ხელოვნური ინტელექტის ექიმი
ექიმი ხელოვნური ინტელექტით - ქართულ ენაზე, უფასო და ფასიანი სერვისები + ქართველ „ონლაინ ექიმთა“ სია
თირკმლების პოლიკისტოზი
თირკმლების პოლიკისტოზი polycystic kidney
თირკმელების პოლიკისტოზი – თანდაყოლილი დაავადება, რომლის დროსაც ორივე თირკმელში ხდება კისტების თანდათანობითი წარმოქმნა და ზრდა, რაც იწვევს ფუნქციური პარენქიმის ატროფიას; მიეკუთვნება განვითარების მემკვიდრულ ანომალიებს და ხშირად გვხვდება ერთი ოჯახის წევრებს შორის. დაავადებას ახასიათებს პროგრესირება, უფრო ხშირად ვლინდება და დიაგნოსტირდება 20 – 40 წლის ასაკში, მაგრამ ზოგჯერ მისი აღმოჩენა ხდება ბავშვობის, ან მოხუცებულობით ასაკში.
თირკმელების პოლიკისტოზი – ეტიოლოგია, პათოგენეზი. ანომალიის განვითარების მიზეზი ცნობილი არ არის. პათოგენეზი განპირობებულია მილაკების ემბრიონული განვითარების მანკით, რომელთა ერთი ნაწილი ტრანსფორმირდება კისტებად.