ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი გლოსალგია – ენის ჰიპერესთეზია და პარესთეზია. მისი წარმოშობა უკავშირდება კუჭ – ნაწლავის ტრაქტის დაავადებებს, ჰორმონულ გადახრებსა და ცვლილებებს ფსიქოემოციურ სფეროში. გარკვეული მნიშვნელობა აქვს ენის გაღიზიანებას კარიესული კბილის ღრუს ნაპირით, კბილის ფესვით, კბილის პროთეზით და სხვ. გვხვდება ასევე საბჟენი და კბილის საპროთეზო მასალების მიმართ კონტაქტური ალერგიის დროს. სიმპტომები.
ქსეროსტომია ქსეროსტომია (xerostomia) – პირის ღრუს სიმშრალე. ეტიოლოგია ცნობილი არ არის. პათოგენეზი უკავშირდება ნერწყვის გამოყოფის დათრგუნვას. აღინიშნება ასევე შეგრენის სინდრომის, სხივური დაავადების, დიაბეტის დროს. ქსეროსტომია – სიმპტომები: სიმშრალე პირის ღრუში, ენის პარესთეზია. ლორწოვანი გარსი მშრალი და მკვეთრი წითელი ფერისაა; ნერწყვი გასქელებული, აქაფებულია. დაავადება შესაძლოა გართულდეს ლორწოვანი გარსის დაზიანებით. მკურნალობა სიმპტომატურია. განკურნება ნაკლებსავარაუდოა. კბილებისა და პირის