ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
საერთაშორისო დასახელება (აქტიური ნივთიერება): კომბინირებული/comb. drug
აფთიაქები, ფასები, ფასდაკლებები …
კლინიკურ-ფარმაკოლოგიური ჯგუფი: ნაწლავებში აირწარმომქნის შემამცირებელი პრეპარატები, ენტეროსორბენტი
შემადგენლობა:
გ/1 კაფს:
ალუმინის და მაგნიუმის სილიკატების ნარევი – 0,5 გ; აეროსილი.
ფარმაკოლოგიური მოქმედება:
ფოროვანი თიხა, თავისი სტრუქტურული აგებულებიდან გამომდინარე, იწოვს სითხესა და გაზებს. იწვევს ვირუსების, ბაქტერიების და ტოქსინების აბსორბციას, ახდენს ჭარბი გაზისა და სითხისაგან განთავისუფლებული ნაწლავების ტონუსისა და პერისტალტიკის ნორმალიზაციას.
ჩვენება:
• გაზების წარმოქმნა;
• მეტეორიზმი, აეროფაგია;
• ფლატულენცია (ნაწლავებში გაზის დაგროვება);.
გვერდითი მოვლენები:
პრეპარატის შემადგენელი კომპონენტების მიმართ მომატებული მგრძნობელობის შემთხვევაში, შესაძლოა გამოვლინდეს ალერგიული რეაქციები.
მიღების წესი და დოზირება:
თითო კაფსულა 2-ჯერ დღეში; სასურველია პრეპარატის დილით მიღება. მკურნალობის ხანგრძლივობა – 1 თვე;
ჭარბი დოზირება:
დოზის გადაჭარბების შემთხვევები არ დაფიქსირებულა.
უკუჩვენება:
მომატებული მგრძნობელობა პრეპარატის შემადგენელი კომპონენტების მიმართ;
ურთიერთქმედება სხვა სამკურნალო საშუალებებთან:
დასაშვებია გამოყენება სხვა სამკურნალო საშუალებებთან ერთად.
ზემოქმედება ავტოტრანსპორტისა და მექანიზმების მართვის უნარზე:
არ ახდენს ზემოქმედებას.
გამოშვების ფორმა: 10 კაფსულა ბლისტერზე. ორი ბლისტერი მუყაოს კოლოფში.
ვარგისობის ვადა: 3 წელი.
ვარგისობის ვადის გასვლის შემდეგ ან ვიზუალური დათვალიერების შედეგად აღმოჩენილი დეფექტების შემთხვევაში პრეპარატის მიღება დაუშვებელია!
შენახვა: ინახება ოთახის ტემპერატურაზე, სინათლისგან დაცულ, მშრალ ადგილზე.
გამოშვების ფორმა: კაფსულა #20
გაცემის რეჟიმი: III ჯგუფი (ურეცეპტოდ)
მწარმოებელი:: ნეოფარმი, საქართველო