ბრილოსანი / BRILOSAN

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

ბრილოსანი / BRILOSAN-ის  საერთაშორისო დასახელება (აქტიური ნივთიერება): ბრინზოლამიდი/brinzolamide

ბრილოსანი / BRILOSAN-ის  კლინიკურ-ფარმაკოლოგიური ჯგუფი: გლაუკომის საწინააღმდეგო საშუალებები


ბრილოსანი / BRILOSAN აფთიაქებსა და ბაზებში , ფასები, აქციები, პრაისები , ინტერნეტ-აფთიაქები >>>
ბმული გვერდიდან შეგიძლიათ მიიღოთ ინფორმაცია პრეპარატების აფთიაქებსა და ბაზებში არსებობის, ფასების, ფასდაკლებების, ინტერნეტ-აფთიაქების შესახებ, გამოიხმოთ პრაისები,  უფასო პრეპარატების სიები და სხვა >>>

ჩაწერა საქართველოს Top – ექიმებთან >>>
ჩაწერა ხდება მხოლოდ ელიტარულ, ცნობილ ექიმებთან ელფოსტით, ტელეფონით, სკაიპით, მესენჯერით და კომუნიკაციის სხვა საშუალებებით >>>

უცხოეთიდან კონსულტაციები, მეორადი დიაგნოზი, დანიშნული მედიკამენტების ანალიზი, მედიკამენტების მეორეული დანიშვნა უცხოელი სპეციალისტების მიერ, დიაგნოსტიკა და მკურნალობა უცხოეთში >>>
იხ. სამედიცინო ტურიზმის სპეციალიზებული საიტი >>>


შემადგენლობა
სუსპენზიის 1 მლ შეიცავს:
აქტიური ნივთიერება: ბრინზოლამიდი 10 მგ.
დამხმარე ნივთიერებები: ტილოქსაპოლი, კარბომერი, მანიტოლი, ნატრიუმის ქლორიდი, დინატრიუმ ედეტატის დიჰიდრატი, ბენზალკონიუმის ქლორიდი, მარილმჟავას ხსნარი ან ნატრიუმის ჰიდროქსიდის ხსნარი, გასუფთავებული წყალი.

ფარმაკოლოგიური თვისებები
ბრინზოლამიდი წარმოადგენს კარბოანჰიდრაზა II-ის ინჰიბიტორს. კარბოანჰიდრაზა II-ის ინჰიბირების გამო ხდება ბიკარბონატის იონების წარმოქმნის შენელება ნატრიუმის და სითხის ტრანსპორტის შემდგომი შემცირებით, რაც იწვევს თვალშიდა სითხის პროდუქციის შემცირებას თვალის ცილიარულ სხეულში და შედეგად – თვალშიდა წნევის დაქვეითებას.

გამოყენების ჩვენებები
ბრილოსანი განკუთვნილია თვალშიდა წნევის შესამცირებლად შემდეგ შემთხვევებში:
• თვალშიდა ჰიპერტენზია
• ღიაკუთხიანი გლაუკომა

ინიშნება მონოთერაპიის სახით მოზრდილ პაციენტებში, რომლებიც არ რეაგირებენ ბეტა-ბლოკატორებზე, ან მოზრდილ პაციენტებში, რომლებშიც უკუნაჩვენებია ბეტა-ბლოკატორები, ასევე, დამატებითი თერაპიის სახით ბეტა-ბლოკატორებთან ან პროსტაგლანდინების ანალოგებთან ერთად.

მიღების წესი და დოზირება
მონოთერაპიის ან თანმხლები თერაპიის სახით პრეპარატის ერთ წვეთს აწვეთებენ დაზიანებული თვალის (თვალების) კონიუნქტივურ ტომარაში დღეში ორჯერ. საჭიროების შემთხვევაში, პაციენტის უკეთესი საპასუხო რეაქციისთვის, ინიშნება ერთი წვეთი დღეში სამჯერ.
თუ პაციენტი იღებს ადგილობრივი გამოყენების ერთზე მეტ ოფტალმოლოგიურ პრეპარატს, მათი გამოყენება უნდა მოხდეს განცალკევებულად, ჩაწვეთებებს შორის სულ მცირე 5 წუთიანი ინტერვალით.
დოზის გამოტოვების შემთხვევაში მკურნალობა უნდა გაგრძელდეს პრეპარატის შემდეგი დოზით, მკურნალობის გრაფიკის შესაბამისად. დოზა არ უნდა აღემატებოდეს ერთ წვეთს დაზიანებულ თვალში (თვალებში) დღეში სამჯერ.
იმ  შემთხვევაში, თუ პაციენტი უკვე მკურნალობს გლაუკომის საწინააღდეგო სხვა ნებისმიერი ადგილობრივი გამოყენების პრეპარატით, ბრილოსანით მკურნალობის დაწყებამდე აუცილებელია ამ პრეპარატის გამოყენების შეწყვეტა, ხოლო ბრილოსანით მკურნალობა უნდა დაიწყოს მომდევნო დღიდან.

გამოყენების წესი
პრეპარატი განკუთვნილია ადგილობრივი ოფტალმოლოგიური გამოყენებისთვის.
თვალში პრეპარატის ჩაწვეთების შემდეგ რეკომენდებულია თვალის შიდა კუთხეზე მსუბუქად მიწოლა ცხვირ-თვალის არხის გადასაკეტად ან ქუთუთოების მსუბუქად დახურვა. ამგვარად შეიძლება შემცირდეს ოფთალმოლოგიური ადგილობრივი გამოყენების პრეპარატების სისტემური აბსორბცია, რაც შეამცირებს სისტემური გვერდითი ეფექტების გამოვლინებას.

გამოყენებამდე ფლაკონი კარგად უნდა შეინჯღრეს!

ფლაკონი უნდა გაიხსნას უშუალოდ პირველი გამოყენების წინ. საწვეთურის დაბოლოების დაბინძურების თავიდან ასაცილებლად არ შეიძლება საწვეთურის დაბოლოების შეხება თვალზე, ქუთუთოებზე, თვალის გარშემო არეზე, წამწამებზე და სხვა ზედაპირზე. გამოყენების შემდეგ ფლაკონი მჭიდროდ უნდა დაიხუროს.
ხანდაზმული პაციენტები
ხანდაზმულ პაციენტებში დოზის კორექციის აუცლებლობა არ არსებობს.

ბავშვები და მოზარდები
ბრინზოლამიდის ეფექტურობა და უსაფრთხოება 18 წელზე ნაკლები ასაკის პაციენტებში არ არის დადგენილი და ამ ჯგუფის პაციენტებში მისი გამოყენება რეკომენდებული არ არის. ამავე დროს, არსებობს ბავშვებში ბრინზოლამიდის გამოყენების შეზღუდული გამოცდილება, კერძოდ – ბრინზოლამიდის ეფექტურობა და უსაფრთხოება გამოკვლეული იქნა 6 წლამდე ასაკის პაციენტების მცირე რაოდენობაში.

პაციენტები თირკმლის და ღვიძლის უკმარისობით
ბრინზოლამიდის შემცველი პრეპარატების მოქმედების კვლევა ღვიძლის და თირკმლის უკმარისობით  დაავადებულ პაციენტებში არ განხორციელებულა, ამიტომ არ არის რეკომენდებული მოცემული პრეპარატის გამოყენება ასეთ პაციენტებში.
ბრინზოლამიდის პრეპარატების კვლევა პაციენტებში თირკმლის მწვავე უკმარისობით (კრეატინინის კლირენსი <30 მლ/წთ) ან პაციენტებში ჰიპერქლორემიული აციდოზით არ ჩატარებულა. ვინაიდან, ბრინზოლამიდი და მისი მთავარი მეტაბოლიტი გამოიყოფა უმთავრესად თირკმელებით, პრეპარატი უკუნაჩვენებია თირკმლის უკმარისობის მქონე პაციენტებში.

გვერდითი მოქმედება
კლინიკურ კვლევებში, რომლებშიც მონაწილებდა 1800 პაციენტზე მეტი, რომლებიც იღებდნენ ბრინზოლამიდს მონოთერაპიის სახით ან თიმოლოლის მალეატთან 5 მგ/მლ კომბინაციაში, ყველაზე ხშირად გამოვლენილი მკურნალობასთან დაკავშირებული გვერდითი რეაქციები აღმოჩნდა: დისგევზია (5.8%) (თვალში ჩაწვეთების შემდეგ მწარე ან/და უცნაური გემო პირში) ან მხედველობის დროებითი დაბინდვა (5.8%) ჩაწვეთების შემდეგ, რამდენიმე წამიდან რამდენიმე წუთამდე ხანგრძლივობით.

გვერდითი რეაქციების სიხშირე აღწერილია შემდეგი სახით: ძალიან ხშირი (≥1/10); ხშირი (≥1/100 – <1/10); არახშირი (≥1/1000 – <1/100); იშვიათი (≥1/10000 – <1/1000); ძალიან იშვიათი (<1/10000); არ არის ცნობილი სიხშირე (ვერ დადგინდა არსებული მონაცემების საფუძველზე). გვერდითი რეაქციები თითოეულ ჯგუფში წარმოდგენილია სიხშირის და სიმძიმის/საფრთხის ხარისხის შემცირების მიხედვით.

ინფექციური და პარაზიტული დაავადებები:
არახშირი: ნაზოფარინგიტი, ფარინგიტი, სინუსიტი;
არ არის ცნობილი სიხშირე: რინიტი.
დარღვევები სისხლის და ლიმფური სისტემის მხრივ:
არახშირი: ანემია, ჰიპერქლორემია.
დარღვევები იმუნური სისტემის მხრივ:
არ არის ცნობილი სიხშირე: ჰიპერმგრძნობელობა.
ფსიქიკური სტატუსის დარღვევები:
არახშირი: აპათია, დეპრესია, განწყობის გაუარესება, ლიბიდოს დაქვეითება, ღამის კოშმარები, უძილობა, ნევროზულობა.
დარღვევები ნერვული სისტემის მხრივ:
ხშირი: დისგევზია, თავის ტკივილი;
არახშირი: ძილიანობა, მოტორული დისფუნქცია, ამნეზია, მეხსიერების დარღვევა, თავბრუსხვევა, პარესთეზია;
არ არის ცნობილი სიხშირე: ტრემორი, ჰიპესთეზია, აგევზია.
დარღვევები მხედველობის ორგანოს მხრივ:
ხშირი: ბლეფარიტი, მხედველობის დაბინდვა, თვალების გაღიზიანება, თვალების ტკივილი, თვალების სიმშრალე, გამონადენი თვალებიდან, თვალის ქავილი, უცხო სხეულის შეგრძნება თვალში, თვალის ჰიპერემია;
არახშირი: რქოვანას ეროზია, კერატიტი, წერტილოვანი კერატიტი, კერატოპათია, გამონადენის დაგროვება თვალში, რქოვანას შეღებვა, რქოვანას ეპითელიუმის დეფექტები, რქოვანას ეპითელიუმის დარღვევები, თვალშიდა წნევის მომატება, მხედველობის ნერვის დონეზე ექსკავაცია/დისკის თანაფარდობების გაზრდა, რქოვანას შეშუპება, კონიუნქტივიტი, ანთება თვალის დონეზე, მეიბომიური ჯირკვლების ანთება, დიპლოპია, ფსევდოასახვითი გამოვლინებები, სინათლის შიში, ფოტოფსია, მხედველობის სიმახვილის დაქვეითება, ალერგიული კონიუნქტივიტი, პტერიგიუმი (ფრთისებრი აპკი), სკლერის პიგმენტაცია, თვალის მოდუნება, თვალის დისკომფორტი, ანომალიური შეგრძნებები თვალში, მშრალი კერატოკონიუნქტივიტი, თვალის ჰიპერსთეზია, სუბკონიუნქტივალური კისტები, კონიუნქტივის ჰიპერემია, ქუთუთოების ქავილი, ქერცლი ქუთუთოების საზღვრებზე, ქუთუთოების შეშუპება, გაძლიერებული ცრემლდენა;
სიხშირე არ არის ცნობილი: რქოვანას დარღვევები, მხედველობის დარღვევა, თვალის ანთება, თვალის ალერგია, მადაროზი, ქუთუთოების დაავადებები, ქუთუთოების ერითემა.
დარღვევები სმენის ორგანოების და ვესტიბულარული აპარატის მხრივ:
არახშირი: შუილი ყურებში;
არ არის ცნობილი სიხშირე: თავბრუსხვევა.
დარღვევები გულის მხრივ:
არახშირი: კარდიორესპირატორული დისტრესი, სტენოკარდია, ბრადიკარდია, გულისცემის გახშირება, გულის რითმის დარღვევა;
არ არის ცნობილი სიხშირე: არითმია, ტაქიკარდია, არტერიული ჰიპერტენზია, გულის შეკუმშვათა სიხშირის მომატება.
დარღვევები სასუნთქი სისტემის, შუასაყარის და გულმკერდის ორგანოების მხრივ:
არახშირი: ქოშინი, ბრონქული ჰიპერაქტიურობა, ხველა, ცხვირიდან სისხლდენა, ფარინგო-ლარინგეალური ტკივილი, ყელის გაღიზინება, ცხვრის გაჭედილობა, ზედა სასუნთქი გზების ობსტრუქცია, პოსტნაზალური გამონადენი, სურდო, ცემინება, ცხვირის სიმშრალე;
არ არის ცნობილი სიხშირე: ბრონქული ასთმა.
დარღვევები კუჭ-ნაწლავის ტრაქტის მხრივ:
ხშირი: ქსეროსტომია;
არახშირი: ეზოფაგიტი, დიარეა, გულისრევა, ღებინება, დისპეფსია, ტკივილი მუცლის ზედა ნაწილში, დისკომფორტი კუჭის ან მთლიანად მუცლის არეში, მეტეორიზმი, ხშირი დეფეკაცია, კუჭ-ნაწლავის მხრივ დარღვევები, ორალური ჰიპესთეზია, ორალური პარესთეზია.
დარღვევები ჰეპატობილიარული სისტემის მხრივ:
არ არის ცნობილი სიხშირე: ღვიძლის ფუნქციის ტესტების პათოლოგიური პასუხები.
დარღვევები კანის და კანქვეშა უჯრედისის მხრივ:
არახშირი: ჭინჭრის ციება, კანის გარდამავალი გამონაყარი, კანის მაკულოპაპულოზური გამონაყარი, გენერალიზებული ქავილი, თმის ცვენა, კანის დაჭიმვის შეგრძნება;
არ არის ცნობილი სიხშირე: დერმატიტი, ერითემა.
დარღვევები ძვალ-კუნთოვანი სისტემის და შემაერთებელი ქსოვილის მხრივ:
არახშირი: ზურგის ტკივილი, კუნთოვანი სპაზმები, მიალგია;
არ არის ცნობილი სიხშირე: ართრალგია, კიდურების ტკივილი.
დარღვევები თირკმელების და საშარდე სისტემის მხრივ:
არახშირი: თირკმელების ტკივილი;
არ არის ცნობილი სიხშირე: პოლაკიურია.
დარღვევები რეპროდუქციული სისტემის მხრივ:
არახშირი: ერექციული დისფუნქცია.

ხანმოკლე კლინიკური კვლევების მიმდინარეობის დროს გვერდითი ეფექტები გამოვლინდა პედიატრიული პაციენტების დაახლოებით 12.5%-ში; უმეტეს შემთხვევაში გვერდით მოვლენებს ჰქონდა ადგილობრივი ხასიათი და წარმოადგენდა ნაკლებად მწვავე რეაქციებს მხედველობის ორგანოების მხრივ, როგორიცაა კონიუნქტივის ჰიპერემია, თვალის ლორწოვანი გარსის გაღიზინება, გამონადენი თვალიდან და გაძლიერებული ცრემლდენა.

კლინიკური კვლევების მიმდინარეობისას დისგევზია (თვალში ჩაწვეთების შემდეგ მწარე ან უჩვეულო გემო პირში) წარმოადგენს ბრინზოლამიდის გამოყენებასთან დაკავშირებულ შედარებით ხშირ სისტემურ გვერდით ეფექტს. სავარაუდოდ, ეს ეფექტი ვლინდება ცხვირ-ცრემლის არხის გავლით თვალის წვეთების ცხვირხახაში მოხვედრის გამო. თუ ჩაწვეთების შემდეგ თითით დავაწვებით თვალის შიდა კუთხეს ცხვირ-ცრემლის არხის დახურვის მიზნით ან ფრთხილად დავხურავთ ქუთუთოებს, ეს შეიძლება დაგვეხმაროს მოცემული ეფექტის წარმოშობის სიხშირის შემცირებაში.

ბრინზოლამიდი წარმოადგენს კარბოანჰიდრაზას სულფონამიდურ ინჰიბიტორს და აბსორბირდება სისტემურად. კარბოანჰიდრაზას სისტემური ინჰიბიტორების გამოყენებას, როგორც წესი, უკავშირდება არასასურველი ეფექტები კუჭ-ნაწლავის ტრაქტის, ნერვული სისტემის, სისხლმბადი სისტემის, თირკმელების მხრივ და, ასევე, იმ მოვლენების მხრივ, რომლებიც დაკავშირებულია მეტაბოლიზმთან. პრეპარატის ადგილობრივი გამოყენებისას შეიძლება წარმოიშვას იგივე ტიპის არასასურველი ეფექტები, რაც ზოგადად ვლინდება კარბოანჰიდრაზას ინჰიბიტორების პერორალურად მიღების შემთხვევაში.

თანმხლები თერაპიის სახით ბრინზოლამიდის გამოყენებისას ტრავოპროსტთან ერთად არ აღინიშნა არანაირი მოულოდნელი არასასურველი ეფექტი. არასასურველი გამოვლინებები, რომლებიც აღინიშნა კომბინირებული თერაპიის დროს, ასევე აღინიშნება თითოეული პრეპარატის გამოყენებისას მონოთერაპიის სახით.

უკუჩვენებები
ჰიპერმგრძნობელობა აქტიური ნივთიერების ან ნებისმიერი დამხმარე ნივთიერების მიმართ.
უკვე ცნობილი ჰიპერმგრძნობელობა სულფონამიდების მიმართ.
თირკმლის მწვავე უკმარისობა.
ჰიპერქლორემიული აციდოზი.

ჭარბი დოზირება
დოზის გადაჭარბების შემთხვევები აღწერილი არ არის.
მკურნალობა უნდა იყოს სიმპტომური და შემანარჩუნებელი. შეიძლება გამოვლინდეს ელექტროლიტური ბალანსის დარღვევა, აციდოზის განვითარება და არასასურევლი რეაქციები ნერვული სისტემის მხრივ. რეკომენდებულია პლაზმის ელექტროლიტების (განსაკუთრებით კალიუმის) და სისხლის პH-ის კონტროლი.

განსაკუთრებული მითითებები
სისტემური ეფექტები
ბრინზოლამიდი წარმოადგენს კარბოანჰიდრაზას სულფონამიდურ ინჰიბიტორს და მიუხედავად ადგილობრივი გამოყენებისა, აბსორბირდება სისტემურად. ადგილობრივი გამოყენებისას შეიძლება განვითარდეს სულფონამიდებისთვის დამახიასათებელი გვერდითი რეაქციები. სერიოზული გვერდითი რეაქციების ან ჰიპერმგრძნობელობის ნიშნების გამოვლენისას საჭიროა პრეპარატის მოხმარების შეწყვეტა.
კარბოანჰიდრაზას ინჰიბიტორების პერორალური გამოყენებისას აღწერილია მჟავა-ტუტოვანი ბალანსის დარღვევის შემთხვევები.
პერორალური გამოყენების კარბოანჰიდრაზას ინჰიბიტორებმა შეიძლება გააუარესოს ხანდაზმული პაციენტების უნარი ისეთი ქმედებების განხორციელების მხრივ, რომლებიც საჭიროებს ყურადღებას ან/და ფიზიკურ კოორდინაციას. ბრინზოლამიდი აბსორბირდება სისტემურად, ამიტომ ასეთი მოქმედება შეიძლება გამოვლინდეს ადგილობრივი გამოყენების დროსაც.

თანმხლები თერაპია
ისეთ პაციენტებში, რომლებიც იღებენ პერორალური გამოყენების  კარბოანჰიდრაზას ინჰიბიტორებს და ადგილობრივად ბრინზოლამიდს, არსებობს კარბოანჰიდრაზას ინჰიბირების ადიტიური ეფექტის რისკი. ბრინზოლამიდისა და პერორალური გამოყენების  კარბაონჰიდრაზას ინჰიბიტორების ერთდროულად გამოყენების კვლევა არ ჩატარებულა. მითითებული პრეპარატების ერთდროული გამოყენება არ არის რეკომენდებული.

ბრინზოლამიდის მოქმედების შესწავლა ძირითადად განხორციელდა მისი თიმოლოლთან დამატებითი თერაპიის სახით გამოყენებისას გლაუკომის მკურნალობისთვის. ასევე, გამოიკვლიეს ბრინზოლამიდის თვალშიდა წნევის დამწევი მოქმედება ტრავოპროსტის (პროსტაგლანდინის) ანალოგთან თანმხლები მკურნალობის დროს. ტრავოპროსტთან ერთად ბრინზოლამიდის ხანგრძლივი გამოყენების შესახებ მონაცემები არ არსებობს.
არსებობს მწირი მონაცემები ბრინზოლამიდის გამოყენების შესახებ პაციენტებში ფსევდოექსფოლიაციური გლაუკომით ან პიგმენტური გლაუკომით. ასეთი პაციენტების მკურნალობისას საჭიროა სიფრთხილის გამოჩენა და რეკომენდებულია თვალშიდა წნევის დონის მუდმივი კონტროლი. ბრინზოლამიდის მოქედების კვლევები პაციენტებში დახურულკუთხიანი გლაუკომით არ განხორციელებულა და, შესაბამისად, მისი გამოყენება ასეთ პაციენტებში რეკომენდებული არ არის.
არ განხორციელებულა კვლევები პაციენტებში, რომლებიც იყენებენ კონტაქტურ ლინზებს. ბრინზოლამიდის გამოყენებისას ასეთ პაციენტებში საჭიროა რეგულარული დაკვირვება, ვინაიდან კარბოანჰიდრაზას ინჰიბიტორებმა შეიძლება ზეგავლენა მოახდინოს რქოვანას ჰიდრატაციაზე, ხოლო კონტაქტური ლინზების გამოყენებამ შეიძლება გაზარადოს რქოვანაზე მისი ზემოქმედების რისკი. რეკომენდებულია რეგულარული დაკვირვება სხვა ანალოგიურ შემთხვევბშიც, რომლებიც დაკავშირებულია რქოვანას ფუნქციის დარღვევასთან, მაგალითად – შაქრიანი დიაბეტით დაავადებულ პაციენტებში.
ბრილოსანი შეიცავს ბენზალკონიუმის ქლორიდს, რომელმაც შეიძლება გამოიწვიოს წერტილოვანი კერატოპათია ან/და ტოქსიკური წყლულოვანი კერატოპათია. ბრილოსანში ბენზალკონიუმის ქლორიდის შემცველობის გამო, პრეპარატის ხშირი და ხანგრძლივი გამოყენებისას, საჭიროა ყურადღებით დაკვირვება. ბენზალკონიუმის ქლორიდმა შეიძლება ასევე შეცვალოს რბილი კონტაქტური ლინზების ფერი, ამიტომ Aაუცილებელია პრეპარატის რბილ კონტაქტურ ლინზებთან კონტაქტის თავიდან არიდება. საჭიროა პაციენტების ინფორმირება, რომ პრეპარატის გამოყენებამდე კონტაქტური ლინზები უნდა იქნას მოცილებული, ხოლო მათი ჩაყენება შესაძლებელია პრეპარატის ჩაწვეთებიდან მხოლოდ 15 წუთის შემდეგ.
შესაძლო შექცევადი ეფექტები ბრინზოლამიდით მკურნალობის შეწყევტის შემდეგ შესწავლილი არ არის.
თვალშიდა წნევის შემცირების ეფექტის სავარაუდო პერიოდი შეადგენს 5-7 დღეს.

ორსულობა და ლაქტაცია
ორსულობა
მონაცემები ორსულებში ბრინზოლამიდის გამოყენების შეასხებ ან არ არსებობს, ან არსებობს შეზღუდული რაოდენობით. ცხოველებზე ჩატარებულმა კვლევებმა გამოავლინა რეპროდუქცულ ფუნქციაზე ტოქსიკური ზეგავლენის არსებობა. არ არის რეკომენდებული ბრინზოლამიდის დანიშვნა ორსულობის პერიოდში, ასევე რეპროდუქციული ასაკის ქალებში, როლებიც არ იყენებენ კონტრაცეფციის საშუალებებს.
ლაქტაცია
არ არის ცნობილი, გადადის თუ არა ბრინზოლამიდი და მისი მეტაბოლიტები დედის რძეში. ცხოველებზე ჩატარებულმა კვლევებმა აჩვენა, რომ ბრინზოლამიდი გამოიყოფა ლაქტატში. პრეპარატის გამოყენება ლაქტაციის პერიოდში დასაშვებია მხოლოდ იმ შემთხვევაში, როდესაც ძუძუთი კვების სარგებელი ბავშვისთვის და მკურნალობის სარგებელი დედისთვის აჭარბებს მის გამოყენებასთან დაკავშირებულ რისკებს.

პრეპარატის ზეგავლენა ავტოტრანსპორტისა და სხვა მექანიზმების მართვის უნარზე
მხედველობის დროებითმა დაბინდვამ და მხედველობის სხვა სახის დარღვევებმა შეიძლება ზეგავლენა მოახდინოს ავტომობილის მართვის და სხვა სახის მექანიზმებთან და აღჭურვილობასთან მუშაობის უნარზე. თუ ჩაწვეთების შემდეგ ვლინდება მხედველობის დაბინდვა, მაშინ საჭესთან დაჯდომამდე ან სხვა სახის მექანიზმების მართვის დაწყებამდე პაციენტმა უნდა მოიცადოს მანამ, სანამ არ მოხდება მხედველობის აღდგენა.
პერორალური გამოყენების კარბოანჰიდრაზას ინჰიბიტორების გამოყენებამ შეიძლება გააუარესოს ხანდაზმული პაციენტების უნარი შეასრულონ ამოცანები, რომლებიც საჭიროებს ყურადღებას ან/და ფიზიკურ კოორდინაციას.

სხვა პრეპარატებთან ურთიერთქმედება
ბრინზოლამიდის სხვა პრეპარატებთან ურთიერთქმედების სპეციალური კვლევები არ ჩატარებულა. კლინიკური კვლევების მიმდინარეობის დროს ბრინზოლამიდი გამოიყენებოდა პროსტაგლანდინის ანალოგებთან და თიმოლოლის ფუძეზე დამზადებულ ოფთალმოლოგიურ პრეპარატებთან კომბინაციაში. არასასურევლი ურთიერთქმედების შემთხვევები არ არის აღნიშნული. ბრინზოლამიდს და მიოტიკებს ან ადრენერგული რეცეპტორების აგონისტებს შორის ურთიერთქმედების ანალიზი გლაუკომის კომბინირებული თერაპიის დროს არ განხორციელებულა.
ბრინზოლამიდი წარმოადგენს კარბოანჰიდრაზას ინჰიბიტორს და მიუხედავად ადგილობრივი გამოყენებისა, აბსორბირდება სისტემურად. აღწერილია მჟავა-ტუტოვანი ბალანსის დარღვევის შემთხვევები კარბოანჰიდრაზას პერორალური ინჰიბიტორების გამოყენებისას. გასათვალსიწინებელია ასეთი ურთიერთქმედების ალბათობა პაციენტებში, რომლებიც იღებენ ბრინზოლამიდს.

შენახვის ვადა და პირობები
ინახება არა უმეტეს 25°C ტეპერატურაზე, ორიგინალ შეფუთვაში.
ინახება ბავშვებისთვის ხელმიუწვდომელ ადგილას.

შენახვის ვადა: 2 წელი.
ფლაკონის გახსნის შემდეგ წვეთების გამოყენება შეიძლება 4 კვირის განმავლობაში.
გამოშვების ფორმა: 10მგ/მლ 5მლ თვალის წვეთები სუსპენზიის სახით ფლაკონი №1

შეფუთვა
5 მლ ხსნარი პლასტიკის ფლაკონ–საწვეთურში.
ფლაკონ–საწვეთური ინსტრუქციასთან ერთად მოთავსებულია მუყაოს შეფუთ-ვაში.

გაცემის რეჟიმი: II ჯგუფი (გაიცემა ფორმა N3 რეცეპტით)

მწარმოებელი: Rompharm Company, რუმინეთი

გაფრთხილება