საშვილოსნოს რეტროფლექსია

საშვილოსნოს რეტროფლექსია

   არჩილ შენგელიალალი დათეშიძე

საშვილოსნოს რეტროფლექსია – საშვილოსნოს პათოლოგიური მოხრა უკან. ამ დროს ყელსა და სხეულს შორის წარმოიქმნება კუთხე, რომელიც გაშლილია უკანა მიმართულებით. რეტროფლექსია შეიძლება იყოს მოძრავი ან ფიქსირებული. მოძრავი რეტროფლექსია ხშირად არის ქალის ორგანიზმში ანატომიურ-ფიზიოლოგიური დარღვევის შედეგი, კერძოდ საშვილოსნოს ტონუსისა და მისი კავშირების დაქვეითება სასქესო ორგანოების განუვითარებლობისას. ასთენიური აღნაგობა, დაავადებები, რომლის დროსაც აღინიშნება ხანგრძლივი წოლითი რეჟიმი, სხეულის მასის მკვეთრმა დაქვეითებამ შეიძლება გამოიწვიოს მოძრავი რეტროფლექსია, ასევე გართულებული მშობიარობისას მშობიარობის შემდგომი პერიოდის არასწორი მიმდინარეობა. ძირითადად პათოლოგიის ეს სახეობა არაფრით არ გამოვლინდება და მხოლოდ გინეკოლოგიური გამოკვლევისას არის შესაძლებელი მისი დადგენა. ჩივილის არ არსებობისას მკურნალობა არ ტარდება. რეკომენდებულია ვიტამინოთერაპია, ფიზკულტურა და სხვა. 

საშვილოსნოს ფიქსირებული რეტროფლექსია ვითარდება ენდომეტრიოზის, მცირე მენჯის ღრუში ანთებითი და სიმსივნური პროცესების შედეგად. გამოვლინდება მტკივნეული (შრომისუნარიანობის დაქვეითებამდეც) და უხვი მენსტრუაციებით, გავაში ტკივილებით, მუცლის ქვედა ნაწილში ტკივილებით, გამონადენებით, შარდვის დარღვევებით, შეკრულობით. შესაძლებელია სქესობრივი აქტის დროს ტკივილების შეგრძნება.

საშვილოსნოს რეტროფლექსია – მკურნალობა მიმართულია დაავადების ძირითადი მიზეზის აღსაკვეთად:  ანთებითი პროცესების, ენდომეტრიოზის, ოპერაციული მკურნალობის მომთხოვნი დაავადებების არსებობისას (კერძოდ: მცირე მენჯში სიმსივნური პროცესებისას) ტარდება ქირურგიული კორექცია. როგორც ჰიპერანტეფლექსიის დროს კარგ შედეგს იძლევა სპეციალიზირებული სანატორიულ-კურორტული მკურნალობა, ფიზიოთერაპია, სამკურნალო მასაჟი და გიმნასტიკა.

….

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

გინეკოლოგიური დაავადებები