ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი

ლედერერ – ბრილის დაავადება – (M. Lederer, ამერ. პათოლოგი; N. E. Brill, ამერ. ექიმი; სინ.: ლედერერ – ბრილის მწვავე ჰემოლიზური ანემია) ჰემოლიზური ანემიის სახესხვაობა. ძირითადი ეტიოლოგიური მნიშვნელობა ენიჭება ავტოიმუნურ პროცესს. დაავადება იწყება ტემპერატურის მომატებით 39 – 400 – მდე, რომელიც ნარჩუნდება 2 – 3 დღე; დამახასიათებელია ზოგადი სისუსტე, ტკივილები ზურგსა და მუცელში, თავის ტკივილი, ღებინება, გონება დაბინდულია, შესაძლოა აღინიშნებოდეს მენინგეალური მოვლენები და დამბლები; კანი ფერმკრთალია, მოყვითალო ჰემორაგიებით. აღინიშნება ტაქიკარდია, გულის საზღვრების გაფართოება, ტონები მოყრუებულია, მოისმინება სისტოლური შუილი. ღვიძლი და ელენთა გადიდებულია; სისხლში გამოხატულია ნორმო –  ან ჰიპერქრომული ანემია, ერითროციტების რაოდენობა დაქვეითებულია. მძიმე მდგომარეობა გრძელდება რამდენიმე დღის განმავლობაში და სწორი მკურნალობით თანდათანობით უმჯობესდება.

გაფრთხილება!

ბმულები: 1.საავტორო ფარმაცევტული სკოლა 2.სამედიცინო ლიტერატურა 3.საპატრიარქოს ქართული უნივერსიტეტი 4.დიეტები 5.ორსულობა და მშობიარობა