ადამიანი – (Homo sapiens) პრიმატების რიგის უმაღლესი წარმომადგენელი; საზოგადოებრივი არსება, რომელსაც უნარი აქვს შექმნას და გამოიყენოს შრომის იარაღი, გააჩნია რთულად ორგანიზებული ტვინი, ცნობიერება და დანაწევრებული მეტყველება. ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი გაფრთხილებთ!
აბრიკოსოვის მეთოდი – 1. გვამის ბალზამირების მეთოდი, რომლის დროსაც სისხლძარღვებში შეჰყავთ ფორმალინურ – გლიცერინული ნარევი და გვამს ინახავენ იმავე შემადგენლობის სითხეში; 2. გვამის გაკვეთის მეთოდი, რომლის დროსაც ხდება სხეულის ანატომიურ – ფიზიოლოგიური სისტემების შემადგენელი (კისრისა და გულმკერდის ორგანოთა კომპლექსი; ღვიძლი, კუჭი და თორმეტგოჯა ნაწლავი; თირკმელები, საშარდე გზები და სასქესო ორგანოები; თავისა და ზურგის ტვინი) ორგანოების