აკუსტიკური ტრავმა

ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი

აკუსტიკური ტრავმა – სმენის ორგანოს დაზიანება დიდი სიძლიერის ბგერების მოქმედებით. შიგნითა ყურში ამ დროს მომხდარ ავადმყოფურ ცვლილებებს მოსდევს სმენის დაქვეითება, ზოგჯერ კი სიყრუეც. განარჩევენ მწვავე და ქრონიკულ აკუსტიკურ ტრავმას. მწვავე აკუსტიკური ტრავმა შეიძლება განვითარდეს უეცრად, მეტად ძლიერი ბგერების გავლენით. ქრონიკული აკუსტიკური ტრავმა უფრო ხშირია ხმაურიან წარმოებაში ხანგრძლივად მომუშავეთა (ფეიქრები, ძრავების გამომცდელები და სხვა) შორის და ზოგჯერ პროფესიულ სიყრუეს იწვევს. პროფილაქტიკა: საწარმოო ხმაურთან ბრძოლა და ხმაურის საწინააღმდეგო ინდივიდუალურ საშუალებათა გამოყენება. [“1”]

გაფრთხილება!

ბმულები: 1. ლალი დათეშიძის საავტორო ფარმაცევტული სკოლა 2. სამედიცინო ლიტერატურა 3. სამონასტრო ბაღები