მხედველობის დარღვევების მიზეზები ბავშვებში

ბავშვებში მხედველობის დარღვევის მიზეზები სხვადასხვაგვარია, შესაძლოა მიზეზი გარკვეული გენეტიკური პათოლოგია იყოს, ასევე პრობლემა აღმოცენდეს მუცლადყოფნის პერიოდში ან  უკვე დაბადების შემდეგ, მაგალითად სხეულის მცირე მასის დროს ხშირად აღინიშნება რეტინიტი, ან დღენაკლულთა რეტინოპათია (ბადურის დაავადება), რაც მცირეა მასა, მით მეტია მისი გამოვლინების  ალბათობა. აღნიშნული განპირობებულია ბადურის სისხლძარღვების განუვითარებლობით. 90%-ში ეს სიტუაცია თავისთავად გაივლის, თუმცა შესაძლოა 10%-ში სერიოზული გართულებები გამოიწვიოს.

მხედველობის დარღვევა შესაძლოა გამოიწვიოს მუცლადყოფნის პერიოდში მავნე ზეგავლენამ და გენეტიკურმა პათოლოგიამ:

 – ორსულობის პერიოდში დედის ნივთიერებათა ცვლის დარღვევა ან სხვა მავნე ზემოქმედება;

 – – A ავიტამინოზი – სიბრმავე
 – – ლითიუმის ქლორიდის ზემოქმედება – ციკლოპია, ანოფთალმია და ნატრიუმის თიოციანატი – ჰიდროფთალმი;
 – – ჰიპოქსია – კატარაქტა, მხედველობის ორგანოს განუვითარებლობა;
 – – ორსულთა რენტგენოგრაფია – მიკროფთალმი, კატარაქტა, სიბრმავე;
 – – ინფექციური დაავადებები (გრიპი, ტოქსოპლაზმოზი და სხვა), შაქრიანი დიაბეტის სამკურნალო მედიკამენტები –  მხედველობის ნერვის აპლაზია, სიბრმავე, კატარაქტა;
 – – ასთმის სამკურნალო კორტიკოსტეროიდები – კატარაქტა.

– მხედველობის გენეტიკური დეფექტები – თვალის ზომების შემცირება, კატარაქტა.
– ზოგ შემთხვევაში მხედველობის დარღვევები თანდაყოლილი ტვინოვანი სიმსივნეებითა განპირობებული, თუმცა ასეთი დარღვევები მალევე არ ვლინდება

მხედველობის დარღვევის შეძენილი მიზეზები:

 – მხედველობის ორგანოს ტრავმული დაზიანებები: ქალასშიდა და თვალშიდა სისხლჩაქცევები, თავის ტრავმები მშობიარობის დროს და ადრეულ ასაკში. ხანგრძლივი და გაძნელებული მშობიარობა, განსაკუთრებით სამშობიარო მაშების გამოყენების საჭიროება, რამაც შესაძლოა გამოიწვიოს თვალის მექანიკური დაზიანება;
– თვალშიდა წნევის მომატება;
– ბავშვის სომატური ჯანმრთელობის დასუსტება.

მხედველობის დარღვევის შესაძლო მიზეზებია ასევე:

 – მხედველობის ორგანოს გადამეტებული დაძაბვა;
– არასწორი ჯდომითი პოზიცია, რაც იწვევეს თავის არასწორ მდებარეობას და თავის ტვინის სისხლმომარაგების დაქვეითებას;
– ტელევიზორის ხანგრძლივი ყურება და კომპიუტერთან დიდი დროის გატარება;
– არასწორ პოზიციაში ან არასწორი განათების ფონზე კითხვა.

უნდა გამოვყოთ პათოლოგიები, რომლებიც შესაძლოა იყოს როგორც თანდაყოლილი, ასევე შეძენილი, როგორიცაა მხედველობის ნერვის ატროფია, კატარაქტა.

არჩილ შენგელია, ლალი დათეშიძე

_______________________________________

გადასვლა>>> ,,ბავშვი”; გადასვლა >>> “ოფთალმოლოგია”