ბავშვი 1 წლისა და 3 თვის ასაკში

ბავშვი 1 წლისა და 3 თვის ასაკში

ფიზიკური განვითარება

როგორც გახსოვთ, თქვენი პატარას წონა 12 თვის ასაკში გასამმაგდა; ამიერიდან კი უნდა შეეგუოთ იმას, რომ ზრდის ტემპი, ფიზიკური გაგებით, მნიშვნელოვნად შენელდება. სიცოცხლის მეორე წელს ბავშვის წონაში 3-5 კგ-ს, სიმაღლეში კი 1,5-2 სმ-მდე მატულობს.

ბავშვის სოციალური განვითარება

ბავშვებს განსაკუთრებით უყვართ თამაში და სწორედ თამაშის დროს იძენენ გამოცდილებას და ეუფლებიან ახალ ჩვევებს. თუმცა ამ ასაკში ბავშვებმა ჯერ კიდევ არ იციან ერთად თამაში. მათი ურთიერთობა წააგავს პარალელურ თამაშს, ანუ ისინი თამაშობენ გვერდი-გვერდ და არ ურთიერთობენ ერთმანეთთან.  არც იმის თქმა შეიძლება, თითქოს ამ ასაკის ბავშვს არ აინტერსებდეს თავისი თანატოლი, უბრალოდ მათ ჯერ კიდევ არ იციან ერთობლივი თამაში.

ინტელექტუალური განვითარება

წაუკითხეთ წიგნები ბავშვებს, არასოდეს არაა ადრე ამის დაწყება. ჩვეულებრივი სურათებიანი წიგნი დააინტერესებს პატარას. უკითხეთ თქვენს პატარას  ძილის წინ, სადილამდე და საერთოდ, ნებისმიერ დროს, როცა თქვენ საამისოდ მოიცლით. გარდა ამისა, ეს გარკვეულ სტიმულს აძლევს ბავშვის ცნობისმოყვარეობას, მის წარმოსახვასა და სიყვარულს საკუთარი ენისადმი. 15 თვის ბავშვის აქტიური სიტყვების მარაგი დაახლოებით 10 -ია, ხოლო სიტყვების რაოდენობა, რომელთა მნიშვნელობა ჯერ კიდევ არ იცის, გაცილებით მეტია.  მას შეუძლია შეასრულოს მარტივი თხოვნები, როგორიცაა ,,მომიტანე წიგნი“ ან ,,მოდი დედასთან“. ყველაზე მნიშვნელოვანია ის, რომ ბავშვი კვირაში დაახლოებით 2-3 ახალ სიტყვას სწავლობს და სისტემატური კითხვა მნიშვნელოვნად უწყობს ხელს ამ პროცესს.

________________________________________

გადასვლა >>>  ,,ბავშვი”

..