ამბლიოპია

ამბლიოპია amblyopia

არჩილ შენგელიალალი დათეშიძე

ამბლიოპია მხედველობის ანალიზატორის ფუნქციური დარღვევებით გამოწვეული მხედველობის დაქვეითება. არჩევენ ამბლიოპიის შემდეგ ხარისხებს: დაბალი ხარისხის (სიმახვილე 0,8 – 0,4), საშუალო ხარისხის (0,3 – 0,2), მაღალი ხარისხის (0,1 – 0,05); ძალიან მაღალი ხარისხის (0,04 და ქვემოთ). ეტიოლოგიის ნიშნის მიხედვით არჩევენ ამბლიოპიის რამოდენიმე სახეს: დისბინოკულური, ობსკურაციული, ანიზომეტროპიული, რეფრაქციული, ისტერიული.

ამბლიოპია დისბინოკულარული

მხედველობის დაქვეითება ხილული ანატომიური ან რეფრაქციული საფუძვლის გარეშე. დისბინოკულური ამბლიოპია, როგორც წესი, ერთმხრივია და ვითარდება ბინოკულური მხედველობის დარღვევების შედეგად, ძირითადად მონოლატერალური სიელმის დროს.

ამბლიოპია დისბინოკულარული –  პათოგენეზი

ცენტრალური მხედველობის სიმახვილის დაქვეითება, მხედველობის ფიქსაციის ხშირი დარღვევა. სათვალეები მხედველობას არ აუმჯობესებენ. აღნიშნული დარღვევები თანდათანობით იძენენ სულ უფრო მყარ, რიგ შემთხვევებში შეუქცევად ხასიათს. ობიექტურად რაიმე ცვლილებები გარდამტეხი გარემოს და თვალის ფსკერის არ აღინიშნება.

ამბლიოპია დისბინოკულარულიდიაგნოზი

ეფუძნება მხედველობის სიმახვილის სხვა მიზეზების გამორიცხვას.

ამბლიოპია დისბინოკულარული – მკურნალობა

მუდმივად და ხანგრძლივად (არანაკლებ 4 თვისა) წამყვანი თვალის გამოთიშვა. თვალის ვარჯიშები.

ამბლიოპია დისბინოკულარული –  პროგნოზი

ცენტრალური ფიქსაციის დროს დროული მკურნალობა, როგორც წესი, იწვევს მხედველობის სიმახვილის მომატებას. არაცენტრალური ფიქსაციის დროს ეს ყოველთვის ვერ ხერხდება.

ობსკურაციული ამბლიოპია

ობსკურაციული ამბლიოპია – ეტიოლოგია

 ბროლირქოვანას თანდაყოლილი ან ადრე შეძენილი შემღვრევა.

ობსკურაციული ამბლიოპია – პათოგენეზი

ამბლიოპიაგარკვეულ როლს ასრულებს თვალის ფუნქციური უმოქმედობა და რომელიც დაკავშირებულია მხედველობის ანალიზატორის განვითარების შეფერხებასთან. დამახასიათებელია მხედველობის დაბალი სიმახვილე, მიუხედავად შემღვრევის მოხსნისა და თვალის ფსკერის გამოხატული ანატომიური ცვლილებების არარსებობისა.

ობსკურაციული ამბლიოპია – მკურნალობა, პროფილაქტიკა

კერატოპლასტიკის ოპერაცია ან კატარაქტის ექსტრაქცია ადრეულ ასაკში. მხედველობის გასაუმჯობესებლად – ბადურის გაღიზიანება სინათლით, ვარჯიშები ამბლიოპიური თვალის გასავარჯიშებლად.

ობსკურაციული ამბლიოპია – პროგნოზი

მხედველობის მნიშვნელოვანი გაუმჯობესება მოსალოდნელი არ არის, ვინაიდან მისი დაქვეითება განპირობებულია არა მხოლოდ ფუნქციური, არამედ ანატომიური მიზეზებითაც.

ისტერიული ამბლიოპია

ისტერიული ამბლიოპია – ეტიოლოგია

თავის ტვინის ქერქში მხედველობითი აღქმის დარღვევა.

ისტერიული ამბლიოპია – სიმპტომები, მიმდინარეობა

მხედველობის სიმახვილის უეცარი დაქვეითება, როგორც წესი, ორმხრივი; შესაძლებელია ახლდეს მხედველობის ველის კონცენტრული შევიწროება, სკოტომის, ჰემიანოფსიის წარმოქმნა. მხედველობა დაქვეითებული რჩება რამოდენიმე საათიდან რამოდენიმე თვემდე. ადვილი არ არის სიმულაციისაგან გარჩევა.

ისტერიული ამბლიოპია –  მკურნალობა

ფსიქოთერაპია, სედატიური საშუალებები.

___________________________________________

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com
ფიტოთერაპია: იხილეთ კლინიკური და ემპირიული ფიტოთერაპია
ვის მივმართოთ – იხ. მედიკოსთა პერსონალური გვერდები
თემატურად მომიჯნავე სტატიები
საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com
ლიტერატურა, წყაროები, გაფრთხილება

  1. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  2. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  3. Большая медицинская энциклопедия; Москва, издательство ,,Советская энциклопедия” – 1988

თვალის დაავადებები

..