ღრძილის ჯიბე (კბილ-ღრძილის ჯიბე, პაროდონტული ჯიბე)
.. ღრძილის ჯიბე ( კბილ – ღრძილის ჯიბე , პაროდონტული ჯიბე ) – (სტომატ.) კბილ-ღრძილის შეერთებისა და კბილის წრიული იოგის დაშლის, ძვლოვანი ქსოვილისა და ალვეოლის კედლების რეზორბციის შედეგად წარმოქმნილი სივრცე. მისი სიღრმე 1,5 მმ მეტია. ჯიბის გარეთა კედელი და ფსკერი ამოფენილია მრავალშრიანი ეპითელიუმით დაფარული გრანულაციური ქსოვილით. მასში გროვდება მიკროორგანიზმები, საკვების ნარჩენები, დიდი რაოდენობით დაშლილი ლეიკოციტები.