ჰიდრადენიტი

ჰიდრადენიტი hydradenitis

ჰიდრადენიტი აპოკრინული ოფლის  ჯირკვლების ჩირქოვანი ანთება.

ჰიდრადენიტი ეტიოლოგია. ჰიპერჰიდროზი, დაოდვილება, შერწყმული ინფექციასთან (სტაფილო – და იშვიათად სტრეპტოკოკები). ჰიდრადენიტი ხშირად ვითარდება იღლიისქვეშა ფოსოებში, იშვიათად შორისის არეში.

ჰიდრადენიტი სიმპტომები, მიმდინარეობა. მცირე ქავილის შემდეგ წარმოიქმნება ტკივილი და კანქვეშა მკვრივი კვანძი დიამეტრით 0,5 – 3 სმ; მოგვიანებით ვლინდება ფლუქტუაცია. ანთებამ შესაძლებელია მოიცვას რამდენიმე ოფლის ჯირკვალი, ან გადავიდეს ერთი ჯირკვლიდან მეორეზე. სხეულის ტემპერატურა მომატებულია, სისხლში აღინიშნება მაღალი ლეიკოციტოზი, ფორმულის მარცხნივ გადახრით; დიაგნოზის დადგენა რთული არ არის.

ჰიდრადენიტი მკურნალობა ინფილტრაციის სტადიაში კონსერვატიულია (სიმშვიდე, ანტიბიოტიკები, ულტრაიისფერი დასხივება, კანისდამუშავება სპირტითა და ანტისეპტიკებით), ფლუქტუაციის დროს ნაჩვენებია ჩირქგროვის გახსნა. ხშირია დაავადების რეციდივები; ასეთ დროს ნაჩვენებია სპეციფიკური იმუნოთერაპია, ზოგადგამაკაჟებელი საშუალებები და ვიტამინოთერაპია.

ქირურგიული დაავადებები 


ლიტერატურა, წყაროები, გაფრთხილება

  • გაფრთხილება
  • დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  • დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

.

Share on Facebook
Facebook
გააზიარე Facebook -ზე ..