ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი
მორულა – 1. (ლათ.morula, morum – თუთის ხის ნაყოფი) ჩანასახი, რომელიც ბლასტომერების კომპაქტური გროვაა დაყოფის სტადიაზე და არ შეიცავს ღრუს. მორულის მაგალითია ამფიბიის ბლასტულის ადრეული სტადია, ვიდრე მასში ღრუ წარმოიქმნებოდეს. ძუძუმწოვართა და ადამიანის ემბრიოგენეზში მორულის სტადია ბლასტოცისტას წარმოქმნამდეა. მორულა ემბრიობლასტისა და ტროფობლასტის უჯრედთა გროვაა. (ც. გაჩეჩილაძე, ნ. ჩიკვილაძე. ჰისტოლოგიის, ციტოლოგიის და ემბრიოლოგიის ტერმინთა განმარტებითი ლექსიკონი.”თბ.,”ცოდნა”.2000 წ.) 2. ცხოველთა ჩანასახის განვითარების ერთ – ერთი საწყისი სტადია 3. ჩანასახის განვითარების სტადია, წინამორბედი ბლასტულის განვითარებისა; წარმოადგენს ერთმანეთზე მიწყობილი უჯრედების (ბლასტომერების) თავმოყრას.
ბმულები: 1.საავტორო ფარმაცევტული სკოლა 2.სამედიცინო ლიტერატურა 3.საპატრიარქოს ქართული უნივერსიტეტი 4.დიეტები 5.ორსულობა და მშობიარობა