პორტული ჰიპერტენზია

პორტული ჰიპერტენზია

არჩილ შენგელიალალი დათეშიძე

პორტული ჰიპერტენზია (portal hypertension) პათოლოგიური მდგომარეობა, რომელიც გამოწვეულია კარის ვენაში წნევის მომატებით, რაც თავის მხრივ უკავშირდება კარის ვენის სისტემის ანატომიურ ან ფუნქციურ ობსტრუქციას.

პორტული ჰიპერტენზია – ეტიოლოგია, პათოგენეზი. ბლოკირება შეიძლება იყოს ღვიძლშიგა (ღვიძლის ციროზის შედეგად) და ღვიძლგარეთა (ელენთის ვენის თრომბოფლებიტი ბავშვებში, რომლებმაც ახალშობილობის პერიოდში გადაიტანეს ჭიპისმიერი სეფსისი; კარის ვენის თანდაყოლილი პათოლოგია). ბავშვებში ღვიძლგარეთა ბლოკირება საკმაოდ იშვიათია.

პორტული ჰიპერტენზია – კლინიკური სურათი. მასიური სისხლდენები საყლაპავიდან, კუჭიდან და ნაწლავებიდან, ღვიძლის უკმარისობა, მზარდი ასციტი, ტკივილი მუცელში, ჰეპატოსპლენომეგალია, ღებინება, ტემპერატურის მომატება, თავის ტკივილი, მადის დაქვეითება, ძილის დარღვევა, სიგამხდრე, სიყვითლე, ვენური ქსელის გაფართოება გულმკერდისა და მუცლის კანზე, ზოგჯერ ,,მედუზის თავის” სახით. დაავადების მიმდინარეობა ხშირად ლატენტურია.

პორტული ჰიპერტენზია – დიაგნოზი. დიაგნოზის დასაზუსტებლად გამოიყენება სპლენოპორტოგრაფია, საყლაპავის კონტრასტული გამოკვლევა, ეზოფაგოსკოპია, ღვიძლში პროცესის აქტიურობის განსაზღვრა, მათ შორის ბიოფსიით. დიფერენციალური დიაგნოზი ტარდება მიზეზის დასაზუსტებლად, რომელმაც გამოიწვია ჰიპერტენზია.

პორტული ჰიპერტენზია – მკურნალობა თავდაპირველად კონსერვატულია: დიეტა, ნაღვლმდენი, სპაზმოლიტური საშუალებები, ლიპოტროპული ნივთიერებები, ვიტამინები; დეზინტოქსიკაციური თერაპია – ვენაში ჰემოდეზი და სხვ.  პორტული ჰიპერტენზიის სიმპტომების ზრდის, ჰიპერსპლენიზმის, ასევე განმეორებითი მძიმე კუჭ-ნაწლავური სისხლდენების დროს ნაჩვენებია ოპერაციული ჩარევა. პროგნოზი დამოკიდებულია ჰიპერტენზიის მიზეზზე, ღვიძლის ციროზის დროს ხშირად არაკეთილსაიმედოა. პროფილაქტიკა ითვალისწინებს ინფიცირების თავიდან აცილებას მშობიარობისა და ადრეულ ნეონატალურ პერიოდში, ასევე ღვიძლისდაავადებების დროულ მკურნალობას.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

პედიატრიული დაავადებები