ლალი დათეშიძე,
არჩილ შენგელია.
სამედიცინო ენციკლოპედიური განმარტებითი ლექსიკონი
ვისკოტ – ოლდრიჩის სინდრომი – მემკვიდრეობითი დაავადება. შეპირობებულია თრომბოციტების წარმოშობის დარღვევითა და სისხლში იმუნოგლობულინების შემადგენლობის დაქვეითებით. ახასიათებს: სისხლდენა, თრომბოციტოპენია, პნევმონიების წარმოშობისადმი მიდრეკილება, ჩირქოვანი ოტიტი, მრავლობითი აბსცესები და სხვა ჩირქოვანი პროცესები. მემკვიდრეობის ტიპი – რეცესიული, სქესთან შეჭიდული. სინონიმებია: ოლდრიჩის სინდრომი, ოლდრიჩ – სტაინბერგ – კემპბელის სინდრომი. [“3”] 2. (A. Wiskott, გერმ. პედიატრი; სინ.: ოლდრიჩის სინდრომი, ოლდრიჩის დაავადება) მემკვიდრეობითი დაავადება, დისგამაგლობულინემიის სახესხვაობა, რომელიც ხასიათდება ჰემორაგიული სინდრომით, ეგზემით და ინფექციებისადმი მიდრეკილებით. დამახასიათებელია კლინიკური ტრიადა: მორეციდივე თრომბოციტოპენიური პურპურა – პეტექიები, ექკიმოზები, მელენა, სისხლდენა ლორწოვანი გარსებიდან, ქრონიკული ეგზემა, უპირატესად სახესა და კიდურებზე, განმეორებითი ინფექციური დაავადებები; ხშირად ჰემორაგიული სინდრომი ხდება წამყვანი; ბავშვები ჩამორჩებიან ფიზიკურ განვითარებაში, პროგრესირებს დისტროფული პროცესები, კახექსია.
ბმულები: 1.საავტორო ფარმაცევტული სკოლა
2.სამედიცინო ლიტერატურა 3.საპატრიარქოს ქართული უნივერსიტეტი
4.დიეტები 5.ორსულობა და მშობიარობა