ასციტი

ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი

ასციტი – მუცლის წყალმანკი. მუცლის ღრუში სითხის (ტრანსუდატის) დაგროვება, რაც განპირობებულია შემდეგი მიზეზებით: ღვიძლის და მუცლის ღრუს ორგანოების ავთვისებიანი სიმსივნეები, სისხლის მიმოქცევის დარღვევები კარის ვენის სისტემაში, პერიტონეუმის ტუბერკულოზი, გულის მანკები, ზოგჯერ თირკმლის დაავადებები. სიმპტომები და მიმდინარეობა. მუცელი მოცულობაში მომატებულია. აღინიშნება პერკუტორული ხმიანობის მოყრუება, ავადმყოფის ერთი გვერდიდან მეორეზე გადაბრუნებისას მოყრუების საზღვრები იცვლება; მუცლის წინა კედლის პერკუსიისას ვლინდება ფლუქტუაცია, ქოშინი და სხვა სიმპტომები, რომლებიც დამახასიათებელია სისხლის მიმოქცევის უკმარისობისათვის.

გაფრთხილება!