ალერგიული რინიტი

ალერგიული რინიტი

ალერგიული რინიტი, ალერგიული რინიტის ფორმები: სეზონური ალერგიული რინიტი, წლიური ალერგიული რინიტი, ალერგიული რინიტის კლინიკური სურათი, ალერგიული რინიტის მკურნალობა >>>

ალერგიული რინიტი – ცხვირის ლორწოვანი გარსის ანთებითი დაავადებაა, რომლისთვისაც დამახასიათებელია ცხვირის “გაჭედვა“, რინორეა, ცემინება, ქავილი.

ალერგიული რინიტის ფორმები:

  • სეზონური ალერგიული რინიტი, რომლის კლინიკური გამოვლინება ვითარდება ყვავილობის პერიოდში;
  • წლიური ალერგიული რინიტი, მუდმივი ან ინტერმისიული  სიმპტომებით მთელი წლის განმავლობაში.

ითვლება, რომ ალერგიული რინიტით იტანჯება მთელი მოსახლების 15-20%, წარმოადგენს სასუნთქი გზების  ყველაზე გავრცელებულ ქრონიკულ დაავადებას. ალერგიული რინიტის სიმპტომები ხშირად ვითარდება 20 წლის ასაკში, ხშირია ახლო ნათესავებშიც დამძიმებული ალერგიული ანამნეზი. ალერგიულ რინიტს საფუძვლად უდევს IgE-დამოკიდებული დაუყოვნებელი ტიპის ჰიპერმგრძნობელობის რეაქცია. სეზონური ალერგიული რინიტის გამომწვევ აეროალერგენებს ხშირად წარმოადგენს ამბროზიის მტვერი, ხეები (ადრეულ გაზაფხულზე), მცენარეები (გვიან გაზაფხულზე და ზაფხულში), სოკოები (ადრეული გაზაფხულიდან ზამთრის დასაწყისამდე). წლიური ალერგიული რინიტის გამომწვევად გვევლინება ოთახის მტვერი, შინაური ცხოველების ანტიგენები, ობის სოკო, თამბაქოს კვამლი, პარფიუმერული ნაწარმი, სარეცხ საშუალებებში შემავალი ფერმენტები.

ალერგიული რინიტის კლინიკური სურათი

ალერგიული რინიტის კლინიკური სურათისათვის დამახასიათებელია დილაობით ცხვირცემინების შეტევები, ცხვირის, სასისა და ხახის  ქავილი, ცხვირის გაჭედვა,  წყლისებრი გამონადენი, ცხვირით სუნთვის გაძნელება, ცრემლდენა.

ალერგიული რინიტის მკურნალობა

ალერგიული რინიტის მკურნალობა კომპლექსურია, მოიცავს ალერგენის ელიმინაციას, ანტიჰიტამინური პრეპარატების მიღებას, იმუნოთერაპიას (ჰიპოსენსიბილიზაციას), იშვიათად – კორტიკოსტეროიდების გამოყენებას.

ფარმაკოთერაპია და პრეპარატები: ფარმაცევტული ფირმების წარმომადგენლებს შეუძლიათ ინფორმაცია მოგვაწოდონ ელფოსტაზე mpifarm@gmail.com

ფიტოთერაპია: იხილეთ კლინიკური და ემპირიული ფიტოთერაპია

ვის მივმართოთ – იხ. მედიკოსთა პერსონალური გვერდები

თემატურად მომიჯნავე სტატიები

საავტორო უფლებები და რეკლამა პოსტ-სტატიაზე: მასალა წარმოადგენს “არჩილ შენგელიას და ლალი დათეშიძის სამედიცინო ენციკლოპედიის” ნაწილს. საავტორო უფლებები დაცულია. სტატიის გამოყენებისათვის, აგრეთვე მასზე ბანერის განსათავსებლად მიმართეთ mpifarm@gmail.com

ლიტერატურა, წყაროები, გაფრთხილება

  1. გაფრთხილება
  2. დათეშიძე ლალი, შენგელია არჩილ, შენგელია ვასილ. “ქართული სამედიცინო ენციკლოპედია”. თბილისი, 2005. “ტექინფორმის” დეპონენტი N: 1247. თეიმურაზ ჩიგოგიძის რედაქციით.
  3. დათეშიძე ლალი, შენგელია არჩილ, შენგელია ვასილ; “ქართული სამედიცინო ენციკლოპედია”. მეორე დეპო-გამოცემა. ჟურნალი “ექსპერიმენტული და კლინიკური მედიცინა”. N: 28. 2006. დეპონენტი პროფესორ თეიმურაზ ჩიგოგიძის საერთო რედაქციით. სარედაქციო კოლეგია: ჭუმბურიძე ვახტანგ, კორძაია დიმიტრი, მალაზონია მარინა, ვაჭარაძე კახა, ტყეშელაშვილი ბესარიონ.
  4. Большая медицинская энциклопедия; Москва, издательство ,,Советская энциклопедия” – 1988

ალერგოლოგია და იმუნოლოგია

Share this...Share on Facebook
Facebook