ჰემოროიდული არტერიების დეზარტერიზაცია

ჰემოროიდული არტერიების დეზარტერიზაციაჰემოროიდული არტერიების დეზარტერიზაციის მოქმედების მექანიზმი

ჰემოროიდული არტერიების დეზარტერიზაცია – ბუასილის  მკურნალობის თანამედროვე მეთოდს წარმოადგენს. მას საფუძვლად უდევს ჰემოროდულ კვანძთან პათოლოგიური არტერიული სისხლის მიდენის შემცირება.

ულტრაბგერითი დოპლერომეტრიის კონტროლის ქვეშ ექიმი განსაზღვრავს სწორი ნაწლავის ლორწქვეშა შრეში ჰემოროიდალური არტერიების საბოლოო ტოტებს, რომელიც კვებავს ჰემოროიდულ კვანძებს, ახდენს მათ „შეხვევას“, რაც საბოლოოს ჯამში იწვევს მათ მოცილებას,  ჰემოროიდული კვანძების დაცარიელებასა და ბუასილის სიმპტომების გაქრობას.


ჰემოროიდალური არტერიების დეზარტერიზაციის დასახელებები და მოდიფიკაციები

ჰემოროიდალური არტერიების ლიგირება – HAL (hemorrhoidal artery ligation);

შიდა ჰემოროიდული კვანძების ტრანსანალური დეზარტერიზაცია – THD (transanal hemorrhoidal dearterialisazation) – ამ მიზნით გამოიყენება ულტრაბგერითი ქირურგიული აპარატი;

ჰემოროიდალური არტერიების ლიგირების თანამედროვე მოდიფიკაციაა HAL-RAR (Recto Anal Repair) – ლიფტინგი და შიდა ჰემოროიდალური კვანძის ფიქსაცია სწორი ნაწლავის კუნთოვან კედელზე. ჰემოროის მე-2-3 სტადიის დროს  საკმარისია HAL, ხოლო მე-3-4 სტადიის დროს უპირატესობა ენიჭება კომბინაციას – HAL-RAR.


ჰემოროიდალური არტერიების დეზარტერიზაციის  მეთოდის უპირატესობები (HAL-RAR მეთოდი):

ახდენს ჰემოროის მიზეზის მოცილებას – ჰემოროიდული კვანძების პათოლოგიურ სისხლსავსეობას.

სწორი ნაწლავის სიხლის მიმოქცევის სისტემაში ნორმალური სისხლის მიმოქცევის აღდგენას.

პროცედურას ხელს არ უშლის სწორი ნაწლავის თანმხლები დაავადებების არსებობა.

ოპერაცია ერთ ეტაპად მიმდინარეობს და გრძელდება დაახლობით  ნახევარი საათი.

ოპერაცია ტარდება ამბულატორიულად, სხვადასხვა ტიპის ანესთეზიის ქვეშ. ოპერაციის შემდეგ პაციენტი რჩება მედპერსონალის  მეთვალყურეობის ქვეშ საშუალოდ 12 საათი. შემდეგ შეუძლია წავიდეს სახლში. შრომისუნარიანობა აღდგება 1-2 დღეში.


რეკომენდაცია პაციენტებს

ოპერაციიდან 2 კვირის განმავლობაში უნდა იქნეს დაცული სამკურნალო დაცვითი რეჟიმი, თავი უნდა მოარიდოთ: სიმძიმეების აწევას (არაუმეტეს 5კგ.), ფიზიკურ დატვირთვას, ცხელ შხაპს,  საუნას, აუზს, არ უნდა მიიღოთ ასპირინი და მისი შემცველი პერეპარატები.

ერთი თვის განმავლობაში უნდა გამოირიცხოს საკვები რაციონიდან დამარილებული, ცხარე კერძები და ალკოჰოლი

რეგულარულად მიმართოთ ექიმ-პროქტოლოგს

მიიღოთ ექიმის მიერ რეკომენდებული პრეპარატები, რომლებიც ახდენს მსხვილი ნაწლავის მუშაობის ნორმალიზებას და დაიცვათ ექიმის მიერ გაცემული სხვა რეკომენდაციები.

არჩილ შენგელიასაავტორო უფლებები დაცულია


ბმები:
კოლოპროქტოლოგია, ბუასილი, მწვავე ბუასილი, ქრონიკული ბუასილი, ჰემოროიდული კვანძები, ჰემოროიდული კვანძების თრომბოზი, ანალური ნაპრალი, ბუასილის (ჰემოროის) ნიშნები, სისხლდენა სწორი ნაწლავიდან, პარაპროქტიტი,ანალური ქავილი, პერიანალური დერმატიტი, პროქტიტი, ბუასილის პროფილაქტიკა, ბუასილი და კვება, ბუასილი. ფიტოთერაპია, ბუასილის ქირურგიული მკურნალობა, სკლეროთერაპია, ინფრაწითელი კოაგულაცია, ლიგირება ლატექსის რგოლებით, კრიოთერაპია, ჰემოროიდექტომია, ლონგოს ოპერაცია, დეზარტერიზაცია, ჰემოროიდული არტერიების დეზარტერიზაცია, ბუასილის სკლეროთერაპია, ბუასილი ორსულობის დროს, ბუასილი და მშობიარობა, ბუასილის (ჰემოროის) მკურნალობა ლაქტაციის პერიოდში, მწვავე პარაპროქტიტი (ახალშობილებში), ბუასილი (ჰემოროი) ბავშვებში, ბუასილი (ჰემოროი) და ანალური სექსი

…..

Share this...Share on Facebook
Facebook