ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი მუტანტი – მემკვიდრულად შეცვლილ ორგანიზმთა ფორმები, რომლებიც საწყისისგან რომელიმე გადახრით განსხვავდება და მიიღება მუტაციის შედეგად. მუტანტი აღწერილია რამდენიმე ასეული წლის წინათ როგორც მცენარეებში (მაგ., შეცვლილფოთლებიანი მარწყვი და ქრისტესისხლა), ისე ცხოველებში (მოკლეფეხებიანი ცხვარი). XX ს. 20 – 30 – იან წლებში ინდუცირებული მუტაგენეზის აღმოჩენის შემდეგ მიიღეს ნაირგვარი მუტანტი.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი მსჯელობა – (ფსიქოლოგია) აზროვნების ერთ – ერთი ლოგიკური ფორმა (იხ. აგრეთვე გაგება, დასკვნა). მსჯელობა არის კავშირი ორ ცნებას შორის (ობიექტთან და პრედიკატთან). ლოგიკაში მუშავდება მსჯელობის კალსიფიკაცია. ფსიქოლოგია შეისწავლის მსჯელობის განვითარებას, როგორც აბსტრაქტული, ლოგიკური აზროვნების ფორმას, ასევე ლოგიკური აზროვნების დარღვევას. ფსიქოლოგიურ ლიტერატურაში მოცემულია იმ ფსიქოლოგიური მექანიზმების ინტერპრეტაცია, რომლებიც