მეტეორიზმი – 1. ნაწლავებში აირთა დაგროვება, მუცლის შებერვა, ბოყინი, შეტევითი ტკივილები. 2. მუცელში შებერვის, სიმძიმის შეგრძნება, რომელიც დაკავშირებულია ნაწლავებში აირების წარმოქმნის მომატებასთან, იშვიათად ჰაერის გადაყლაპვასთან. ზოგიერთ შემთხვევებში, მეტეორიზმი შეიძლება განვითარდეს ნაწლავის კედლის მიერ აირების შეწოვის დარღვევის შედეგად, მათი (აირების) ნორმალური წარმოქმნის ფონზე. ეს სიმპტომი აღენიშნებათ ავადმყოფებს წვრილი და მსხვილი ნაწლავის დაზიანებისას, პორტული ჰიპერტენზიით მიმდინარე ღვიძლის ციროზის, გულის უკმარისობით გამოწვეული ღვიძლში შეგუბების დროს. მეტეორიზმი შეიძლება გაძლიერდეს საკვებად ზოგიერთი პროდუქტების გამოყენებისას, მაგალითად პარკოსნები, ბარდა, კომბოსტო, აგრეთვე რძე.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი