თურმანიძის მალამო – 30გ  ანტისეპტიკური (მულტი-ფუნქციური)

პრეპარატი წარმოადგენს მოყვითალო ან ღია ყავისფერ, სპეციფიკური სუნის მქონე მალამოს.

ფარმაკოლოგიური მოქმედება:

პრეპარატს ახასიათებს ანთების საწინააღმდეგო, ადგილობრივი ტკივილგამაყუჩებელი და ანტისეპტიკური მოქმედება. მალამო აცილებს ნეკროზულ ქსოვილებს, ასუფთავებს ჭრილობას ნადებისაგან, ხელს უწყობს ეპითელური ქსოვილის რეგენერაციას და გრანულაციური ქსოვილის განვითარებას, აჩქარებს შეხორცებით პროცესს.

ჩვენებები: პრეპარატი გამოიყენება კომპლექსურ თერაპიაში  რბილი ქსოვილების ჩირქოვანი ანთებითი პროცესების –

• კარბუნკული, ფურუნკული
• პოსტინექციური აბსცესი
• პანარიციუმი
• ჰიდრადენიტი
• ლიმფადენიტი
• ფოლიკულიტი
• პოსტოპერაციული გართულებული ჭრილობები (კანის დიდი ზომის დეფექტი), სუფთა ჭრილობების, პოსტტრავმული ღია  ჭრილობების, ბანალური ოსტეომიელიტის
• ქვემო კიდურების ჩირქოვან-ანთებითი პროცესები:  ტროფიკული წყლული, დიაბეტური ტერფი;
• ნაწოლები, სხვადასხვა ონკოლოგიური ჭრილობები
• მწერების (კოღოს) ნაკბენის, ჩირქოვანი  აკნე და აკნეს შემდგომი მკურნალობის  დროს.

გინეკოლოგიაში:  საშვილოსნოს ყელის ეროზია, კოლპიტი.

მეანობაში: კერტების ნახეთქები ძუძუთი კვების დროს,  შორისზე ჭრილობები.

სტომატოლოგიაში: პირის ღრუს ლორწოვანი გარსის ინფექციურ-ანთებადი დაავადებები, ყბა-სახის ქირურგიაში და იმპლანტოლოგიაში ქსოვილთა რეგენერაციისათვის, პროტეზებით გამოწვეული ღრძილების გაღიზიანება.

გამოყენების წესი და დოზირება:

ჭრილობის ანტისეპტიკური დამუშავების შემდეგ, პრეპარატით/მალამოთი გაჟღენთილ მიტკალს (სასურველია) ან სამფენოვან დოლბანდს დავაფარებთ ჭრილობის ზედაპირზე. ღრმა ჭრილობებში მალამო გამოიყენება ტამპონის სახით. ნახვევის გამოცვლა რეკომენდებულია  24 სთ-ში ერთხელ. მსუბუქ შემთხვევებში მალამოს შეიზილეთ/წაისვით პირდაპირ კანის ზედაპირზე.

შემადგენლობა: მზესუმზირის ზეთი, ზეითუნის ზეთი,  კალენდულა/გულყვითელა, ნაძვის ფისი (ტერპენტინი),  ფიჭვის მტვერი,  ფუტკრის ცვილი.

სტომატოლოგია: მალამო დაიტანება თხელი ფენით  დაზიანებულ ადგილებზე

გინეკოლოგიაში: პრეპარატი გამოიყენება ვაგინალური ტამპონების სახით

უკუჩვენება: არ აღინიშნება. (იხილეთ განსაკუთრებული მითითება).

გვერდითი მოვლენები:  არ გამოვლენილა

განსაკუთრებული მითითება: პრეპარატის გამოყენება უსაფრთხოა ორსულობის, ლაქტაციის პერიოდში და ბავშვებში.  არ გამოიყენოთ თუ გაქვთ ალერგია  ზემოთ ჩამოთვლილ, რომელიმე ინგრედიენტზე.

სხვა წამლებთან ურთიერთქმედება: სხვა წამლებთან შეუთავსებლობა არ არის გამოვლენილი.

გამოშვების ფორმა: 30 გ.  ალუმინის ტუბში

ვარგისიანობის ვადა: 3 წელი

შენახვის ფორმა: ნახება მშრალ, სინათლისაგან დაცულ და ბავშვებისათვის მიუწვდომელ ადგილას, არაუმეტეს 25°C ტემპერატურაზე. ტუბის გახსნის შემდეგ გამოიყენება  12 თვე.

გაცემის რეჟიმი: პარასამკურნალო საშუალება,  გაიცემა რეცეპტის გარეშე.

პრეპარატი (მალამო) წარმოადგენს პარასამკურნალო საშუალებას.

---

---

• მალამო ბუასილისათვის
• მალამო ბავშვებისათვის
• მალამო დამწვრობისათვის
• მალამო ნაწოლებისათვის
• ანტისეპტიკური მალამო
• თურმანიძის მალამოები
• შეკითხვების გაგზავნა ფირმისათვის “თურმანიძე”

……………