მოვიპრეპი. ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
♦ მოვიპრეპი აფთიაქებსა და ბაზებში, ფასები, აქციები, პრაისები, ინტერნეტ-აფთიაქები >>
♦ ჩაწერა საქართველოს Top – ექიმებთან >>
♦ უცხოეთიდან კონსულტაციები, დიაგნოსტიკა და მკურნალობა უცხოეთში >>
საერთაშორისო დასახელება (აქტიური ნივთიერება): კომბინირებული/comb. drug
ფარმაკოთერაპიული ჯგუფი: საფაღარათო საშუალება.
ათქ კოდი: A06AD65
წამლის ფორმა: შიგნით მისაღები ხსნარის მოსამზადებელი ფხვნილი
შემადგენლობა
საშე A:
აქტიური ნივთიერება: მაკროგოლი – 3350 – 100, 00 გ, ნატრიუმის სულფატი – 7,500 გ, ნატრიუმის ქლორიდი 2,691 გ, კალიუმის ქლორიდი 1,015 გ.
დამხმარე ნივთიერებები: ასპარტამი (E951) 0,233 გ, კალიუმის აცესულფამი 0,117 გ, ლიმონის არომატიზატორი V3938-1 N1 0,340 გ.
საშე B:
აქტიური ნივთიერება: ასკორბინის მჟავა 4,700 გ, ნატრიუმის ასკორბატი 5,900 გ.
აღწერა
საშე A: თეთრიდან მოყვითალო ფერის ფხვნილი ლიმონის დამახასიათებელი სუნით.
საშე B: თეთრიდან ღია მოყავისფერო ფერის ფხვნილი.
ფარმაკოლოგიური თვისებები
ფარმაკოდინამიკა
მაკროგოლზე დაფუძნებული ელექტროლიტების ხსნარის პერორალური მიღება იწვევს ზომიერ დიარეას, რომლის შედეგსაც წარმოადგენს მსხვილი ნაწლავის შემადგენლობის სწრაფი დაცლა.
მაკროგოლი – 3350, ნატრიუმის სულფატს და ასკორბინის მჟავას გააჩნია ოსმოსური მოქმედება, რაც იწვევს საფაღარათე ეფექტს.
მაკროგოლი-3350 ზრდის ფეკალიების მასას და იწვევს ნაწლავის პერისტალტიკის გაძლიერებას.
სამკურნალო საშუალების შემადგენლობაში შემავალი ელექტროლიტები, ასევე სითხის დამატებით მიღება ხელს უშლის წყალ-ელექტროლიტური ბალანსისდარღვევას.
ფარმაკოკინეტიკა
მაკროგოლი-3350 არ იცვლება ნაწლავში არსებობისას. იგი პრაქტიკულად არ შეიწოვება კუჭ-ნაწლავის ტრაქტიდან. მაკროგოლი-3350 -ის აბსორბირებული რაოდენობა გამოიყოფა თირკმელებით.
ასკორბინის მჟავა შეიწოვება ძირითადად წვრილ ნაწლავში, ნატრიუმზე დამოკიდებული აქტიური გაჯერებული ტრანსპორტით. არსებობს უკუდამოკიდებულება მიღებულ დოზასა და დოზის აბსორბირებულ პროცენტს შორის. 30-180 მგ დოზის პერორალური მიღებისას შეიწოვება მოცემული დოზის დაახლოებით 70-80%. შემდგომი პერორალური მიღებისას ასკორბინის მჟავა 12 გ მოცულობით შეიწოვება სულ 2 გ. ასკორბინის მჟავას დიდი დოზების პერორალური მიღების შემდეგ და მისი კონცენტრაციის გადაჭარბებისას პლაზმაში 14 მგ/ლ აბსორბირებული ასკორბინის მჟავად, გამოიყოფა ძირითადად თირკმელებით უცვლელად.
გამოყენების ჩვენებები
მომზადება სადიაგნოსტიკო კვლევებისთვის (ნაწლავის ენდოსკოპიური, რენტგენოლოგიური და სხვა კველევები) და ოპერაციული ჩარევებისას, რომელიც საჭიროებს ნაწლავის დაცლას.
უკუჩვენებები
• პრეპრატის რომელიმე ნივთიერების მიმართ ჰიპერმგრძნობელობა;
• კუჭის დაცლის დარღვევა (გასტროპარეზი);
• ნაწლავის გაუვალობა;
• კუჭ-ნაწლავის ტრაქტის ორგანოების პერფორაცია ან პერფორაციის რისკი;
• ფენილკეტონურია (ასპარტამის შემცველობის გამო);
• გლუკოზო-6-ფოსფატ დეჰიდროგენაზას დეფიციტი (ასკორბინის მჟავას შემცველობის გამო);
• ნაწლავის მწვავე ანთებითი დაავადებები ან ტოქსკიური მეგაკოლონი, რაც წარმოადგენს ნაწლავის გამოხატული ანთებითი პროცესების გართულებებს, მათ შორის კრონის დაავადება და წყლულოვანი კოლიტი;
• 18 წლამდე ასაკი;
• უგონო მდგომარეობა.
სიფრთხილით
• ღებინების რეფლექსის დარღვევა, ასპირაციის ან ბოყინისადმი მიდრეკილება;
• ცნობიერების დარღვევა;
• დეჰიდრატაცია;
• გულის მწვავე უკმარისობა (III-IV ფუნქციური კლასი NYHA კლასიფიკაციის მიხედვით);
• თირკმელების მწვავე უკმარისობა (კრეატინინის კლირენსი <30 მლ/წთ)
• მწვავე ანთებითი დაავადებები;
• გაურკვეველი ეტიოლოგიის მუცლის ტკივილი;
• არითმიების რისკი, მაგ. პაციენტებიб რომლებიც მკურნალობენ გულსისხლძარღვთა დაავადებებს ან რომელთაც აქვთ ფარისებრი ჯირკვლის დაავადება.
თუ რომელიმე ჩამოთვლილი დაავადებებიდან აგეღნიშნებათ ერთ-ერთი, მოვიპრეპის გამოყენებამდე აუცილებლად მიმართეთ ექიმს კონსულტაციისთვის.
გამოყენება ორსულობის და ლაქტაციის დროს
მოვიპრეპის გამოყენების გამოცდილება ორსულებში და ლაქტაციის პერიოდში შეზღუდულია. პრეპარატ მოვიპრეპის მიღება უნდა მოხდეს მხოლოდ იმ შემთხვევაში, თუ მოსალოდნელი სარგებელი აჭარბებს ნაყოფზე ან ბავშვზე პოტენციურ რისკს (აუცილებელია ექიმთან კონსულტაცია).
გამოყენების წესი და დოზები
შიგნით. პრეპარატის ერთი ლიტრი ხსნარის მოსამზადებლად ერთი საშე A-ს შემადგენლობა და ერთი საშე B-ს შემადგენლობა უნდა გაიხსნას მცირე რაოდენობის წყალში, შემდეგ ხსნარის მოცულობა უნდა გაიზარდოს 1 ლიტრამდე. პრეპარატის ხსნარის მეორე ლიტრის მოსამზადებლად დარჩენილი მეორე საშე A და მეორე საშე B-ს შემცველობა უნდა გაიხნსას წყლის უმნიშვნელიო რაოდენობაში, შემდეგ ხსნარის მოცულობა უნდა გაიზარდოს ერთ ლიტრამდე. საერთო დოზა შეადგენს მოვიპრეპის ორ ლიტრს. ხსნარის მიღება შესაძლებელია ერთჯერადად (ორი ლიტრი საღამოს ან ორი ლიტრი დილით პროცედურის ჩატარებამდე) ან გაიყოს ორ მიღებად (ერთი ლიტრი საღამოს და ერთი ლიტრი დილით პროცედურის ჩატარებამდე).
ოპერაციული ჩარევის წინ მიიღება ერთჯერადად ორი ლიტრი ხსნარი საღამოს. მომზადებული ხსნარის მიიღება უნდა მოხდეს 1-2 სთ მანძილზე. მომზადების კურსის გავლის დროს რეკომენდებულია დამატებით სხვა სითხის ერთი ლიტრის მიღება (წყალი, ბულიონი, ხილის წვენი ნაყოფის გარეშე, უალკოჰოლი სასმელები, ჩაი, ყავა რძის გარეშე). გაყოფილი (ერთი ლიტრი საღამოს და ერთი ლიტრი დილით) და ღამით ერთჯერადად მიღების სქემების დროს პრეპარატის და სხვა სითხეების მიღება უნდა შეწყდეს პროცედურამდე არანაკლებ 1 საათით ადრე. დილით ერთჯერადად მიღებისას პრეპარატის მიღება უნდა შეწყდეს არანაკლებ 2 საათით ადრე, ხოლო სხვა სითხეების მიღება – არანაკლებ 1 საათით ადრე პროცედურის დაწყებამდე. პაციენტებმა უნდა გაითვალისწინონ პროცედურის ჩასატარებლად კლინიკაში წასვლის შესაბამისი დროის ინტერვალი. დაუშვებელია მყარი საკვების მიღება მოვიპრეპის მიღების დასაწყისში და კლინიკური პროცედურების დასრულებამდე.
გვერდითი მოვლენები
დიარეა წარმოადგენს ნაწლავის მომზადებისას მოსალოდნელ ეფექტს. პრეპარატის ზემოქმედების ხასიათის გამო, ნალწავის მომზადებისას პროცედურისთვის არასასურველი ეფექტები ფიქსირდება პაციენტების უმეტესობაში. კონკრეტულ შემთხვევებში ზოგიერთი განსხვავების მიუხედავად, ყველაზე გავრცელებულ გვერდით ეფექტს წარმოადგენს გულისრევა, ღებინება, მუცლის შებერილობა, მუცლის ტკივილი, ანუსის მიდამოში გაღიზიანება და ძილის დარღვევა. დიარეას და/ან ღებინების შედეგად შეიძლება განვითარდეს დეჰიდრატაცია.
სხვა პროდუქტების მსგავსად, რომელთა შემადგენლობაშიც შედის მაკროგოლი, შესაძლებელია სხვადასხვა სახის ალერგიული რეაქციების განვითარება, მათ შორის გამონაყარი, ჭინჭრის ციება, ქავილი, კვინკეს შეშუპება და ანაფილაქსიური შოკი.
გვერდითი ეფექტები კლასიფიცირდება განვითარების სიხშირის მიხედვით:
ძალიან ხშირი:≥ 1/10
ხშირი:≥1/100, <1/10
არახშირი:≥1/1000, <1/100
იშვიათი:≥1/10000, <1/1000
ძალიან იშვიათი: <1/10000
უცნობი (შეუძლებელია შეფასება არსებული მონაცემების საფუძველზე) იმუნური სისტემის მხრივ:
უცნობი: ალერგიული რეაქციები, მათ შორის ანაფილაქსიური რეაქციები, დისპნოე და კანის რეაქციები (იხ. ქვემოთ).
ფსიქიური დარღვევები:
ხშირი: ძილის დარღვევა
ნერვული სისტემის მხრივ:
ხშირი: თავბრუსხვევა, თავის ტკივილი
უცნობი: კრუნჩხვები, დაკავშირებული მწვავე ჰიპონატრემიასთან
ნივთერებათა ცვლის და კვების მხრივ:
უცნობია: დეჰიდრატაცია, ელექტროლიტების დარღვევა, მათ შორის სისხლში ბიკარბონატის დონის შემცირება, ჰიპერკალცემია და ჰიპოკალცემია, ჰიპოფოსფატემია და ჰიპონატრემია და სისხლში ქლორიდების დონეების ცვლილება.
გულსისხლძარღვთა სისტემის მხირვ:
უცნობი: არტერიული წნევის ხანმოკლე მომატება, არითმია, გულისცემის გახშირება.
კუჭ-ნაწლავის ტრაქტის მხრივ:
ძალიან ხშირი: მუცლის ტკივილი, გულისრევა, მუცლის შებერილობა, ანუსის მიდამოში გაღიზიანება
ხშირი: ღებინება, დისპეფსია
არახშირი: ყლაპვის გართულება
უცნობი: მეტეორიზმი, ღებინების შეგრძნება
ღვიძლის და სანაღვლე გზების მხრივ:
არახშირი: ღვიძლის ფუნქციური ტესტების გადახრები
კანის და კანქვეშა ქსოვილების მხრივ:
უცნობი: კანის ალერგიული რეაქციები, მათ შორის ანგიონევროზული შეშუპება, ქავილი, ჭინჭრის ციება, გამონაყარი და კანის გაწითლება.
ზოგადი დარღვევები:
ძალიან ხშირი: უგუნებობა, სხეულის ტემპერატურის მომატება;
ხშირი: შემცივნება, წყურვილი, შიმშილი
არახშირი: დისკომფორტი
თუ ინსტრუქციაში მოცემული გვერდითი ეფექტებიდან რომელიმე გამწვავდება, ან თუ შეამჩნიეთ სხვა გვერდითი ეფექტების განვითარება რაც არ არის მითითებული ინსტრუქციაში, აცნობეთ ექიმს.
ჭარბი დოზირება
სიმპტომები: მწვავე დიარეა, რომელმაც შესაძლოა გამოიწვიოს წყალ-ელექტროლიტური ბალანსის დარღვევა
მკურნალობა: როგორც წესი საკმარისია დიდი რაოდენობით სითხის მიღება, სასურველია ხილის წვენების. აუცილებლობის შემთხვევაში – საინფუზიო ხსნარების წყალ -ელექტროლიტური ბალანსის აღსადგენად.
ურთიერთქმედება სხვა სამკურნალო საშუალებებთან
მოვიპრეპით გამოწვეულ დიარეამ შესაძლოა გამოიწვიოს სხვა ერთდროულად მიღებული პრეპარატების აბსორბციის დარღვევა. პრეპარატები, რომელთა გამოყენებაც ხდება პერორალურად, პრეპარატის საფაღარათე მოქმედების დაწყებამდე ერთი საათის განმავლობაში (მაგ. პერორალური კონტრაცეპტივები) შესაძლებელია გამოიყოფოდეს კუჭ-ნაწლავის ტრაქტიდან აბსორბციის გარეშე.
განსაკუთრებული გაფრთხილებები
ხანდაზმული ასაკის პაციენტებში, დასუსტებულ ან გამოფიტულ პაციენტებში სხვადასხვა თანმხლები დაავადებების დროს, პაციენტებში ასპირაციისადმი ან ბოყონისადმი მიდრეკილებით, ცნობიერების დარღვევით, განსაკუთრებით თუ პრეპარატი შეიყვანება ნაზოგასტრალური ზონდით, პრეპარატი მიიღება სამედიცინო კონტროლის ქვეშ.
მოვიპრეპის მომზადებული ხსნარი არ ცვლის სითხის რეგულარულ მიღებას, ამიტომ აუცილებელია სითხის საკმარისი რაოდენობის შენარჩუნება ორგანიზმში.
გამოფიტულ დასუსტებულ პაციენტებში, პაციენტებში სხვადასხვა თანმხლები დაავადებებით, თირკმელების კლინიკურად მნიშვნელოვანი დისფუნქციით, არითმიით და ელექტროლიტების ბალანსის დარღვევის რისკით, თავდაპირველად და მკურნალობის შემდეგ აუცილებელია ელექტროლიტების დონის განსაზღვრა, თირკმელების ფუნქციის შეფასება და ეკგ კვლევა.
იშვიათად შეინიშნებოდა სერიოზული არითმია, მათ შორის წინაგულების ფიბრილაცია, რაც ასოცირდებოდა ნაწლავის მოსამზადებლად იონური ოსმოსური საფაღარათე საშუალებების მიღებასთან. მოცემული მოვლენები ვითარდება უპირატესად კარდიოლოგიური რისკ-ფაქტორების და ელექტროლიტების ბალანსის დარღვევის მქონე პაციენტებში.
ნებისმიერი სახის სიმპტომის განვითარებისას, რაც ადასტურებს არითმიას ან წყალ-ელექტროლიტური ბალანსის ცვლილებას (მაგ. შეშუპება, ქოშინი, მომატებული დაღლილობა, გულის უკმარისობა), უნდა მოხდეს სისხლის პლაზმაში ელექტროლიტების დონის განსაზღვრა, ეკგ კვლევა და ყველა გამოვლენილი გადახრის ადექვატური მკურნალობა.
თუ პაციენტში განვითარდება მსგავსი სიმპტომები, როგორიცაა მეტეორიზმი, მუცლის შებერილობა, მუცლის ტკივილი ან ნებისმიერი სხვა რეაქციები, რაც ართულებს პრეპარატის შემდგომ მიღებას, უნდა დროებით შეწყდეს ან შენელდეს პრეპარატის მიღება და საჭიროა ექიმთან კონსულტაცია.
პაციენტების მკურნალობისას რომლებიც იცავენ მარილის შემზღუდველ დიეტას, უნდა გაითვალისწინონ, რომ პრეპარატი შეიცავს 56,2 მმოლ აბსორბირებად ნატრიუმს ერთ ლიტრ ხსნარში.
თირკმელების ფუნქციის დარღვევის მქონე პაციენტების ან კალიუმის შემცველობის კონტროლირებადი დიეტის დაცვისას მკურნალობის დროს, უნდა გაითვალისწინონ რომ პრეპარატი შეიცავს14,2 მმოლ კალიუმს ერთ ლიტრ ხსნარზე.
ზემოქმედება ავტოტრანსპორტის და მექანიზმების მართვის უნარზე
პრეპარატ მოვიპრეპით სამედიცინო მანიპულაციებისთვის მომზადების კურსის პერიოდში, რეკომენდებული არ არის ავტოტრანსპორტის და მექანიზმების მართვა (იხ. გვერდითი მოვლენები).
გამოშვების ფორმა
შიგნით მისაღები ხსნარის მოსამზადებელი ფხვნილი.
111,896 გ პრეპარატი ლამინირებულ საშე A-ში.
10,600 გ პრეპარატი ლამინირებულ საშე B-ში.
თითო საშე A და საშე B პოლიეთილენის პაკეტში. ორი პაკეტი მოთავსებულია გამოყენების ინსტრუქციასთან ერთად მუყაოს კოლოფში.
შენახვის პირობები
არაუმეტეს 25°C ტემპერატურაზე.
აღდგენილი ხსნარი ინახება არაუმეტეს 8°C ტემპერატურაზე, შეინახეთ ბავშვებისთვის მიუწვდომელ ადგილას.
ვარგისიანობის ვადა
3 წელი.
აღდგენილი ხსნარი – 24 სთ.
დაუშვებელია გამოყენება ვარგისიანობის ვადის გასვლის შემდეგ.
მწარმოებელი: Norgine Limited, დიდი ბრიტანეთი
გაცემის რეჟიმი: III ჯგუფი (ურეცეპტოდ)