ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
მოციმციმე წამწამები – უჯრედების სპეციალური ორგანოიდები, რომლებიც ციტოპლაზმის დიფერენცირებული წანაზარდებია და რომლებსაც ტალღისებურად შეკუმშვის უნარი აქვთ. მათი სიგრძე 5 – 10 მკ – ს არ აღემატება. მრავალუჯრედოვან ორგანიზმებში ერთი უჯრედის ზედაპირზე წამწამების საშუალო რიცხვი 300 – მდეა და უმარტივესებში შეიძლება რამდენიმე ათასამდე მიაღწიოს. წამწამები შეიცავს 200 Ao – მდე სისქის სიგრძივად ორიენტირებული ფიბრილური ძაფების კომპლექსს. მათი რიცხვი თითოეულ წამწამში, როგორც წესი, 11 – ია. აქედან ორი ერთმაგი ფიბრილა ცენტრშია, ცხრა კი – პერიფერიაზე. ფიბრილების ტიპიური ნაკრებიდან (9 პლუს 2) გადახრა ძლიერ იშვიათია. ფიბრილები მილაკისებრი აგებულებისაა. უკანასკნელ წლებში ცენტრალური ფიბრილების გარშემო აღმოაჩინეს ძაფისებრი სპირალები, პერიფერიულ ფიბრილებს შორის კი – 2 – 3 სავარცხლისფერი წანაზარდი, რომელთაც სახელურები უწოდეს. ვარაუდობენ, რომ ცენტრალური ფიბრილები ატარებს იმპულსს წამწამების ფუძეზე მდებარე ბაზალური სხეეულაკიდან, პერიფერიული ფიბრილები კი განაპირობებს წამწამების შეკუმშვას. (ც. გაჩეჩილაძე, ნ. ჩიკვილაძე. ჰისტოლოგიის, ციტოლოგიის და ემბრიოლოგიის ტერმინთა განმარტებითი ლექსიკონი.”თბ.,”ცოდნა”.2000 წ.)
ბმულები: 1.საავტორო ფარმაცევტული სკოლა 2.სამედიცინო ლიტერატურა 3.საპატრიარქოს ქართული უნივერსიტეტი 4.დიეტები 5.ორსულობა და მშობიარობა