ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი კოლხიცინური მიტოზი – (mitosis colchicina C – მიტოზი; ანუ K – მიტოზი ბერძნ.mitos – ძაფი) უჯრედის გაყოფა, რომელიც შეჩერებულია მეტაფაზის სტადიაზე კოლხიცინისა და სხვა ალკალოიდების ზემოქმედებით. ეს ნივთიერებები შლის აქრომატული თითისტარას ძაფებს და ამით გამორიცხავს ქრომოსომების გადაადგილებას პოლუსებისაკენ. K – მიტოზი იწვევს უჯრედების პოლიპლოიდიზაციას ენდორეპროდუქციის მსგავსად. (ც.
ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი ეპონიქიუმი – (eponychium ბერძნ.epi – ზევით და onychos – ფრჩხილი) ფრჩხილზედა ფირფიტა, განვითარების ადრეულ სტადიაზე ემბრიონის ფრჩხილის თავისუფალი ზედაპირის მფარავი, გარქოვანებული უჯრედების თხელი შრე, რომელიც თითქმის ქრება. რჩება მხოლოდ მისი გვერდითი ნაწილები, დაკავშირებული ფრჩხილის ფირფიტასთან. (ც. გაჩეჩილაძე, ნ. ჩიკვილაძე. ჰისტოლოგიის, ციტოლოგიის და ემბრიოლოგიის ტერმინთა განმარტებითი ლექსიკონი.”თბ.,”ცოდნა”.2000 წ.)