მენოპაუზა

მენოპაუზა (ბერძ. men—თვე+pausis — შეწყვეტა, შესვენება) – კლიმაქტერული პერიოდის ფაზაა, რომელიც იწყება  ბოლო მენსტრუაციის შემდეგ და განპირობებულია სასქესო ორაგანოების პროგრესირებადი ინვოლუციითა და სასქესო ჰორმონების სეკრეციის შემცირებით; ეს არის  გადასვლა აქტიური სქესობრივი ფუნქციიდან სიბერეში.  ქალების მესამედში მენსტრუაცია წყდება უეცრად, უფრო იშვიათად ადგილი აქვს არარეგულარულ, უხვ და ხანგრძლივ მენსტრუაციის მსგავს სისხლდენებს. ამის გამო, მენოპაუზის დადგომის დრო შესაძლებელია დადგინდეს მენსტრუაციის შეწყვეტიდან მინიმუმ ერთი წლის შემდეგ. მენოპაუზა საშუალოდ 50 წლის ასაკში დგება.

მენოპაუზის ნაადრევი დადგომა (40 – 45 წლის ასაკში) აღინიშნება ისეთ ქალებში, რომლებსაც მოუწიათ მუშაობა და ცხოვრება არახელსაყრელ პირობეში, რომლებმაც გადაიტანეს ხშირი მშობიარობები და აბორტები, მასიური სისხლდენები მშობიარობის დროს და ქრონიკული ინფექციური დაავადებები.

გვიანი  მენოპაუზა (55 წლის შემდეგ) აღინიშნება საშვილოსნოს ფიბრომიომისა და ჰიპერტონული დაავადებების  დროს. გარდამავალი ასაკის ქალებში მენსტრუაციის უეცარ შეწყვეტას შესაძლოა ხელი შეუწყოს მძიმე ფსიქიკურმა ტრავმებმა და ხანგრძლივმა ემოციურმა დაძაბულობამ.

მენოპაუზის დროს  ორაგანიზმი ეგუება ასაკობრივ ცვლილებებს, შესაძლოა შეიცვალოს ნივთიერებათა ცვლა.  ამ პერიოდში რეკომენდებულია პირადი და სასქესო ორგანოების ჰიგიენის განსაკუთრებული დაცვა, შრომისა და დასვენების სწორი რეჟიმი, ვარჯიში,  რაციონალური კვება.

მენსტრუაციის შეწყვეტისას ლიბიდო არ ქრება და შესაძლოა გაძლიერდეს კიდეც, რაც არ უნდა იყოს აღქმული პათოლოგიურ მდგომარეობად.  თუკი მენოპაუზის ხანაში, სქესობრივი კონტაქტისას, გამოვლინდა ტკივილი ან სისხლიანი გამონადენი,  აუცილებლად უნდა მიმართოთ გინეკოლოგს კონსულტაციისათვის.

გინეკოლოგიური დაავადებები


.

Share on Facebook
Facebook
გააზიარე Facebook -ზე ..