მრავალნაყოფიანი ორსულობა

ამ პოსტიდან თქვენ შეგიძლიათ გამოიწეროთ ქალის ჯანმრთელობის მოვლის საშუალებები ,,ამაზონიდან”. იხ. ამავე ფერის ტექსტები

მრავალნაყოფიანი ორსულობაერთდროულად ორი და მეტი ნაყოფის განვითარება; შეადგენს 1%-ს ყველა ორსულობისა. მიზეზები საკმარისად შესწავლილი არ არის. გარკვეული მნიშვნელობა აქვს მემკვიდრეობით წინასწარგანწყობას.

განასხვავებენ ერთ – და ორკვეცხუჯრედიან ტყუპებს. ერთკვერცხუჯრედიანი ტყუპები ყოველთვის ერთსქესიანები არიან და აქვთ ერთნაირი ჯგუფის სისხლში; ორკვერცხუჯრედიან ტყუპები შესაძლებელია იყვნენ როგორც ერთნაირ სქესიანი, ასევე სხვადასხვა სქესისა და ჰქონდეთ როგორც ერთნაირი, ასევე სხვადასხვა ჯგუფის სისხლი.

მრავალნაყოფიანი ორსულობა – სიმპტომები, მიმდინარეობა

ქალები ორსულობის ბოლოს უჩივიან ქოშინს, სიმძიმეს მუცელში, ხშირია გვიანი ტოქსიკოზები. ორსულობის ადრეულ ვადებში დიაგნოსტიკა გაძნელებულია. გვიან ვადებში დიაგნოზს ადგენენ მუცლის დიდი ზომით, პალპაციისას ნაყოფის 3 მსხვილი ნაწილის, ორი გულისცემის მოსმენით, სიხშირით 10 დარტყმა წუთში. დიაგნოზი ზუსტდება ულტრაბგერითი გამოკვლევით, ნაყოფის ეკგ რეგისტრაციითა და მიმოხილვითი რენტგენოგრამით.

ერთი – და ორკვერცხუჯრედიანი ტყუპების დიაგნოსტირებას ახდენენ დაბადებისა და მომყოლის დათვალიერებს შემდეგ.

შესაძლებელია შემდეგი გართულებები: სამშობიარო მოქმედების სისუსტე, ნაადრევი მშობიარობა, სანაყოფე წყლების დაღვრა, მეორე ნაყოფის პლაცენტის ნაადრევი აშრევება, მეორე ნაყოფის გარსის დაგვიანებული გასკდომა, ნაყოფის მდებარეობის ანომალიები ან წინმდებარეობა, ჰიპოტონური სისხლდენა.  გადასვლა > გინეკოლოგია, მეანობა


♥  ქალის ჯანმრთელობის ,,ამაზონის” განყოფილება >>
ოჯახის დაგეგმვის ტესტები
ქალის მოვლის საშუალებები
ვიტამინები პრენატალური (მშობიარობის წინა) პეიოდისათვის

♦ როგორ გამოვიწეროთ ,,ამაზონიდან” >>
♦ Medgeo.net-ის ინტერნეტ-მარკეტი >>


პოსტი წარმოადგენს, ლალი დათეშიძისა და არჩილ შენგელიას სამედიცინო ენციკლოპედიის ნაწილს. საავტორო უფლებები დაცულია.

  • გაფრთხილება
  • წყაროები: 1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით. 2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა.  ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.

.