ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი წვრილი ნაწლავი – 1. ნაწლავის ნაწილი კუჭსა და მსხვილ ნაწლავს შორის. წვრილ ნაწლავში საბოლოოდ გადამუშავდება საკვები ნაღვლის, ნაწლავისა და კუჭქვეშა ჯირკვლის წვენების ზემოქმედებით, ხდება საკვები ნივთიერებების შეწოვა. ადამიანში განასხვავებენ 12 – გოჯა, მლივ და თეძოს ნაწლავს. 2. საჭმლის მომნელებელი მილის – ნაწლავების შუა მონაკვეთი, პილორუსიდან ბრმა ნაწლავამდე.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ცრუ ორსულობა – პათოლოგიური მდგომარეობა, რომელიც შესაძლოა განვითარდეს ქალის თვითშთაგონების შედეგად, რომელსაც სურს დაორსულება, ან პირიქით, აქვს შესაძლო დაორსულების შიში; ხასიათდება იმ სიმპტომების გაჩენით, რომელიც მოგვაგონებს ორსულობის ზოგიერთ ნიშნებს. შესაძლოა აღინიშნებოდეს გულისრევა, ღებინება, მუცლის გადიდება, სწორი ნაწლავის ატონია და მეტეორიზმი, წარმოიქმნება ნაყოფის მოძრაობის შეგრძნება, წყდება მენსტრუაცია, მკვრივდება