რეტროვირუსი – (რეტროვირუსები ლათ. Retroviridae, retro — შექცევადი, უკუ) – უპირატესად ხერხემლიანების დამაინფიცირებელი, რნმ-შემცველი ვირუსები. ყველაზე მეტად ცნობილია – ადამიანის შეძენილი იმუნოდეფიციტის ვირუსი. რეტროვირუსებით უჯრედის ინფიცირების შემდეგ, ციტოპლაზმაში იწყება ვირუსული დნმ-გენომის სინთეზი, ვირიონული რნმ გამოიყენება მატრიცად. ყველა რეტროვირუსი, გენომის რეპლიკაციისათვის იყენებს, ფერმენტს უკუტრანსკრიპტაზას (რევერტაზა). ფერმენტი ასინთეზებს დნმ-ის ერთ ჯაჭვს რნმ-ის მატრიცაზე, ხოლო სინთეზირებული დნმ-ის ჯაჭვიდან წარმოიქმნება მეორე, მისი კომპლემენტარული ჯაჭვი. მიიღება ორჯაჭვიანი დნმ-ის მოლეკულა, რომელიც ინტეგრირდება უჯრედის გაყოფის მსვლელობისას, უჯრედის ქრომოსომულ დნმ-ში, როცა ბირთვის გარსი არ არის ფორმირებული (გამონაკლისია შიდს-ი, რომლის დნმ აქტიურად აღწევს ბირთვში) და შემდგომში ემსახურება ვირუსული რნმ-ის სინთეზს. აღნიშნული რნმ, გამოდის უჯრედის ბირთვიდან და ციტოპლაზმაში იფუთება ვირუსულ კაფსიდებში, რომელსაც უკვე შეუძლია, ახალი უჯრედები დააზიანოს. ერთ-ერთი ჰიპოთეზის თანახმად, რეტროვირუსები შეიძლება გაჩენილიყვნენ რეტროტრანსპოზონებიდან – ეუკარიოტების გენომის მოძრავი მონაკვეთები.
პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.