაში ან პირველივე დღესვე. თუმცა ეს სპონტანური ღიმილი აღინიშნება ღრმა ძილის დროს და არ ითვლება შეგნებულ ემოციურ გამოვლინებად. პირველი ნამდვილი ღიმილი ვლინდება მე 6-8 კვირაში, ის მოითხოვს დიდ ძალისხმევას ახალშობილისგან. პატარა ჯერ ცნობს სახეს, ხმას, შემდეგ აერთიანებს მათ და პასუხად – იღიმის.

ბავშვის პირველი ღიმილი არის დიალოგის დასაწყისი – „შენ იცინი, მეც ვიცინი“. მეცნიერების აზრით, სწორედ ეს დიალოგი არის სოციალური ურთიერთობების განვითარების საფუძველი. ამიტომ, დედა უნდა უღიმოდეს შვილს მთელი გულით და რაც შეიძლება ხშირად, რადგან მომღიმარი პატარა საპასუხოდ ელის იმავეს და დედის ღიმილით ხვდება, რომ მას ყურადღებას აქცევენ და ესმით მისი ემოციური მდგომარეობა.

კვლევებმა დაამტკიცეს, რომ შვილის ღიმილი დადებითად მოქმედებს დედის ტვინზე, მას ავიწყდება ყველანაირი დაღლა და ქრონიკული უძილობა. იმისათვის, რომ ბავშვმა გაიღიმოს სულაც არ არის საჭირო მკვეთრი სათამაშოები. საკმარისია სახე მიუახლოვოთ (20-30 სმ მანძილზე) და დაელაპარაკოთ ან უმღეროთ, პასუხი იქნება შთამბეჭდავი.

ფიქრობენ, რომ ბავშვი ყველაზე ხშირად იღიმის წყნარ, მშვიდ გარემოში ყოფნისას. არ ღირს დააძალოთ მას გაიღიმოს, განსაკუთრებით მაშინ თუ შია ან ეძინება. თუ პატარა მოუსვენრადაა ან წუხს ნუ მოაბეზრებთ თავს, უბრალოდ აიყვანეთ ხელში, უმჯობესია დაისვენოს.

თითოეული ბავშვი იბადება თანდაყოლილი ხასიათით, ამიტომ ზოგი ბუნებით მოღიმარია, ზოგი კი არა. თუკი 2 თვის ბავშვი საერთოდ არ იღიმის, სჯობს მიმართოთ პედიატრს.

ლიტ: http://ivona.bigmir.net/deti/to_one/308767-Pervaja-ulybka–kogda-ee-zhdat–i-kak-ne-propustit-

► როგორ უნდა გამოიწეროთ ინტერნეტ-მაღაზია „ამაზონიდან“ ?
► როგორ შევარჩიოთ ყველაზე რეიტინგული საქონელი ,,ამაზონზე” ?

ბმები:

  1. რა სჭირდება ახალშობილს?
  2. რა უნდა დავახვედროთ ბავშვს სამშობიაროდან გამოყვანისას?
  3. ბავშვი 

..