ლანგის აკნე
ლანგის აკნე – ოქროსფერი სტაფილოკოკით ან სტრეპტოსტაფილოკოკით გამოწვეული თავის კანის თმიანი ნაწილის ჩირქოვანი პერიფოლიკულური ანთება. ინფექციების გარდა მნიშვნელობა აქვს ჰიპოვიტამინოზს, განსაკუთრებით D ვიტამინის; აგრეთვე სტაფილოკოკებისადმი ალერგიას. კლინიკურად ძალიან ჰგავს შეერთებულ ფლეგმონოზურ აკნეს გამონაყარს. პერიფოკალური პათოლოგიური ელემენტები (ხორკლები) იშლება, წარმოშობს ჩირქგროვებს ფისტულებით. უფრო ხშირად ლოკალიზდება კეფის არეში, კისრის უკანა მხარეს, იშვიათად უკან, გასავლის არეში და ბარძაყებზე.