ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
საერთაშორისო დასახელება (აქტიური ნივთიერება): კლინდამიცინი/clindamycin
აფთიაქები, ფასები, ფასდაკლებები …
კლინიკურ-ფარმაკოლოგიური ჯგუფი: ლინკოზამიდების ჯგუფის ანტიბიოტიკი
რა არის ორნაკლინის ვაგინალური სანთლები და რისთვის გამოიყენება:
ორნაკლინის ვაგინალური სანთლები წარმოადგენს სუპოზიტორიას ვაგინალური გამოყენებისათვის. ის შეიცავს კლინდამიცინის ფოსფატს, რომელიც წარმოადგენს საშოს ბაქტერიული ინფექციის – ბაქტერიული ვაგინოზის – სამკურნალო ანტიბიოტიკს.
ორნაკლინის ვაგინალური სანთლების გამოყენებამდე:
არ გამოიყენოთ ორნაკლინის ვაგინალური სანთლები
• თუ ხართ ალერგიული (ჰიპერმგრძნობიარე) კლინდამიცინის ფოსფატის, სხვა ანტიბიოტიკის – ლინკომიცინის მიმართ, ან მყარი ცხიმების (წებოვანი ნივთიერება სანთელში) მიმართ.
• თუ გაქვთ კოლიტის ანამნეზი ანტიბიოტიკების მიღებისას.
გამოიჩინეთ განსაკუთრებული სიფრთხილე ორნაკლინის ვაგინალური სანთლების გამოყენებისას
ამ პრეპარატის გამოყენებამდე აცნობეთ ექიმს თუ გაქვთ:
• ფაღარათი, ან ჩვეულებრივ გივლინდებათ ფაღარათი ანტიბიოტიკების მიღებისას
• ნაწლავთა ანთებითი დაავადების ანამნეზი, როგორიცაა კრონის დაავადება, ან წყლულოვანი კოლიტი.
თუ გამოგივლინდათ მწვავე, ან გახანგრძლივებული, ან სისხლიანი ფაღარათი ორნაკლინის გამოყენების დროს, ან მისი გამოყენების შემდეგ, დაუყოვნებლივ მიმართეთ ექიმს, რადგან შესაძლოა საჭირო გახდეს მკურნალობის შეწყვეტა. ეს შეიძლება იყოს ნაწლავთა ანთების (ფსევდომემბრანული კოლიტის) სიმპტომი, რაც ვლინდება ანტიბიოტიკებით მკურნალობისას.
თუ ქვემოთ ჩამოთვლილი გეხებათ თქვენ, განიხილეთ ექიმთან ამ პრეპარატის თქვენთვის გამოყენების შესაძლებლობა:
• გაქვთ დარღვევები თირკმლის, ღვიძლის, ან იმუნური სისტემის მხრივ
• ხართ 16 წლამდე ან 65 წელს ზემოთ
ორნაკლინის ვაგინალური სანთლები არ გამოიყენება ბავშვებში
როგორც ყველა ვაგინალური ინფექციის დროს, სქესობრივი კონტაქტი არ არის რეკომენდებული ორნაკლინით მკურნალობის დროს. ორნაკლინის ვაგინალურმა სანთლებმა შეიძლება გავლენა იქონიოს პრეზერვატივის და დიაფრაგმის სტუქტურაზე. არ “ენდოთ” პრეზერვატივს, ან კონტრაცეფტულ დიაფრაგმებს ამ პრეპარატის გამოყენებისას და მკურნალობის დასრულებიდან 72 საათის განმავლობაში.
არ არის რეკომენდებული სხვა ვაგინალური საშუალებების, როგორებიცაა ტამპონები და შხაპი (ვაგინალური გამორეცხვა) სანთლებით მკურნალობის პერიოდში.
სხვა პრეპარატებთან ერთად გამოყენება
აცნობეთ ექიმს, თუ იყენებთ, ან ბოლო დროს მიიღეთ სხვა სამკურნალო საშუალებები, ურეცეპტოდ გასაცემი საშუალებების ჩათვლით.
აცნობეთ ექიმს, თუ იღებთ მიორელაქსანტებს, რადგან ორნაკლინმა შეიძლება გაზარდოს ამ პრეპარატების მოქმედება.
ვარფარინი, ან მსგავსი პრეპარატები გამოიყენება სისხლის გასათხიერებლად. შესაძლოა გაგივითარდეთ სისხლდენა. ექიმმა შეიძლება რეგულარულად ჩაგიტაროთ სისხლის ანალიზი სისხლის შედედების მაჩვენებლის შესამოწმებლად.
ორსულობა
უსაფრთხოების შესახებ არასაკმარისი მონაცემების გამო ორნაკლინის გამოყენება არ არის რეკომენდებული ორსულობის პირველი 3 თვის განმავლობაში. ამ პრეპარატის გამოყენებამდე აცნობეთ ექიმს თუ ხართ ორსულად, ან თუ ფიქრობთ, რომ შეიძლება იყოთ ორსულად. ორსულობის შემთხვევაში სანთლები გამოიყენება მხოლოდ ექიმთან კონსულტაციის შემდეგ, რომელიც გადაწყვეტს არის თუ არა ეს მკურნალობა ადექვატური თქვენთვის.
ლაქტაცია
აცნობეთ ექიმს, თუ ხართ ლაქტაციის პერიოდში ორნაკლინის გამოყენებისას, რადგან მოქმედი ნივთიერება შეიძლება გადავიდეს ქალის რძეში. ექიმი მიიღებს გადაწყვეტილებას არის თუ არა ორნაკლინის ვაგინალური სანთლებით მკურნალობა ადექვატური თქვენთვის. თუმცა, ნაკლებ სავარაუდოა ჩვილმა მიიღოს მოქმედი ნივთიერების დიდი რაოდენობა რძით. დაუყოვლებლივ მიმართეთ ექიმს, თუ ბავშვს აღენიშნება სისხლიანი ფაღარათი, ან არის ავად.
ასეთ შემთხვევაში შეწყვიტეთ ძუძუთი კვება.
სატრანსპორტო საშუალებების მართვა და მექანიზმებთან მუშაობა:
ორნაკლინის გამოყენებისას არ გამოვლენილა რაიმე გავლენა მართვისა და მექანიზმებთან მუშაობის უნარზე.
როგორ გამოვიყენოთ ორნაკლინის ვაგინალური სანთლები:
ყოველთვის გამოიყენეთ ორნაკლინის ვაგინალური სანთლები ექიმის დანიშნულების შესაბამისად. მიმართეთ ექიმს, ან ფარმაცევტს, თუ გაქვთ დამატებითი შეკითხვები პრეპარატის გამოყენებასთან დაკავშირებით. სიფრთხილის გამოჩენაა საჭირო, რომ სანთელი არ გაცხელდეს, რადგან სიცხე დაარბილებს და ფორმას შეუცვლის.
ორნაკლინის ვაგინალური სანთლის რეკომდენდებული დოზა შეადგენს ერთ სანთელს, რომელიც ღრმად უნდა მოთავსდეს საშოში ყოველ ღამე ძილის წინ 3 – 6 თანმიმდევრული ღამის განმავლობაში. საშოში მოთავსების შემდეგ სანთელი დადნება.
სანთლების გამოყენების შემდეგ ყოველთვის დაიბანეთ ხელები.
თუ გამოიყენეთ ორნაკლინის ვაგინალური სანთელი ჭარბი რაოდენობით აცნობეთ ექიმს. არ გამოიყენოთ მეტი სანთელი, სანამ ამას არ გირჩევთ ექიმი.
თუ გამოტოვეთ ორნაკლინის ვაგინალური სანთლის დოზა
თუ რამდენიმე საათით გადააცილეთ სანთლის გამოყენება, გამოიყენეთ ის გახსენებისთანავე. თუ მოახლოვებულია შემდეგი სანთლის გამოყენების დრო, გამოტოვეთ დავიწყებული სანთელი. გამოიყენეთ შემდეგი სანთელი ჩვეულ დროს. უმჯობესია სანთლის ერთსა და იმავე დროს გამოყენება.
თუ გადაყლაპეთ სანთელი
თუ თქვენ, ან სხვამ გადაყლაპა ერთი, ან მეტი სანთელი, მიმართეთ ექიმს. სავარაუდოდ სანთელი არ მოგაყენებთ ზიანს, მაგრამ ექიმი მოგცემთ რჩევას თუ რა უნდა გააკეთოთ ასეთ დროს.
შესაძლო გვერდითი მოვლენები:
ყველა პრეპარატის მსგავსად, ორნაკლინმაც შეიძლება გამოიწვიოს გვერდითი მოვლენები, თუმცა არა ყველა ადამიანში.
აცნობეთ ექიმს თუ:
• გაგივითარდათ მწვავე, უწყვეტი ან სისხლიანი ფაღარათი (რომელიც შესაძლოა დაკავშირებული იყოს კუჭის ტკივილთან, ან ცხელებასთან). ეს არის იშვიათი გვერდითი მოვლენა, რომელიც ვლინდება ანტიბიოტიკებით მკურნალობის შემდეგ და შეიძლება მიანიშნებდეს ნაწლავთა მწვავე ანთებაზე.
• გაქვთ ძალიან მძიმე ალერგიული რეაქციები, ან რეაქციები კანის მხრივ. ეს არის ძალიან იშვიათი გვერდითი მოვლენები.
ხშირი გვერდითი მოვლენები (ვლინდება 10-დან 1 პაციენტში)
• ვაგინალური სოკოვანი ინფექციები
• დარღვევები ვაგინალური, ან გენიტალური სისტემის მხრივ
• ვაგინალური ტკივილი
იშვიათი გვერდითი მოვლენები (ვლინდება 100-დან 1 პაციენტში)
• კუჭის სპაზმი, კუჭის ტკივილი, ფაღარათი, გულისრევა, ღებინება
• ტკივილი გამოყენების ადგილას, ადგილობრივი შეშუპება
• ტკივილი შარდვის დროს, საშარდე გზების ინფექციები
• ცხელება, თავის ტკივილი, კუნთების ტკივილი
• სოკოვანი ინფექციები
• პერიოდების დარღვევა, ვაგინალური გამონადენი
• ქავილი, გამონაყარი
ძალიან იშვიათი გვერდითი მოვლენები (ვლინდება 10,000-დან 1 პაციენტში)
• ვაგინიტის, ცერვიციტის, ან საშოს შესასვლელის გარშემო გაღიზიანება, სისხლშილეიკოციტებისან თრომბოციტების რაოდენობის შემცირება, მცირედ დაქვეითების შემთხვევაში შეიძლება არ გამოვლინდეს სიმპტომები. რაც უფრო მეტად ქვეითდება ლეიკოციტების რაოდენობა, მით მაღალია დაინფიცირების შანსი. სიმპტომები შეიძლება მოიცავდეს დაღლილობას და ცხელებას. რაც უფრო ძლიერია თრომბოციტების რაოდენობის დაქვეითება, მით მეტია სისხლდენების და სისხლჩაქცევების განვითარების ალბათობა.
• კანის, ან თვალის სკლერების გაყვითლება
• სერიოზული ალერგიული რეაქციები, რამაც შეიძლება გამოიწვიოს სუნთქვის გაძნელება, ან თავბრუსხვევა.
•ძლიერი გამონაყარი, ბუშტუკებით, ან მათ გარეშე და კანის აქერცვლა. თუ რომელიმე გვერდითი მოვლენა გახდა სერიოზული, ან თუ შეამჩნიეთ ისეთი გვერდითი მოვლენები, რომლებიც არ არის აღწერილი ამ დანართ ფურცელში, მიმართეთ ექიმს, ან ფარმაცევტს.
ორნაკლინის ვაგინალური სანთლების შენახვის პირობები:
• შეინახეთ ბავშვებისათვის მიუწვდომელ ადგილას.
• არ გამოიყენოთ ორნაკლინი კოლოფის და ბლისტერის ეტიკეტებზე მითითებული ვარგისიანობის ვადის გასვლის შემდეგ. ვარგისიანობის ვადა ეხება თვის ბოლო დღეს. შეინახეთ 25°C დაბალ ტემპერატურაზე.
• არ გადაყაროთ მედიკამენტი საკანალიზაციო წყლებში, ან საყოფაცხოვრებო ნაგავთან ერთად. კითხეთ რჩევა ფარმაცევტს პრეპარატის განადგურებასთან დაკავშირებით, რომელსაც აღარ იყენებთ. ეს ზომები დაიცავს გარემოს დაბინძურებისაგან.
დამატებითი ინფორმაცია:
რას შეიცავს ორნაკლინის ვაგინალური სანთლები
• მოქმედი ნივთიერება არის ორნაკლინის ფოსფატი. თითოეული სანთელი შეიცავს ორნაკლინის ფოსფატს, რაც ექვივალენტურია 100მგ ორნაკლინის.
• სხვა ნივთიერება არის მყარი ცხიმი.
ორნაკლინის ვაგინალური სანთლების აღწერა და შეფუთვის შემადგენლობა:
ორნაკლინის ვაგინალური სანთლები არის თეთრი, მოთეთრო სუპოზიტორიები. 6 ვაგინალური სანთელი მოთავსებულია პვქ შეფუთვაში, შეფუთვა მოთავსებულია მუყაოს კოლოფში.
გამოშვების ფორმა: 100მგ ვაგინალური ოვულა №6
გაცემის რეჟიმი: III ჯგუფი (ურეცეპტოდ)
მწარმოებელი: FULTON MEDICINALI S.P.A. იტალია