ლაიელის სინდრომი
ლაიელის სინდრომი (Lyell’s syndrome) – ინფექციური ან მედიკამენტოზური ბუნების ტოქსიკურ-ალერგიული დერმატოზი; ხასიათდება კანისა და ლორწოვანი გარსების ზედაპირული შრეების სწრაფი ნეკროზითა და საერთო მძიმე ინტოქსიკაციური მოვლენებით.
ლაიელის სინდრომი – სიმპტომები, მიმდინარეობა. დაავადება იწყება მაღალი ტემპერატურით, მკვეთრი სისუსტით, ზოგჯერ ყელის ტკივილით. ამ ფონზე კანსა და ლორწოვან გარსებზე წარმოიქმნება დიდი ბუშტუკები, რომელთა გახსნის შემდეგ დაზიანება ემსგავსება დამწვრობას. გამონაყრის გაჩენის შემდეგ ავადმყოფის მდგომარეობა მკვეთრად უარესდება. პროცესმა შესაძლებელია მიიღოს გენერალიზებული ხასიათი; თან ახლავს შინაგანი ორგანოების დისტროფიული ცვლილებები (ღვიძლი, თირკმელები, ნაწლავები, გული და სხვ.), ნერვული სისტემის ტოქსიკური დაზიანება.
ლაიელის სინდრომი – დიაგნოზის დადგენა ხდება მსხვილი ბუშტუკებისა და ნიკოლსკის სიმპტომის არსებობისას და სხვ. პროგნოზი სერიოზულია; ადრეული დიაგნოსტიკა და კორტიკოსტეროიდებით ადრეული თერაპია აუმჯობესებს პროგოზს.
კანისა და ვენერიული დაავადებები
ლიტერატურა, წყაროები, გაფრთხილება
- გაფრთხილება
- დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
- დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით.
.