ენაჰექსალი

ენაჰექსალის ზოგადი ინფორმაცია

ენაჰექსალი. EnaHexal. ანგიოტენზინ-გარდაქმნელი ფერმენტების ინჰიბიტორების  ჯგუფის სამკურნალო საშუალება. აქტიური ნივთიერება – ენალაპრილის მალეატი. Enalapril maleate. ათქ.კლასიფიკაციის კოდი – C09AA. მწარმოებელი ფირმა – Sandoz (გერმანია).

ენაჰექსალის შემადგენლობა და გამოშვების ფორმა

ენაჰექსალი. EnaHexal გამოდის 5მგ, 10მგ და  20მგ ტაბლეტის ფორმით. ტაბლეტი 5 მგ შეიცავს აქტიურ ნივთიერებებს: ენალაპრილის მალეატს – 5,0მგ; დამხმარე ნივთიერებებია: ნატრიუმის ჰიდროკარბონატი, ლაქტოზას მონოჰიდრატი, სიმინდის სახამებელი, ტალკი, ჰიპრომელოზა, მაგნიუმის სტეარატი.ტაბლეტი 10 მგ შეიცავს აქტიურ ნივთიერებებს: ენალაპრილის მალეატს – 10,0მგ; დამხმარე ნივთიერებებია: ნატრიუმის ჰიდროკარბონატი, ლაქტოზას მონოჰიდრატი, სიმინდის სახამებელი, ტალკი, ჰიპრომელოზა, მაგნიუმის სტეარატი, რკინის ოქსიდი წითელი. ტაბლეტი 20 მგ შეიცავს აქტიურ ნივთიერებებს: ენალაპრილის მალეატი – 20,0მგ; დამხმარე ნივთიერებებია: ნატრიუმის ჰიდროკარბონატი, ლაქტოზას მონოჰიდრატი, სიმინდის სახამებელი, ტალკი, ჰიპრომელოზა, მაგნიუმის სტეარატი, რკინის ოქსიდი წითელი, რკინის ოქსიდი ყვითელი.აღწერა: ტაბლეტი 5მგ: თეთრი მოგრძო ორმხრივ ამობურცული ტაბლეტები გლუვი ზედაპირით ერთი მხრიდან ნაჭდევით და წარწერით “EN5”, საწინააღმდეგო მხარეზე – ნაჭდევით 140 გრადუსიანი კუთხით („Snap-tab“). ტაბლეტი 10მგ: წითელ-ყავისფერი ორმხრივ ამობურცული მოგრძო ტაბლეტები უფრო მუქი და შედარებით ღია წინწკლების ჩანართებით გლუვი ზედაპირით ერთი მხრიდან ნაჭდევით და წარწერით „EN10“, საწინააღმდეგო მხარეზე – ნაჭდევით 140 გრადუსიანი კუთხით („Snap-tab“). ტაბლეტი 20მგ: ღია ნარინჯისფერი ორმხრივ ამობურცული მოგრძო ტაბლეტები უფრო მუქი და შედარებით ღია წინწკლების ჩანართებით გლუვი ზედაპირით ერთი მხრიდან ნაჭდევით და წარწერით „EN20“, საწინააღმდეგო მხარეზე – ნაჭდევით 140 გრადუსიანი კუთხით („Snap-tab“).

ენაჰექსალის ფასები ქართულ ფარმაცევტულ ბაზარზე

ენაჰექსალის ფასები ფარმადეპოში
ენაჰექსალის ფასები ავერსში
ენაჰექსალის ფასები psp-ში
ენაჰექსალის ფასები სხვა აფთიაქებში

ინფორმაცია სხვა პრეპარატების შესახებ, რომლებიც იგივე მოქმედ ნივთიერებებს შეიცავენ, რასაც ენაჰექსალი, იხილეთ ქვემოთ, შესაბამის რუბრიკაში.აფთიაქებს დინამიური ინფორმაცია ენაჰექსალის ფასების შესახებ შეუძლიათ მოგვაწოდონ  mpifarm@gmail.com

ენაჰექსალის აქტიური ნივთიერება

ენალაპრილის მალეატი. Enalapril maleate. ქიმიური დასახელება– (S)-1-[N-[1-(ეთოქსიკარბონილ)-3-ფენილპროპილ]-L-ალანილ]-L-პროლინი (მალეატის სახით). ენალაპრილის მალეატს მიაკუთვნებენ აგფ-ის ინჰიბიტორების ჯგუფს.

ენაჰექსალის სინონიმები

ბერლიპრილი 10 (Berlipril 10, Berlin-Chemie Menarini, გერმანია), ბერლიპრილი 20 (Berlipril 20, Berlin-Chemie Menarini, გერმანია), ბერლიპრილი 5(Berlipril 5, Berlin-Chemie Menarini, გერმანია),  ედნიტი (EDNYT, Gedeon Richter, უნგრეთი), ენა-დენკი 20 (Ena-Denk 20, Denk Pharma. გერმანია), ენალაპრილი (ENALAPRIL, GMP, საქართველო),  ენალაპრილი (ENALAPRIL, Hemofarm A.D, სერბეთი).

ენაჰექსალის გამოყენების ძირითადი მიმართულებებია

• ჰიპერტენზია არტერიული
• გულის უკმარისობა ქრონიკული
• მარცხენა პარკუჭის დისფუნქცია

ენაჰექსალის საფირმო აღწერიდან

ფარმაკოლოგიური თვისებები
ფარმაკოდინამიკა
აგფ-ს ინჰიბიტორი. ფარმაკოლოგიური აქტიურობა გააჩნია ენალაპრილის მეტაბოლიტს – ენალაპრილატს. თრგუნავს ანგიოტენზინ II წარმოქმნას და ხსნის მის სისხლძარღვების შემავიწროებელ მოქმედებას. ამ დროს მცირდება საერთო პერიფერიული სისხლძარღვოვანი წინააღმდეგობა, სისტოლური და დიასტოლური არტერიული წნევა (აწ), მიოკარდიუმზე შემდგომი (პოსტ-) და პრედატვირთვა.
აფართოებს არტერიებს უფრო მეტი ხარისხით, ვიდრე ვენებს, ამასთან გულის შეკუმშვათა რეფლექტორული მომატება არ აღინიშნება. ამცირებს, აგრეთვე, პრედატვირთვას, ამცირებს წნევას მარჯვენა წინაგულში, სისხლის მიმოქცევის მცირე წრეში, ამცირებს მარცხენა პარკუჭის ჰიპერტროფიას. აქვეითებს თირკმლის გორგლების გამომტანი არტერიოლების ტონუსს, ამით ამცირებს გორგოლისშიდა ჰემოდინამიკას და ხელს უშლის დიაბეტურ ნეფროპათიის განვითარებას. არ ახდენს ზეგავლენას გლუკოზის, ლიპოპროტეინების მეტაბოლიზმზე და სასქესო ფუნქციებზე. მაქსიმალური ეფექტი ვითარდება 6-8 საათის შემდეგ და ნარჩუნდება 24 საათის განმავლობაში.
თერაპიული ეფექტი მიიღწევა მკურნალობის რამდენიმე კვირის შემდეგ.
ფარმაკოკინეტიკა
შიგნით გამოყენების შემდეგ ენალაპრილის დაახლოებით 60%-ი აბსორბირდება კნტ-დან. საკვების მიღება არ ახდენს ზეგავლენას პრეპარატის შეწოვაზე. პლაზმის ცილებთან ბმა 50%-ზე ნაკლებია. ექვემდებარება ჰიდროლიზს ენალაპრილატის წარმოქმნით, რომელსაც გააჩნია გამოხატული ფარმაკოლოგიური აქტიურობა. ენალაპრილის მაქსიმალური კონცენტრაცია სისხლის შრატში მიიღწევა 1 საათის შემდეგ, ენალაპრილატის – მიიღწევა 3-4 საათში. მიღების დაწყებიდან 4 დღის შემდეგ ნახევრადგამოყოფის პერიოდი შეადგენს 11 საათს. გამოიყოფა ძირითადად თირკმლებით – 60% (20% – ენალაპრილის სახით და 40% ენალაპრილატის სახით), კუჭ-ნაწლავის გავლით 33% (6% – ენალაპრილის სახით და 27% ენალაპრილატის სახით).
ჩვენებები
– არტერიული ჰიპერტენზია;
– გულის ქრონიკური უკმარისობა (კომბინირებული თერაპიის შემადგენლობაში);
– მარცხენა პარკუჭის დისფუნქცია.
მიღების წესები და დოზები
პრეპარატის გამოიყენება შეიძლება საკვების მიღებისაგან დამოუკიდებლად, საკმარისი რაოდენიობის სითხის დაყოლებით.
პრეპარატის დღის დოზას, როგორც წესი, იღებენ დილით, თუმცა, პრეპარატის მიღება შეიძლება 2 ჯერზე – დილით და საღამოს.
დიურეტიკების ერთდროულად მიღების დროს შესაძლებელის ჰიპოტენზიური ეფექტის გაძლიერება.
არტერიული ჰიპერტენზია:
საწყისი დოზა შეადგენს 5მგ-ს დილით (5მგ ენალაპრილის მალეატის 1 ტაბლეტი). თუ აღნიშნული დოზის მიღების დროს არტერიული წნევის სიდიდე არ ნორმალიზდება, დღიური ნორმა შეიძლება გაიზარდოს 10მგ-მდე. ინტერვალი დოზების მომატებას შორის უნდა შეადგენდეს არანაკლებ 3 კვირას. შემანარჩუნებელი დოზა შეადგენს, როგორც წესი, 10მგ ენალაპრილის მალეატს. მაქსიმალური სადღეღამისო დოზა არ უნდა აჭარბებდეს 40 მგ-ს დღეში (20მგ ენალაპრილის მალეატი 2-ჯერ).
გულის ქრონიკული უკმარისობა:
საწყისი დოზა შეადგენს 2.5მგ-ს დილით. დოზის მომატება უნდა ხდებოდეს თანდათან, პაციენტის მდგომარეობის მიხედვით.
შემანარჩუნებელი დოზა შეადგენს, როგორც წესი, 5-10მგ (1-2 აბი 5მგ ან 10მგ ენალაპრილის მალეატი). მაქსიმალური სადღეღამისო დოზა არ უნდა აჭარბებდეს 20მგ-ს დღეში (2 ტაბლეტი 10მგ, ან 1 ტაბლეტი 20მგ).
მარცხენა პარკუჭის დისფუნქცია:
საწყისი დოზა შეადგენს 2.5მგ-ს ენალაპრილის მალეატს დღე-ღამეში 2-ჯერ. შესაძლებელია დოზის კორექტირება პაციენტის მდგომარეობის მიხედვით. საშუალო შემანარჩუნებელი დოზა შეადგენს 10მგ-ს 2-ჯერ დღეში.
პაციენტები თირკმლის ფუნქციის ზომიერი დარღვევებით:
(კრეატინინის კლირენსი 30-60მლ/წთ) და 65 წელზე უფროსი ასაკის პაციენტები: საწყისი დოზა შეადგენს 2.5მგ-ს დილით.
შემანარჩუნებელი დოზა შეადგენს, როგორც წესი, 5-10მგ, (1-2 აბი 5მგ ან 1 აბი 10მგ) ენალაპრილის მალეატს დღეში. მაქსიმალური სადღეღამისო დოზა არ უნდა აჭარბებდეს 20მგ-ს დღეში (2აბი 10მგ, ან 1 აბი 20მგ) ენალაპრილს.
ჰემოდიალიზზე მყოფმა პაციენტებმა პრეპარატი უნდა მიიღონ დიალიზის შემდეგ. შემანარჩუნებელი დოზა შეადგენს, როგორც წესი, 5მგ (1 აბი – 5მგ) ენალაპრილის მალეატს დღეში. მაქსიმალური სადღეღამისო დოზა არ უნდა აჭარბებდეს 10მგ-ს (1 ტაბლეტი 10მგ, ან 2 ტაბლეტი 5მგ) დღეში.
შესაძლებელია პრეპარატის გამოყენება მონოთერაპიის სახით, ან სხვა ანტიჰიპერტენზიულ საშუალებებთან, განსაკუთრებით, დიურეტიკებთან კომბინაციაში.
გვერდითი მოვლენები
გვერდითი ეფექტების უმრავლესობას დროებითი ხასიათი აქვს და პრეპარატის მიღების გაუქმებას არ მოითხოვს.
გულ-სისხლძარღვთან სისტემის მხრიდან: თერაპიის დასაწყისში იშვიათად: არტერიული ჰიპოტენზია (მათ შორის, ორთოსტატიკური), თავბრუსხვევა, სისუსტე, მხედველობის დარღვევა და ძალიან იშვიათად – ტკივილი მკერდის ძვლის უკან, სტენოკარდია, გულის ფრიალი, ფილტვის არტერიის ტოტების თრომბოემბოლია.
სასუნთქი სისტემის მხრიდან: არაპროდუქტიული მშრალი ხველა, ინტერსტიციული პნევმონია, ბრონქოსპაზმი, ქოშინი, რინორეა, ფარინგიტი.
საჭმლის მომნელებელი ტრაქტის მხრიდან: პირის სიმშრალე, ანორექსია, დისპეფსიური დარღვევები (გულისრევა, დიარეა ან ყაბზობა, ღებინება, ტკივილები მუცლის არეში), ნაწლავური გაუვალობა, პანკრეატიტი, ღვიძლისა და ნაღვლის გამოყოფის ფუნქციის დარღვევა, ჰეპატიტი, სიყვითლე.

ნერვული სისტემის მხრიდან: იშვიათ შემთხვევებში შეიძლება გაჩნდეს თავის ტკივილი, თავბრუსხვევა, სისუსტე, მომატებული დაღლილობა, ძილიანობა, ცნობიერების დათრგუნვა. უკიდურესად იშვიათად (მაღალი დოზების მიღებისას): – დეპრესია, ძილის დარღვევა, პერიფერიული ნეიროპათია და პარესთეზია, კუნთების კრუნჩხვები, ხმაური ყურებში და მხედველობის დარღვევები. ამ დარღვევებს დროებითი ხასიათი აქვთ და ნორმალიზდებიან პრეპარატის მიღების შეწყვეტის შემდეგ.
თირკმლების ფუნქციის მხრიდან: იშვიათად – თირკმლის ფუნქციის დარღვევები, პროტეინურია, ჰიპერკალიემიის და ჰიპერნატრიემიის განვითარება, აგრეთვე, გემოს ცვლილებები (მოვლენებს დროებითი ხასიათი გააჩნიათ და ნორმალიზდებიან პრეპარატის მიღების შეწყვეტის შემდეგ).
რეპროდუქცული სისტემის მხრიდან: ძალიან იშვიათად მაღალი დოზებით გამოყენების დროს – იმპოტენცია.
ალერგიული რეაქციები: გამონაყარი ტანზე, სახის, კიდურების, ტუჩების, ენის, სახმო იოგების და/ან ხორხის ანგიონევროზული შეშუპება, დერმატიტი, მულტიფორმული ექსუდაციური ერითემა (მათ შორის, სტივენს-ჯონსონის სინდრომი), პუსტულოზი, კანის ქავილი, ჭინჭრის ციება, ფოტოსენსიბილიზაცია, სეროზიტი, ვასკულიტი, მიოზიტი, ართრალგია, ართრიტი, სტომატიტი. ლაბორატორიული მაჩვენებლები: შესაძლებელია ჰემოგლობინის, ჰემატოკრიტის დონის და თრომბოციტების რაოდენობის შემცირება, ძალიან იშვიათ შემთხვევებში, განსაკუთრებით, პაციენტებში თირკმლის დარღვეული ფუნქციით, შემაერთებელი ქსოვილის დიფუზური დაავადებებით ან ალოპურინოლთან, ნოვოკაინამიდთან ან იმუნოსუპრესორებთან ერთდროული თერაპიის ჩატარებისას, შესაძლებელია ანემიის, თრომბოციტოპენიის, ნევროპათიის, შარდოვანას კონცენტრაციის მომატების, ჰიპერკრეატინემიის, ეოზინოფილიის განვითარება. ერთეულოვან შემთხვევაში _ „თირკმლის“ ტრანსამინაზების აქტიურობის ზრდა, აგრანულოციტოზი ან პანციტოპენია.
აუცილებელია ზემოთ ჩამოთვლილი ლაბორატორიული პარამეტრების მაჩვენებლის რეგულარული გაკონტროლება მკურნალობის დაწყებამდე და მისი მსვლელობისას, განსაკუთრებით, პაციენტებისათვის რისკის ჯგუფიდან.
უკუჩვენება
ენალაპრილ ჰექსალის გამოყენება არ შეიძლება:
– მომატებული მგრძობელობიოსას პრეპარატისა და სხვა ანგიოტენზინგარდაქმნელი ფერმენტის ინჰიბიტორის მიმართ;
– ანამნეზში ანგიონევროზული შეშუპებიბს დროს, მათ შორის, აგფ-ს ინჰიბიტორების მიღების ფონზეც;
– თირკმლის არტერიების (ერთმხრივი ან ორმხრივი) სტენოზის დროს;
– ღვიძლის ან თირკმლების დაავადების დროს;
– ორსულობის მეორე და მესამე ტრიმესტრის დროს;
– 18 წლამდე ასაკში (ეფექტურობა და უსაფრთხოება დადგენილი არ არის).
ორსულობა და ლაქტაცია
აგფ-ს ინჰიბიტორების გამოყენება არ არის რეკომენდებული ორსულობის პირველ ტრიმესტრში. აგფ-ს ინჰიბიტორების გამოყენება არ არის რეკომენდებული ორსულობის მეორე და მესამე ტრიმესტრში. არ შეიძლება აგფ-ს ინჰიბიტორებით თერაპიის დაწყება ორსულობის დროს.
ეპიდემიოლოგიური მონაცემები ორსულობის პირველ ტრიმესტრში აგფ-ს ინჰიბიტორების მიღების დროს ტერატოგენურობის გამოვლენის შესახებ არ იძლევიან საბოლოო დასკვნის გაკეთების საშუალებას, მაგრამ რისკის გარკვეული მომატება არ არის გამორიცხული. იმ შემთხვევების გარდა, როდესაც შეუძლებელია აგფ-ს ინჰიბიტორების ალტერნატიული თერაპიით შეცვლის განხორციელება, ქალი პაციენტები, რომლებიც გეგმავენ ორსულობას, გადაყვანილი უნდა იყვნენ ანტიჰიპერტენზიულ თერაპიაზე სამკურნალო საშუალებებით, რომელთა უსაფრთხოების პროფილი კარგად არის შესწავლილი ორსული ქალებისათვის. ორსულობის დადგომისას აგფ-ს ინჰიბიტორების მიღება უნდა შეწყდეს და აუცილებლობის შემთხვევაში უნდა დაინიშნოს სხვა თერაპია.
აგფ-ს ინჰიბიტორების გამოყენებისას ორსულობის მეორე და მესამე ტრიმესტრში დადგენილია ფეტოტოქსიკური (თირკმლების ფუნქციის დარღვევა, ოლიგოჰიდრამნიოზი, თავის ქალას ძვლების გაძვალების შეფერხება) და ნეონატალური ტოქსიკურობის (თირკმლის უკმარისობა, ჰიპოტენზია, ჰიპერკალიემია) გამოვლინება. იმ შემთხვევაში, თუ აგფ-ს ინჰიბიტორის მიღება ხორციელდება ორსულობის მეორე ტრიმესტრიდან, რეკომენდებულია თირკმლის ფუნქციების და თავის ქალას ძვლების ულტრაბგერითი გამოკვლევა. ახალშობილებში, რომელთა დედებიც იღებდნენ აგფ-ს ინჰიბიტორებს, ჰიპოტენზიის შესაძლო განვითარების თავიდან აცილების მიზნით აუცილებელია საგულდაგულოდ გაკონტროლდეს არტერიული წნევა.
ენალაპრილის მალეატი და ენალაპრილატი გამოიყოფა დედის რძესთან ერთად. თუმცა შექმნილი კონცენტრაციები შეიძლება განხილული იყოს, როგორც კლინიკურად უმნიშვნელო, ამ სამკურნალო საშუალებების გამოყენება ძუძუთი კვების პერიოდში არ არის რეკომენდებული დღენაკლული ახალშობილების გაჩენის შემთხვევაში, აგრეთვე, დაბადებიდან პირველი რამდენიმე კვირის განმავლობაში გულ-სისხლძარღვთა სისტემასა და თირკმლებზე სავარაუდო არასასიკეთო ზემოქმედებასთან, აგრეთვე, არასაკმარის კლინიკურ გამოცდილებასთან დაკავშირებით.
უფრო მეტი ასაკის ბავშვის კვებისას ამ სამკურნალო საშუალებების გამოყენება შესაძლებელია იმ შემთხვევაში, თუ თერაპია განიხილება, როგორც აუცილებელი დედისათვის და ბავშვის მდგომარეობა კონტროლდება ნებისმიერი გვერდითი რეაქციის შესაძლო განვითარების თვალსაზრისით
განსაკუთრებული მითითებები
აუცილებელია სიფრთხილის დაცვა ენალაპრილ ჰექსალის დანიშვნისას პაციენტებისათვის მოცირკულირე სისხლის შემცირებული მოცულობით (დიურეტიკების თერაპიის შედეგად, სუფრის მარილის შეზღუდული მოხმარებისას, ჰემოდიალიზის ჩატარების, დიარეის და ღებინების დროს) – მომატებული არტერიული წნევის მოულოდნელი და გამოხატული შემცირების რისკი აგფ-ს ინჰიბიტორის საწყისი დოზის გამოყენების შემდეგაც კი. ტრანზიტორული არტერიული ჰიპოტენზია არ წარმოადგენს უკუჩვენებას პრეპარატით მკურნალობის გაგრძელებისათვის აწ-ს სტაბილიზაციის შემდეგ. არტერიული წნევის განმეორებით დაცემის შემთხვევაში დოზა უნდა შემცირდეს ან შეწყდეს პრეპარატის მიღება.
მიღების დაწყებამდე უნდა შემოწმდეს თირკმლების ფუნქცია.
პაციენტებისათვის თირკმლების დარღვეული ფუნქციით უნდა შემცირდეს ერთჯერადი დოზა, ან გაიზარდოს ინტერვალები პრეპარატის მიღებებს შორის.
მკურნალობის დაწყებამდე და მკურნალობის მსვლელობისას უნდა გაკონტროლდეს არტერიული წნევის დონე და ჩატარდეს ლაბორატორიული პარამეტრების ანალიზი, განსაკუთრებით, მარილების და/ან სითხის დანაკარგების, თირკმლების დარღვეული ფუნქციის, მძიმე ან რენალური ჰიპერტენზიის, გული უკმარისობის დროს და 65 წელზე უფროსი ასაკის პაციენტებში. დიურეტიკებით წინმსწრები მკურნალობის შემთხვევაში, კერძოდ, გულის ქრონიკული უკმარისობით დაავადებულებში იზრდება ორთოსტატიკური ჰიპოტონიის განვითარების რისკი, ამიტომ ენალაპრილით მკურნალობის დაწყების წინ აუცილებელია სითხეებისა და მარილების დანაკარგის კომპენსირება. ზოგიერთ პაციენტთან თირკმლების არტერიის ორმხრივი სტენოზით ან ერთადერთი თირკმლის სტენოზით აღნიშნული იქნა სისხლში შარდოვანას და შრატში კრეატინინის შემცველობის მომატება. ცვლილებებს შექცევადი ხასიათი ჰქონდა და მაჩვენებლები უბრუნდებოდნენ ნორმას მკურნალობის შეწყვეტის შემდეგ.
ახალშობილი და ძუძუთა ბავშვებისათვის, რომელბმაც განიცადეს აგფ-ს ინჰიბიტორების საშვილოსნოსშიდა ზემოქმედება, რეკომენდებულია საგულდაგულო დაკვირვების წარმოება არტერიული წნევის გამოხატული შემცირების, ოლიგურიის, ჰიპერკალიემიის და ნევროლოგიური აშლილობების გამოსავლენად, რაც შესაძლებელია აგფ-ს ინჰიბიტორებით გამოწვეული თირკმლისა და ტვინის სისხლის მიმოქცევის შემცირებისას არტერიული წნევის დაცემის დროს. ოლიგურიისას აუცილებელია არტერიული წმევის და თირკმლის პერფუზიის შენარჩუნება შესაბამისი სითხეებისა და სისხლძარღვების შემავიწროვებელი საშუალებების შეყვანის გზით.
სახის, კიდურების, ტუჩების ან ხორხის ანგიონევროზული შეშუპების განვითარების დროს დაუყოვნებლივ უნდა შეწყდეს პრეპარატის მიღება და უნდა მიმართოთ ექიმს.
შესაძლებელია ხველების გაჩენა, რომელიც წყდება პრეპარატის მიღების გაუქმების შემდეგ.
მკურნალობის მოულოდნელი შეწყვეტა არ იწვევს „მოხსნის“ სინდრომს (არტერიული წნევის მკვეთრ აწევას).
პარაფარისებრი ჯირკვლების ფუნქციების გამოკვლევის წინ პრეპარატი უნდა მოიხსნას.
ქირურგიული ჩარევის წინ (სტომატოლოგიის ჩათვლით) აუცილებლად უნდა გააფრთხილოთ ქიგურგი/ანესთეზიოლოგი აგფ-ს ინჰიბიტორების გამოყენების შესახებ.
პრეპარატი სიფრთხილით უნდა დაენიშნოს შაქრიანი დიაბეტით დაავადებულ პაციენტებს ჰიპერკალიემიის განვითარების რისკის გამო.
მითითებები საგზაო-სატრანსპორტო მოძრაობის მონაწილეებისათვის
ენალაპრილით მკურნალობის შედეგად შესაძლებელია ინდივიდუალური რეაქციების განვითარება, რომელთაც შეუძლიათ დაარღვიონ საგზაო-სატრანსპორტო მოძრაობაში პაციენტის აქტიური მონაწილეობის უნარი, რაც მხედველობაში უნდა იქნეს მიღებული, აგრეთვე, მანქანების მომსახურებისა და ისეთ ხელსაწყოებთან მუშაობის დროს, რაც მოითხოვს მომატებულ ყურადღებას. ეს მოვლენები ძლიერდება დოზის გაზრდის და ალკოჰოლის მიღებისას.
ჭარბი დოზირება
სიმპტომები: არტერიული წნევის მნიშვენელოვანი შემცირება, კოლაფსის, მიოკარდიუმის ინფარქტის, ტვინის სისხლის მიმოქცევის მწვავე დარღვევის ან თრომბოემბოლიური გართულებების განვითარებამდეც კი, კრუნჩხვები, სტუპორი.
მკურნალობა: ავადმყოფი გადაჰყავთ ჰორიზონტალურ მდგომარეობაში დაბალი სასთუმალით. მარტივ შემთხვევებში – აწ-ის სტაბილიზაციაზე მიმართული ღონისძიებები: ფიზიოლოგიური ხსნარის, პლაზმის შემცველების ინტრავენურად შეყვანა, აუცილებლობის შემთხვევაში – ანგიოტენზინ II-ის შეყვანა, ჰემოდიალიზი (ენალაპრილის გამოყოფის სიჩქარე, საშუალოდ, შეადგენს 62 მლ/წთ).
სხვა წამლებთან ურთიერთქმედება
ალოპურინოლი: სისხლში ლეიკოციტების რაოდენობის შემცირება, ლეიკოპენია.
ანალგეტიკები, არასტეროიდული ანთების საწინააღმდეგო საშუალებები (მაგალითად, აცეტილსალიცილის მჟავა): შესაძლებელია ენალაპრილის ჰიპოტენზიური ეფექტის შესუსტება. ანტიჰიპერტენზიული საშუალებები: ენალაპრილის ჰიპოტენზიური ეფექტის გაძლიერება, განსაკუთრებით, დიურეტიკების ერთდროულად მიღებისას.
ანესთეზიის საშუალებები და ნარკოტიკული საშუალებები: არტერიულის წნევის შემცირების გაძლიერება.
კალიუმი, კალიუმშემნახავი დიურეტიკები (განსაკუთრებით, სპირინოლაქტონი, ამილორიდი, ტრიამტერენი), აგრეთვე, სხვა საშუალებები, მაგალითად, ჰეპარინი: შრატში კალიუმის დონის მომატება.
სუფრის მარილი: ანტიჰიპერტენზიული ეფექტის შესუსტება.
ლითიუმი: სისხლის შრატში ლითიუმის დონის მომატება (აუცილებელია ლითიუმის დონის რეგულარული კონტროლი).
პერორალური ანტიდიაბეტური საშუალებები, ინსულინი: იშვიათ შემთხვევებში შესაძლებელია შაქრის დამწევი პერორალური საშუალებების (როგორიცაა, მაგალითად, სულფონილშარდოვანა/ბიგუანიდინი) და ინსულინის ჰიპოგლიკემიური ეფექტის გაძლიერება. ასეთ შემთხვევებში საჭიროა შაქრის დამწევი საშუალებების დოზის შემცირება.
ნოვოკაინამიდი: სისხლში ლეიკოციტების რაოდენობის შემცირება, ლეიკოპლაკია.
ციტოსტატიკები, იმუნოსუპრესორები, სისტემური კორტიკოსტეროიდები: სისხლში ლეიკოციტების რაოდენობის შემცირება, ლეიკოპენია.
ალკოჰოლი: ალკოჰოლის ეფექტის გაძლიერება
შენახვის პირობები და ვადები
არაუმეტეს 25oC ტემპერატურაზე, ბავშვებისათვის მიუწვდომელ ადგილას! ვარგისიანობის ვადა 3 წელი. არ გამოიყენოთ სამკურნალო საშუალება შეფუთვაზე მითითებული ვარგისიანობის ვადის ამოწურვის შემდეგ!
აფთიაქში გაცემის წესი
ფარმაცევტული პროდუქტის ჯგუფი II (გაცემის რეჟიმი: რეცეპტით).