ბორჯომი

ბორჯომის სასტუმროებს, დასასვენებელ სახლებს, საოჯახო სასტუმროებს  და საკურორტო ინფრასტრუქტურის სხვა ელემენტებს შეუძლიათ თავიანთ შესახებ ინფორმაცია განათავსონ ამ გვერდის ბოლოში, კომენტარების ველში.

ბორჯომი – ადმინისტრაციული მდებარეობა – ქალაქი, რაიონული ცენტრი. გეოგრაფიული მდებარეობა – მესხეთისა და თრიალეთის ქედების (მცირე კავკასიონი) ფერდობებს შორის, მდინარე მტკვრისა და მისი შენაკადების ბორჯომულასა და გუჯარეთის წყლის ხეობაში. სიმაღლე ზღვის დონიდან – 800-1000 მ. რელიეფი – მთაგორიანი.
ბორჯომი – კლიმატი – სუბტროპიკული ზონის დაბალმთიანი ტყის ზონა. ზამთარი ზომიერად ცივი, მცირეთოვლიანი. მდგრადი თოვლის საფარი აღინიშნება დეკემბრის ბოლოდან მარტის პირველ დეკადამდე. იანვრის საშუალო ტემპერატურაა – 2,10C. ზაფხული თბილი. აგვისტოს საშუალო ტემპერატურაა 20,10C. ნალექების წლიური რაოდენობა – 653 მმ. ჰაერის საშუალო წლიური ფარდობითი ტენიანობა – 77%. მზის ნათების ხანგრძლივობა წელიწადში – 1800-1900 საათი
ბორჯომი – ფლორა – წიწვოვანი (ნაძვი, ფიჭვი, სოჭი) და ფოთლოვანი (მუხა, წიფელა, რცხილა, არყის ხე და სხვ.) ტყეები.
ბორჯომის ბუნებრივი სამკურნალო ფაქტორები: დაბალი მთის ჰავა; ნახშირმჟავა, ჰიდროკარბონატული, ნატრიუმიანი მინერალური წყლები, საერთო მინერალიზაციით 5,0-7,5 გ/დმ3 და ნახშირმჟავა, ჰიდროკარბონატული, ნატრიუმიანი, ბორიანი (და კაჟმჟავა-ბორიანი) მინერალური წყლები, საერთო მინერალიზაციით 5,6-6,4 გ/დმ3
მკურნალობის სახეობები ბორჯომში: პასიური კლიმატოთერაპია, მინერალური წყლის მიღება (დალევა), მინერალური წყლის აბაზანები, გამორეცხვები და ინჰალაციები.  ….. >> საქართველოს კურორტები

Share on Facebook
Facebook
გააზიარე Facebook -ზე ..