გონორეული ენდომეტრიტი

გონორეული ენდომეტრიტი

არჩილ შენგელიალალი დათეშიძე

საშვილოსნოს ყელიდან საშვილოსნოს ღრუში მოხვედრილი გონოკოკები  ვრცელდებიან, აღწევენ  უჯრედთაშორის სივრცეებსა  და ლორწქვეშა გარსს და იწვევენ  მწვავე ენდომეტრიტს.

გონორეული ენდომეტრიტის სიმპტომები. ქალთა ნაწილი უჩივის მუცლის ქვედა ნაწილში ტკივილს, მენსტრუაციის რეგულარობის დარღვევას, აღნიშნავს მის გახანგრძლივებას, ტკივილებს. სხვები უჩივიან თავის ტკივილს, საერთო სისუსტეს,  სხეულის ტემპერატურის მომატებას 38-39 გრადუსამდე და მეტი. მწვავე ენდომეტრიტისთვის დამახასიათებელია გამონადენის მომატება,  რომელიც შეიძლება იყოს  ჩირქოვანი, ლორწოვან-ჩირქოვანი ან ლორწოვანი. გამონადენის ხასიათი დამოკიდებულია ანთებითი პროცესის ინტენსივობაზე,  ასევე საშვილოსნოს ყელიდან და საშოდან გამოყოფილ ნარევებზე. საშვილოსნოს პალპაციისას აღინიშნება მისი სირბილე და მტკივნეულობა. >>>>

ქრონიკული ენდომეტრიტის გამოვლინებები ღარიბია. აღინიშნება  წვა გარე სასქესო ორგანოების მიდამოებში, მუცლის ქვემოთ უმნიშვნელო ტკივილები, რომელიც ვრცელდება გავის ძვალში;  დეფეკაციისას ტკივილი ძლიერდება. ყველა ეს მოვლენა მატულობს  ფიზიკური დატვირთვისას.

ქრონიკულ ენდომეტრიტს ყოველთვის თან სდევს გამონადენი, მაგრამ უმნიშვნელო.  ქრონიკული ენდომეტრიტის დროს მენსტრუაციები უფრო გაძლიერებულია, ვიდრე დაავადებამდე (მენორაგეა).

საშვილოსნოს კუნთების სიღრმეში გავრცელებისას გონორეულმა  ინფექციამ შეიძლება გამოიწვიოს საშვილოსნოს ლორწოვანი და კუნთოვანი გარსების საკმაოდ მძიმე დაავადება – გონორეული მეტროენდომეტრიტი. ეს დაავადება კლინიკურად ვლინდება ისევე, როგორც ენდომეტრიტი. მის წარმოქმნას ხელს უწყობს  ორგანიზმის დამცველობითი ფუნქციის დაქვეითებას ინფექციასთან ბრძოლისას, ასევე გონოკოკის მაღალი დაავადების გამომწვევი თვისებები.

 გინეკოლოგიური დაავადებები

ფარმაკოთერაპია და პრეპარატები 
ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია
იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა ამ გვერდზე
მასალა წარმოადგენს “ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

გაფრთხილება