ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ჟილ დე ლა ტურეტის სინდრომი – (G. Gilles de la Tourette, ფრან. ექიმი; სინ. ტურეტის დაავადება) სახის, კისრისა და მხრის სარტყლის კუნთების ტიკისებრი ბიძგები, ტუჩებისა და ენის უნებლიე მოძრაობები, ხშირი ჩახველება და ფურთხება, კოპროლალია; ხშირად განპირობებულია ზოლიანი სხეულის დაზიანებით, მაგრამ შესაძლოა ჰქონდეს ფუნქციური ხასიათი; აღინიშნება ძირითადად ბავშვებში.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი პოლიმიალგია რევმატიული – (ბერძ. Poly მრავალი + მიალგია) ხანშიშესულ პირთა დაავადება, რომელიც ხასიათდება მხრისა და მენჯის სარტყლის კუნთების ტკივილებითა და შებოჭილობით. დაავადება იწყება უეცრად, ძლიერი ტკივილებით მხრის სარტყლის, კისრის, ზურგის კუნთებში; შემდეგში პათოლოგიურ პროცესში ერთვება მენჯის სარტყლის კუნთები. ამავდროულად ავადმყოფებს აღენიშნებათ შებოჭილობა, განსაკუთრებით დილაობით; ხშირად მატულობს ტემპერატურა,