ვინერი / VINER

ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.

საერთაშორისო დასახელება
(
აქტიური ნივთიერება):
გამა-ამინოერბომჟავა, პირაცეტამი/
gamma-aminobutyric acid, piracetam

აფთიაქები, ფასები, ფასდაკლებები …

კლინიკურ-ფარმაკოლოგიური ჯგუფი:
კომბინირებული ნოოტროპული საშუალება.
ათქკოდი:
N06B.
შემადგენლობა:
1 კაფსულა შეიცავს:
პირაცეტამს – 250 მგ; გამა-ამინოერბომჟავას – 125 მგ.
დამხმარე ნივთიერებები: მიკროკრისტალური ცელულოზა, ტალკი.
კაფსულის გარსის შემადგენლობა: ჟელატინი, საღებავი – ტიტანის დიოქსიდი (E 171).

ფარმაკოლოგიური თვისებები:
ვინერი კომბინირებული პრეპარატია, რომლის ფარმაკოლოგიური მოქმედება განპირობებულია მასში შემავალი კომპონენტების  გამა-ამინოერბომჟავასა და პიროლიდონის წარმოებულის, პირაცეტამის თვისებებით.
გამა-ამინოერბომჟავა წარმოადგენს მთავარ შემაკავებელ მედიატორს ცენტრალურ ნერვულ სისტემაში. მისი გავლენით ითრგუნება აგზნების პროცესები, ძლიერდება ნერვული პროცესების შეკავება, მცირდება გაღიზიანებადობა და აგზნებადობა.

გამა-ამინოერბომჟავა ააქტიურებს ენერგეტიკულ პროცესებს ცნს-ში, აუმჯობესებს გლუკოზის უტილიზაციას, აძლიერებს თავის ტვინის ქსოვილების სისხლმომარაგებას.

გამა-ამინოერბომჟავა აუმჯობესებს ნერვული პროცესების დინამიკას თავის ტვინში, აზროვნების პროცესს, მეხსიერებას, ყურადღებას, ხელს უწყობს მოძრაობითი აქტივობის და მეტყველების აღდგენას თავის ტვინში სისხლის მიმოქცევის დარღვევის შემდეგ, გააჩნია მსუბუქი ფსიქომასტიმულირებელი ეფექტი.
პირაცეტამი გამა-ამინოერბომჟავას ციკლური წარმოებულია. პირაცეტამი კლასიკური ნოოტროპული საშუალებაა, რომელიც აძლიერებს დოფამინის სინთეზს თავის ტვინში, ზრდის ნორადრენალინის შემცველობას, აცეტილქოლინის რაოდენობას სინაფსის დონეზე და ქოლინორეცეპტორების სიმჭიდროვეს.
პრეპარატი დადებით გავლენას ახდენს თავის ტვინში სისხლის მიმოქცევისა და ნივთიერებათა ცვლის პროცესებზე, ასტიმულირებს ჟანგვა-აღდგენით პროცესებს, აუმჯობესებს რეგიონალურ სისხლის მიმოქცევას თავის ტვინის იშემიურ უბნებში, ზრდის ნეირონების ენერგეტიკულ პოტენციალს, მათ მდგრადობას ჰიპოქსიისა და სხვადასხვა ნეიროტოქსიკური ფაქტორის გავლენის მიმართ.

პირაცეტამი აუმჯობესებს თავის ტვინის ინტეგრაციულ აქტივობას, ხელს უწყობს მეხსიერების გაუმჯობესებას, აუმჯობესებს დასწავლის პროცესს.
პრეპარატის ორივე კომპონენტის კომპლექსური მოქმედებით ძლიერდება მათი ნოოტროპული, ვაზოაქტიური და ანტიჰიპოქსიური მოქმედება, იზრდება შრომისუნარიანობა და ტოლერანტობა სხვადასხვა სტრესული ფაქტორის ზემოქმედების მიმართ.

ფარმაკოკინეტიკა:
პერორალური მიღების შემდეგ პრეპარატის შემადგენელი კომპონენტები კარგად შეიწოვება, ნაწილდება ორგანოებსა და ქსოვილებში, მათ შორის თავის ტვინში. პირაცეტამის ბიოშეღწევადობა შეადგენს  დაახლოებით 100%-ს, პრაქტიკულად არ მეტაბოლიზდება ღვიძლში პირველადი გავლისას. მაქსიმალური კონცენტრაცია (ჩმახ) სისხლის პლაზმაში მიიღწევა მიღებიდან 30 წთ-ის შემდეგ. პირაცეტამი პრაქტიკულად არ უკავშირდება პლაზმის ცილებს, აქედან გამომდინარე, საკმაოდ სწრაფად და ადვილად აღწევს სხვადასხვა ქსოვილებში. მისი  მაქსიმალური კონცენტრაცია (ჩმახ) მიიღწევა თავის ტვინის დიდი ნახევარსფეროების ქერქში, ნათხემსა და ბაზალურ განგლიებში. ადვილად გადის ჰემატოენცეფალურ და პლაცენტარულ ბარიერს (მაქსიმალური კონცენტრაცია (ჩმახ) ლიქვორში მიიღწევა 2-8 სთ-ის შემდეგ). პრეპარატის ნახევარგამოყოფის პერიოდი (თ1/2) სისხლის პლაზმიდან შეადგენს 4-5 სთ-ს, ლიქვორიდან – 6-8-სთ-ს. 30 სთ-ის განმავლობაში ორგანიზმიდან გამოიყოფა მიღებული დოზის 95%-ზე მეტი.
გამა-ამინოერბომჟავას მაქსიმალური პლაზმური კონცენტრაცია (ჩმახ) მიიღწევა 60 წთ-ში პრეპარატის მიღებიდან. შემდგომ კონცენტრაცია სწრაფად მცირდება და 24 სთ-ის შემდეგ გამა-ამინოერბომჟავა სისხლში აღარ აღინიშნება.
პრეპარატი გამოიყოფა შარდთან ერთად, ნაწილობრივ მეტაბოლიტების სახით, ხოლო პირაცეტამი – თითქმის შეუცვლელი სახით.
პრეპარატის დანიშვნისას კრეატინინის დაქვეითებული კლირენსის მქონე ხანდაზმულ პაციენტებში საჭიროა დოზის შემცირება კრეატინინის კლირენსის გათვალისწინებით.

ჩვენება:
• ყურადღების კონცენტრაციის, მეხსიერების, ფიზიკური და გონებრივი შრომისუნარიანობის დაქვეითება, მეტყველების დარღვევა;
• მომატებული გაღიზიანებადობა;
• დაქვეითებული ტოლერანტობა სხვადასხვა სტრესული ფაქტორის მიმართ;
• ცნს-ის დაავადებები, რომლებიც განპირობებულია თავის ტვინში სისხლის მიმოქცევის დარღვევით (ათეროსკლეროზი, არტერიული ჰიპერტონია);
• თავის ტვინის სისხლის მიმოქცევის ქრონიკული უკმარისობა;
• ინსულტისა და ქალა-ტვინის ტრავმის შემდგომი პერიოდი (მეხსიერების, ყურადღების, მეტყველების, მოძრაობითი და ფსიქიკური აქტივობის აღდგენის მიზნით, ასევე თავბრუს, თავის ტკივილის შეტევების პროფილაქტიკისათვის);
• თავის ტვინში სისხლის მიმოქცევის გარდამავალი დარღვევა;
• მეტაბოლური პროცესების დარღვევა თავის ტვინში (მათ შორის ხანდაზმულ პაციენტებში);
• ნევროზული, დეპრესიული მდგომარეობა უპირატესად ადინამიური, ასთენიური, სენესტო-იპოქონდრიული დარღვევებით, იდეომოტორული შეზღუდვა, აგრეთვე დუნე-აპათიური დეფექტური მდგომარეობა, შიზოფრენია, სხვადასხვა ეტიოლოგიის ფსიქოორგანული სინდრომი, სენილური და ატროფიული პროცესები;
• ალკოჰოლური პოლინევრიტი;
• ოლიგოფრენია;
• რწევის სინდრომი (ზღვისა და ჰაერის დაავადება);

• ხანდაზმულთა დემენცია, ალცჰაიმერის დაავადება (კომპლექსური თერაპია);
• ცნს-ის ფუნქციების დარღვევა გადატანილი მწვავე ვირუსული ნეიროინფექციების შემდეგ (თავის ტვინში იშემიისა და ჰიპოქსიის შესამცირებლად);
• მიოკარდიუმის ინფარქტის შემდგომი სარეაბილიტაციო ღონისძიებები (კომპლექსური თერაპია);
• პედიატრიაში – ცერებროასთენია, ენცეფალოპათიები, მეხსიერებისა და ცნს-ის ფუნქციების სხვადასხვა დარღვევა (განსაკუთრებით გონებრივი განვითარების დარღვევის მქონე ბავშვებში).

მიღების წესი და დოზირება:
ვინერი მიიღება პერორალურად ჭამის წინ  (კაფსულა არ უნდა დაიღეჭოს).
მოზრდილებში ინიშნება ერთი კაფსულა 3-4-ჯერ დღეში. აუცილებლობის შემთხვევაში დოზა შეიძლება თანდათან გაიზარდოს 6 კაფსულამდე დღეში. თერაპიული ეფექტი ვლინდება მკურნალობის დაწყებიდან 2 კვირის შემდეგ.
ბავშვებში 8 წლის ასაკიდან ინიშნება ერთი კაფსულა 3-ჯერ დღეში.
მკურნალობის კურსის ხანგრძლივობაა 2 კვირიდან 2 თვემდე, აუცილებლობის შემთხვევაში  მკურნალობის კურსი მეორდება 6-8 კვირის შემდეგ.

გვერდითი მოვლენები:
ნერვული სისტემის მხრივ: მომატებული გაღიზიანებადობა, აგზნებადობა, ჰიპერკინეზია, ატაქსია, ძილის დარღვევა, შფოთვა, ტრემორი, წონასწორობის დარღვევა, თავბრუსხვევა, თავის ტკივილი, ძილიანობა, დეპრესია;
საჭმლის მომნელებელი სისტემის მხრივ: გულისრევა, ღებინება, დიარეა, ტკივილი მუცლის არეში, დისპეფსიური მოვლენები;
ალერგიული რეაქციები: მომატებული მგრძნობელობა, ანგიონევროზული შეშუპება, ჭინჭრის ციება;
სხვა: სხეულის მასის მომატება, სისუსტე.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება:
მომატებული მგრძნობელობა პრეპარატის შემადგენელი რომელიმე კომპონენტის მიმართ, თირკმლის მწვავე უკმარისობა, შაქრიანი დიაბეტი, ანამნეზში ალერგიული რეაქციების არსებობა (დაკავშირებული ხილის წვენების, ესენციების მიღებასთან), ჰემორაგიული ვასკულიტი, ჰემორაგიული ინსულტი, ჰენტინგტონის ქორეა, ორსულობა და ლაქტაციის პერიოდი, 8 წლამდე ასაკი.

ურთიერთქმედება სხვა სამკურნალო საშუალებებთან და სხვა სახის ურთიერთქმედება:
თუ პაციენტი ღებულობს სხვა სამკურნალო საშუალებებს, საჭიროა ამის შესახებ მკურნალი ექიმის ინფორმირება.
ვინერი აძლიერებს ანტიდეპრესანტების მოქმედებას, რაც განსაკუთრებით მნიშვნელოვანია ანტიდეპრესანტებით თერაპიის მიმართ რეზისტენტობის  შემთხვევაში.
ვინერი ამცირებს ტრანქვილიზატორების, ნეიროლეფსიური და საძილე საშუალებების გვერდითი ეფექტების გამოვლინებას.
თირეოიდულ ჰორმონებთან ერთდროული გამოყენების შემთხვევაში შესაძლებელია განვითარდეს მომატებული გაღიზიანებადობა, დეზორიენტაცია და ძილის დარღვევა.

ჭარბი დოზირება:
ვინერი ნაკლებად ტოქსიკური პრეპარატია, მაგრამ დოზის გადაჭარბების შემთხვევაში აუცილებელია ექიმთან მიმართვა. ფსიქომოტორული აგზნებადობის გამოვლენის შემთხვევაში რეკომენდებულია სედაციური საშუალებების გამოყენება.
მკურნალობა დოზის გადაჭარბებისას: ღებინების გამოწვევა, კუჭის ამორეცხვა, სიმპტომური თერაპიის ჩატარება. სპეციფიკური ანტიდოტი არ არსებობს.

ორსულობა და ლაქტაცია:
პრეპარატის მიღება ორსულობისა და ლაქტაციის პერიოდში უკუნაჩვენებია.

განსაკუთრებული მითითებები:
ბავშვებში  ვინერის დანიშვნისას საჭიროა შაქრის სადღეღამისო ნორმის შემცირება 20 გ-ით (არ უნდა აღემატებოდეს 30-35 გ-ს დღეში).
ხანდაზმულ პაციენტებში იშვითად შეიძლება აღინიშნოს კორონარული უკმარისობის გამწვავება. ამ შემთხვევაში საჭიროა დოზის შემცირება ან პრეპარატის მიღების შეწყვეტა.
პრეპარატის მიღება არ არის რეკომენდებული ფსიქომოტორული აგზნების მქონე პაციენტებში.
ხანგრძლივი თერაპიის შემთხვევაში ხანდაზმულ პაციენტებში საჭიროა თირკმლის ფუნქციის მაჩვენებლების რეგულარული კონტროლი, საჭიროების შემთხვევაში – დოზის კორექცია კრეატინინის კლირენსის გამოკვლევის შედეგების მიხედვით.
პირაცეტამი ამცირებს თრომბოციტების აგრეგაციას, რის გამოც სიფრთხილით ინიშნება ჰემოსტაზის დარღვევების მქონე პაციენტებში, დიდი ქირურგიული ოპერაციების წინა და შემდგომ პერიოდში, ასევე მძიმე სისხლდენების შემთხვევაში.
პრეპარატის ზემოქმედება ავტოტრანსპორტისა და მექანიზმების მართვის უნარზე:
თუ პრეპარატის გამოყენების პერიოდში პაციენტს აღენიშნება ძილიანობა და სხვა დარღვევები ცნს-ის მხრიდან, საჭიროა თავის არიდება ქმედებებისაგან, რომლებიც მოითხოვს ყურადღების კონცენტრაციას და ფსიქომოტორული რეაქციების სისწრაფეს.

შენახვის პირობები:
ინახება არა უმეტეს 25ºC ტემპერატურაზე, მშრალ, სინათლისაგან დაცულ და ბავშვებისათვის მიუწვდომელ ადგილას.
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

ვარგისობის ვადა:
4 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
გამოშვების ფორმა:
250 მგ/125 მგ კაფსულა #30
10 კაფსულა ბლისტერში, 3 ბლისტერი მუყაოს კოლოფში.
გაცემის რეჟიმი:
II ჯგუფი (გაიცემა ფორმა N3 რეცეპტით)
მწარმოებელი: ავერსი-რაციონალი, საქართველო

გაფრთხილება