ლიპიდები – ბუნებრივი ორგანული ნაერთების ფართო ჯგუფი, რომელშიც შედიან ცხიმები და ცხიმის მსგავსი ნივთიერებები. მარტივი ლიპიდების მოლეკულა შედგება სპირტისა და ცხიმოვანი მჟავისაგან, რთული ლიპიდებისა კი – სპირტის, მაღალმოლეკულური ცხიმოვანი მჟავებისა და სხვა კომპონენტებისაგან. ლიპიდები შედიან ყველა ცოცხალი უჯრედის შემადგენლობაში. წარმოადგენენ ბიოლოგიური მემბრანების ერთ – ერთ ძირითად კომპონენტს. წარმოქმნიან ორგანოზმის ენერგეტიკულ რეზერვს, მონაწილეობენ ნერვული იმპულსების გადაცემაში
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი დიალიზი – (ბერძნ. dyalysis – დაშლა, გამოყოფა), კოლოიდური სისტემებიდან და მაღალმოლეკულური ნაერთების ხსნარებიდან დაბალმოლეკულური მინარევების გამოყოფა ნახევრად შეღწევადი მემბრანების მეშვეობით. დიალიზისისთვის განკუთვნილი უმარტივესი მოწყობილობა – დიალიზატორი წარმოადგენს ნახევრად შეღწევადი მასალისაგან დამზადებულ პარკს ან მასრას, რომელსაც სადიალიზო სითხით ავსებენ და გამხსნელში (დისპერსიული სისტემა) ჩაყურსავენ. პარკის ნაცვლად ხშირად იყენებენ