ქრონიკული პნევმონია

ქრონიკული პნევმონია

არჩილ შენგელიალალი დათეშიძე

ბავშვებში ქრონიკული ანთებითი პროცესების აღსანიშნავად, რომლებიც ყალიბდებიან ფილტვ-ბრონქის სისტემის თანდაყოლილი მანკის, სისტემური და მემკვიდრეობითი დაავადებების შედეგად, მიღებულია ტერმინი ,,მეორადი ქრონიკული პნევმონია”.

ქრონიკული პნევმონია – კლინიკური სურათი

გამოირჩევა პოლიმორფიზმით. ადრეული და სკოლამდელი ასაკის ბავშვებში ქრონიკული პნევმონიის გამწვავებები მიმდინარეობს შედარებით მძიმედ და ხშირად მეორდება. სკოლის ასაკის ბავშვებში გამწვავებების დროს ტემპერატურა რჩება ნორმალური. სუნთქვის უკმარისობის ხარისხი დამოკიდებულია პროცესის გავრცელებაზე. ბავშვების ერთ ნაწილში აღინიშნება გულმკერდის დეფორმაცია და ფიზიკური განვითარების შეფერხება.

ქრონიკული პნევმონია – დიაგნოზი

დიაგნოზის დადგენა ხდება ანამნეზის, ქრონიკული ინფექციის კერების არსებობის, კლინიკური სიმპტომებისა და რენტგენოლოგიური გამოკვლევების მონაცემების საფუძველზე. დიფერენციალური დიაგნოზი ტარდება ბრონქულ ასთმასთან, ქრონიკულ ბრონქიტთან, ტუბერკულოზთან, მუკოვისციდოზთან, ჰემოსიდეროზთან.

ქრონიკული პნევმონია – მკურნალობა

გამწვავების პერიოდში მკურნალობა ტარდება სტაციონარში. აუცილებელია სამკურნალო ფიზკულტურა, ფიზიოპროცედურები, ინფექციის მეორადი კერების სანაცია. პროგნოზი დამოკიდებულია მკურნალობის სისწორეზე, გართულებების არსებობაზე. შემოფარგლული ფორმების დროს იგი კეთილსაიმედოა, გავრცელებული ფორმების დროს პათოლოგიური პროცესი ხშირად პროგრესირებს.

ქრონიკული პნევმონია – პროფილაქტიკა

ითვალისწინებს მწვავე და გახანგრძლივებული პნევმონიების, ქრონიკული ინფექციისკერების დროულად მკურნალობას.

__________________________________________________

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

პედიატრიული დაავადებები