ნაპროფი. ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
♦ ნაპროფი აფთიაქებსა და ბაზებში, ფასები, აქციები, პრაისები, ინტერნეტ-აფთიაქები >>
♦ ჩაწერა საქართველოს Top – ექიმებთან >>
♦ უცხოეთიდან კონსულტაციები, დიაგნოსტიკა და მკურნალობა უცხოეთში >>
საერთაშორისო დასახელება (აქტიური ნივთიერება): ნატრიუმის ნაპროქსენი/ naproxen sodium
კლინიკურ-ფარმაკოლოგიური ჯგუფი: ანთების საწინააღმდეგო არასტეროიდული საშუალებები
წამლის ფორმა: გელი.
აღწერილობა: გამჭვირვალე ან ოდნავ ოპალესცირებადი უფერო გელი, ერთგვაროვანი, ვარდის სუნით.
შემადგენლობა: გელის 1 გ შეიცავს
აქტიური ნივთიერება: ნაპროქსენი (ნატრიუმის ნაპროქსენის სახით) 100 მგ.
დამხმარე ნივთიერებები: ჰიდროქსიეთილცელულოზა, ეთანოლი 96%, პროპილენგლიკოლი, მეთილპარაჰიდროქსიბენზოატი, ვარდის ზეთი, გასუფთავებული წყალი.
ფარმაკოლოგიური თვისებები
ფარმაკოდინამიკა
ანთების საწინააღმდეგო არასტეროიდულისაშუალება გარეგანი გამოყენებისთვის. გააჩნია გამოხატული ანთების საწინააღმდეგო და ტკივილგამაყუჩებელი მოქმედება. მოქმედების მექანიზმი დაკავშირებულია ციკლოოქსიგენაზა-1 და ციკლოოქსიგენაზა-2-ის არასელექციურ დათრგუნვასთან, არაქიდონის მჟავას მეტაბოლიზმის დარღვევასა და ანთების კერაში პროსტაგლანდინების ბიოსინთეზის ინჰიბირებასთან. პრეპარატი წარმოადგენს ლიპოოქსიგენაზას ძლიერ ინჰიბიტორს, აბლოკირებს არაქიდონის მჟავას სინთეზს, აფერხებს თრომბოციტების აგრეგაციას. ნაპროფი ამცირებს ლიზოსომების და ანთების მედიატორების აქტივობას, აფერხებს ლეიკოციტების მიგრაციას. ნაპროფის გამოყენება ანთების დროს იწვევს ტკივილის სინდრომისა და ქსოვილების შეშუპების შემცირებას ან გაქრობას.
ფარმაკოკინეტიკა
ადგილობრივი გამოყენებისას ნაპროქსენის მაქსიმალური კონცენტრაცია სისხლში მიიღწევა 4 საათში. შეიმჩნევა სამკურნალო საშუალების მნიშვნელოვანი კუმულაცია ეპიდერმისში, დერმასა და კუნთოვან ქსოვილში. პლაზმასა და სინოვიურ სითხეში კონცენტრაცია დიდი არ არის. ნაპროქსენის 99,9% უკავშირდება პლაზმის ცილებს, ძირითადად ალბუმინებს. ნაპროქსენი და მისი მეტაბოლიტები უმეტესად შარდთან ერთად გამოიყოფა.
გამოყენების ჩვენებები
სხვადასხვა ეტიოლოგიის ტკივილისა და ანთებითი პროცესების სიმპტომური თერაპია, მათ შორის:
– რევმატოიდული ართრიტი და პერიართრიტი;
– მაანკილოზებელი სპონდილიტი (ბეხტერევის დაავადება);
– ფსორიაზული ართრიტი;
– სხვადასხვა ლოკალიზაციის ოსტეოართროზი;
– ტენდინიტი, ბურსიტი;
– მიალგიები;
– ნევრალგიები;
– რადიკულიტი, ლუმბაგო, იშიაზი;
– საყრდენ-მამოძრავებელი აპარატის ტრავმები (მ.შ. სპორტული), დაჟეჟილობება, მყესების და იოგების დაჭიმვა, გაწყვეტა.
გამოყენების წესი და დოზები
ნაპროფის გელი განკუთვნილია გარეგანი გამოყენებისთვის.
მოზრდილებში და 3 წელზე უფროსი ასაკის ბავშვებში ნაპროფის გელს იყენებენ 2-4-ჯერ დღეში. გელის დაახლოებით 4 სმ-იანი მონაკვეთი დაიტანება კანზე და მსუბუქად შეიზილება. გამოყენებული პრეპარატის რაოდენობა დამოკიდებულია მტკივნეული უბნის ზედაპირის სიდიდეზე.
პრეპარატის გამოყენების შემდეგ აუცილებლად დაიბანეთ ხელები.
მკურნალობის ხანგრძლივობა დამოკიდებულია ჩვენებებსა და თერაპიის ეფექტურობაზე.
პრეპარატი არ გამოიყენება 7 დღეზე მეტხანს რბილი ქსოვილების დაზიანების ან რბილი ქსოვილების რევმატული დაავადების დროს და 4 კვირაზე მეტხანს რევმატოიდული ართრიტის ან მადეფორმირებელი ოსტეოართროზის დროს (თუ ექიმმა მკურნალობის სხვა სქემა არ დანიშნა). აუცილებლად მიმართეთ ექიმს, თუ 7 დღის განმავლობაში არ აღინიშნა დადებითი კლინიკური დინამიკა ან მდგომარეობა გაუარესდა.
უკუჩვენებები
– მომატებული მგრძნობელობა პრეპარატის კომპონენტების მიმართ, აცეტილსალიცილის მჟავას ან სხვა ანთების საწინააღმდეგო არასტეროიდულისაშუალებების მიმართ.
– კანის საფარველის მთლიანობის დარღვევა;
– ორსულობის III ტრიმესტრი;
– ბავშვთა ასაკი 3 წლამდე;
გვერდითი მოქმედება
ნაპროფის გელი იშვიათად იწვევს გვერდით რეაქციებს. იშვიათად, გელის დატანის ადგილზე ვითარდება სიწითლე, ქავილი ან წვის შეგრძნება. ცალკეულ პაციენტებს შეიძლება აღენიშნოთ ფოტოსენსიბილიზაცია.
ძალიან იშვიათად აღინიშნება ჰიპერმგრძნობელობის რეაქციები (გამონაყარი, ჭინჭრის ციება, ბრონქული ასთმა, ანგიონევროზული შეშუპება). კანის დიდ ფართობზე ხანგრძლივი გამოყენებისას შეიძლება განვითარდეს რეაქციები, რომლებიც დამახასიათებელია ნაპროქსენის სისტემური მოქმედებისთვის: ყაბზობა, ტკივილი მუცლის არეში, გულისრევა, თავის ტკივილი, ძილიანობა, გულისცემის გახშირება, ხმაური ყურებში და სხვა.
განსაკუთრებული მითითებები
ნაპროფის გელი დაიტანება მხოლოდ დაუზიანებელ კანზე, მოერიდეთ ღია ჭრილობებზე მოხვედრას. წასმის შემდეგ არ არის საჭირო ოკლუზიური ნახვევის დადება. მოერიდეთ კანის დიდ ფართობზე პრეპარატის ხანგრძლივ გამოყენებას, პრეპარატის თვალში და ლორწოვან გარსებზე მოხვედრას. მოერიდეთ მკურნალობის პერიოდში და შემდეგი ორი კვირის მანძილძე პირდაპირი მზის სხივების მოქმედებას ან სოლარიუმში ვიზიტს.
ზემოქმედება ავტომობილის და სხვა მექანიზმების მართვის უნარზე
ნაპროფი არ მოქმედებს ავტომობილის მართვისა და ისეთი სახის სამუშაოს შესრულების უნარზე, რომელიც საჭიროებს ფსიქომოტორული რეაქციების სისწრაფეს.
გამოყენება ორსულობისა და ლაქტაციის დროს
ნაპროფი უკუნაჩვენებია ორსულობის III ტრიმესტრში. მისი გამოყენება ორსულობის I და II ტრიმესტრებში დასაშვებია მხოლოდ იმ შემთხვევაში, როდესაც მოსალოდნელი სარგებელი დედისათვის აღემატება პოტენციურ რისკს ნაყოფისათვის.
ნაპროქსენი და მისი მეტაბოლიტები აღწევენ დედის რძეში, ამიტომ ლაქტაციის პერიოდში პრეპარატის გამოყენება არ არის რეკომენდებული.
გამოყენება პედიატრიაში
3 წლამდე ასაკის ბავშვებში პრეპარატი არ გამოიყენება.
ურთიერთქმედება სხვა სამკურნალო საშუალებებთან
ურთიერთქმედების ალბათობა უმნიშვნელოა, ვინაიდან გარეგანი გამოყენებისას ნაპროქსენის სისტემური აბსორბცია უკიდურესად დაბალია. პრეპარატი სიფრთხილით გამოიყენება სხვა აასს-ებთან ერთად. ნაპროფის გელმა შეიძლება გააძლიეროს ფოტოსენსიბილიზაციის გამომწვევი პრეპარატების მოქმედება. ნაპროფის გელის გამოყენება არ შეიძლება კუმარინულ ანტიკოაგულანტებთან ერთად.
დოზის გადაჭარბება
ჰიპერდოზირება ნაკლებად სავარაუდოა, ვინაიდან გარეგანი გამოყენებისას ნაპროქსენის სისტემური აბსორბცია უკიდურესად დაბალია. შიგნით შემთხვევითი მიღებისას პრეპარატმა შეიძლება გამოიწვიოს გვერდითი ეფექტები, რომლებიც დამახასიათებელია ნაპროქსენის პერორალური ფორმებისთვის. ასეთ შემთხვევაში უნდა ჩატარდეს სიმპტომური მკურნალობა.
გამოშვების ფორმა
45 გ გელი ალუმინის ტუბში.
1 ალუმინის ტუბი გამოყენების ინსტრუქციასთან ერთად მუყაოს კოლოფში.
შენახვის პირობები
ინახება არა უმეტეს 25°C ტემპერატურაზე.
ინახება ბავშვებისთვის მიუწვდომელ ადგილას.
ვარგისიანობის ვადა
3 წელი გამოშვების თარიღიდან.
არ გამოიყენოთ ვარგისიანობის ვადის ამოწურვის შემდეგ.
აფთიაქიდან გაცემის პირობები
ფარმაცევტული პროდუქტის ჯგუფი III – გამოიყენება ექიმის დანიშნულების გარეშე.
გამოშვების ფორმა: 10% 45 გ გელი ტუბი №1
გაცემის რეჟიმი: III ჯგუფი (ურეცეპტოდ)
მწარმოებელი: Slavia Pharm S.R.L, რუმინეთი