ფარმაკოთერაპიული აღწერები, გამოხმაურებები, აფთიაქები, ფასები, აქციები. 25 000 მედიკამენტი. ლალი დათეშიძის პროექტით 1996 წლიდან.
საერთაშორისო დასახელება (აქტიური ნივთიერება): კომბინირებული/comb. drug
აფთიაქები, ფასები, ფასდაკლებები …
კლინიკურ–ფარმაკოლოგიური ჯგუფი: პოლივიტამინური საშუალება.
ათქ კოდი: A11EX
შემადგენლობა:
1 ამპულა (2 მლ) შეიცავს აქტიური ნივთიერების სახით: თიამინის ჰიდროქლორიდს -100 მგ, პირიდოქსინის ჰიდროქლორიდს – 100 მგ, ციანოკობალამინს -1 მგ, ლიდოკაინის ჰიდროქლორიდს – 20 მგ.
დამხმარე ნივთიერებები: ბენზილის სპირტი, ნატრიუმის პოლიფოსფატი, ნატრიუმის ტრიპოლიფოსფატი, ნატრიუმის ჰიდროქსიდის ხსნარი 1 მლ, საინექციო წყალი.
ფარმაკოლოგიური თვისებები
ფარმაკოდინამიკა:
B ჯგუფის ნეიროტროპული ვიტამინები ახდენენ სასარგებლო მოქმედებას ნერვებისა და მოძრავი აპარატის ანთებით და დეგენერაციულ დაავადებებზე. ისინი გამოიყენება არა დეფიციტური მდგომარეობების აღმოსაფხვრელად, არამედ მაღალი დოზებით ფლობენ ანალგეტიკურ თვისებებს, ხელს უწყობენ სისხლის ნაკადის გაძლიერებას, ნორმირებულს ხდის ნერვული სისტემის მუშაობასა და სისხლწარმოქმნის პროცესს (ვიტამინი B12). თიამინი (B1) ასრულებს უმთავრეს როლს ნახშირწყლების ცვლის პროცესში, რომლებსაც გააჩნიათ გადამწყვეტი მნიშვნელობა ნერვული ქსოვილის ნივთიერებათა ცვლათა პროცესებში, აგრეთვე კრებსის ციკლში თიამინის პიროფოსფატისა და ადენოზინტრიფოსფატის სინთეზში შემდგომი მონაწილეობით. პიროდიქსინი (B6) მონაწილეობს ცილების მეტაბოლიზმში, და ნაწილობრივ, ნახშირწყლებისა და ცხიმების მეტაბოლიზმში. ორივე ვიტამინის (B1, B6) ფიზიოლოგიურ ფუნქციას წარმოადგენს ერთმანეთის მოქმედების პოტენცირება, რომელიც ვლინდება დადებით გავლენაში ნერვულ, ნეიროკუნთოვან და გულსისხლძარღვთა სისტემაზე.
ციანოკობალამინი (B12) მონაწილეობს მიელინური გარსის სინთეზში, ასტიმულირებს ჰემოპოეზს, ამცირებს ტკივილის შეგრძნებას, რომელიც დაკავშირებულია პერიფერიული ნერვული სისტემის დაზიანებასთან, ასტიმულირებს ნუკლეინურ ცვლას ფოლიუმის მჟავის აქტივაციის მეშვეობით.
ლიდოკაინი – ადგილობრივად ანესთეზიური საშუალებაა, რომელიც იწვევს ყველა სახის ადგილობრივ ანესთეზიას.
ფარმაკოკინეტიკა:
კუნთებში შეყვანის შემდეგ თიამინი სწრაფად აბსორბირდება ინექციის ადგილიდან და აღწევს სისხლში (484 ნგ/მლ 15 წთ 50 მგ დოზის შეყვანის პირველ დღეს) და არათანაბრად ნაწილდება ორგანიზმში მისი შემცველობა ლეიკოციტებში 15%, ერითროციტებში 75% და სისხლის პლაზმაში 10%. ორგანიზმში ვიტამინის მნიშვნელოვანი მარაგის არარსებობისას ის უნდა აღწევდეს ორგანიზმში ყოველდღიურად. თიამინი აღწევს ჰემატოენცეფალურ და პლაცენტარულ ბარიერს, აღმოჩენილია დედის რძეში. თიამინი გამოიყოფა შარდთან ერთად ალფა-ფაზაში 0,15 საათის შემდეგ, ბეტა-ფაზაში – 1 საათის შემდეგ და ტერმინალურ ფაზაში – 2 დღის განმავლობაში. ძირითად მეტაბოლიტებს წარმოადგენს: თიამინკარბონული მჟავა, პირამინი და ზოგიერთი უცნობი მეტაბოლიტები. ყველა ვიტამინიდან თიამინი ორგანიზმში ნარჩუნდება უმცირესი რაოდენობით. ზდრასრული ადამიანის ორგანიზმი შეიცავს დაახლოებით 30 მგ თიამინს, შემდეგი სახით – 80% თიამინის მონოფოსფატის სახით. კუნთებში ინექციის შემდეგ პირიდოქსინი სწრაფად აბსორბირდება სისხლძარღვებში და ნაწილდება ორგანიზმში, კოენზიმის როლის შესრულებით CH2OH ჯგუფის ფოსფორილირების შემდეგ მე-5 მდგომარეობაში. ვიტამინის დაახლოებით 80% უკავშირდება სისხლის პლაზმის ცილებს. პირიდოქსინი ნაწილდება მთელ ორგანიზმში, აღწევს პლაცენტარულ ბარიერს, აღმოჩენილია დედის რძეში. დეპონირდება ღვიძლში და იჟანგება 4-პირიდოქსინული მჟავამდე, რომელიც ექსკრეტირდება შარდთან ერთად, მაქსიმუმ აბსორბირდება 2-5 საათის შემდეგ. ადამიანის ორგანიზმი შეიცავს 40-150 მგ ვიტამინ B6, მისი ელიმინაციის ყოველდღიური სიჩქარე შეადგენს დაახლოებით 1,7-3,6 მგ.
ჩვენებები:
პათოგენეზური და სიმპტომური საშუალების სახით დაავადებების მკურნალობისას და სხვადასხვა წარმოშობის ნერვული სისტემის სინდრომისას:
– ნეიროპათიის და პოლინეიროპათიის (დიაბეტური, ალკოჰოლური და სხვა);
– ნევრიტი და პოლინევრიტი, მ.შ. რეტრობულბარული ნევრიტი;
– პერიფერიული პარეზები, მ.შ. სახის ნერვის;
– ნევრალგია, მ.შ. სამწვერა ნერვის და ნეკნთაშუა ნერვების;
– ტკივილის სინდრომი (ფესვური, მიალგია);
– ღამის კუნთების კრუნჩხვები, განსაკუთრებით უფროსი ასაკის პირებში;
– პლექსოპათიები, განგლიონიტები (სარტყლისებრი ჰერპესის ჩათვლით);
– ხერხემლის ოსტეოქონდროზის ნევროლოგიური გამოვლინებები (რადიკულოპათია, ლუმბოიშალგია, კუნთოვან-ტონური სინდრომი);
უკუჩვენება:
– მომატებული მგრძნობელობა პრეპარატის ნებისმიერი კომპონენტების მიმართ;
– გულის დეკომპენსირებული ქრონიკული უკმარისობის მძიმე და მწვავე ფორმები
– ბავშვთა ასაკი (კვლევების არარსებობის გამო).
გამოყენების წესი და დოზირების რეჟიმი:
გამოხატული ტკივილის გამოხატული სინდრომისას მკურნალობა მიზანშეწონილია დაიწყოს კუნთებში შეყვანით (ღრმად) პრეპარატის 2 მლ ყოველდღიურად 5-10 დღის განმავლობაში.
გვერდითი მოქმედება:
ალერგიული რეაქციები. ცალკეულ შემთხვევებში შეიძლება აღინიშნებოდეს ოფლის მომატებული გამოყოფა, ტაქიკარდია, ჩნდება ფერიმჭამელების გამონაყარი. აღწერილია კანის რეაქციები(ქავილი), ჭინჭრის ციება.
იშვიათ შემთხვევაში შეიძლება აღინიშნებოდეს პრეპარატის მიმართ მომატებული მგრძნობელობის მოვლენები, მაგალითად, გამონაყარი, გაძნელებული სუნთქვა, ანგიონევროზული შეშუპება, ანაფილაქტიური შოკი.
დოზის გადაჭარბება:
სიმპტომები: პრეპარატის ძალიან სწრაფად შეყვანის შემთხვევებში, შეიძლება გაჩნდეს სისტემური რეაქციები (თავბრუსხვევა, არითმია, კრუნჩხვები), ისინი შეიძლება გახდეს დოზის გადაჭარბების შედეგი.
მკურნალობა: სიმპტომური თერაპია.
ურთიერთმოქმედება სხვა სამკურნალო საშუალებებთან:
თიამინი მთლიანად იშლება ხსნარებში, რომლებიც შეიცავენ სულფიტებს.
თიამინი არასტაბილურია ტუტოვან და ნეიტრალურ ხსნარებში; კარბონატებთან, ციტრატებთან, ბარბიტურატებთან, სპილენძის პრეპარატებთან ერთად დანიშვნა არაა რეკომენდირებული. პირიდოქსინი არ ინიშნება ლევოდოფასთან, ვინაიდან სუსტდება უკანასკნელის მოქმედება.
პრეპარატის შემადგენლობაში ლიდოკაინის არსებობა, ადრენალინისა და ნორადრენალინის დამატებითი გამოყენების შემთხვევაში, შესაძლებელია გვერდითი მოქმედების გაძლიერება გულზე. ადგილობრივი ანესთეზირებადი საშუალებების დოზის გადაჭარბების შემთხვევაში არ შეიძლება დამატებით ადრენალინისა და ნორადრენალინის გამოყენება.
ვიტამინი B12 შეუთავსებადია ასკორბინის მჟავასთან, მძიმე ლითონების მარილებთან.
განსაკუთრებული მითითებები:
გამოიყენება ორსულობისას და ლაქტაციის პერიოდში რეკომენდირებული არ არის.
კომპლიგამიB® ახდენს გავლენას სატრანსპორტო საშუალებებისა და მექანიზმების მართვის უნარზე.
შენახვის პირობები:
სინათლისგან დაცულ ადგილას ტემპერატურაზე 2-დან 8⁰C-მდე.
დაუშვებელია შენახვა და ტრანსპორტირება 2⁰C ნაკლებ ტემპერატურაზე.
შეინახეთ ბავშვებისათვის მიუწვდომელ ადგილას!
ვარგისიანობის ვადა:
2 წელი. არ გამოიყენოთ ვარგისიანობის ვადის გასვლის შემდეგ.
გამოშვების ფორმა: (100მგ +100მგ +1მგ +20მგ)/2მლ ი.მ. საინექციო ხსნარი ამპულა N10
გაცემის რეჟიმი: III ჯგუფი (ურეცეპტოდ)
მწარმოებელი კომპანია: Sotex, რუსეთი