ლალი დათეშიძე, არჩილ შენგელია. სამედიცინო ენციკლოპედიური განმარტებითი ლექსიკონი კოს – მეიგსის სინდრომი – ამ დროს არის სითხის დაგროვება პერიტონეუმში, პლევრის ღრუში და საკვერცხის ფიბრომა. ანალოგიური ნიშნები შეიძლება იყოს საკვერცხეში სხვა ხასიათის კეთილთვისებიანი და ავთვისებიანი სიმსივნეების დროსაც. გვხვდება ძირითადად ხანშიშესულ ქალებში. საკვერცხის სიმსივნის ამოკვეთის შემდეგ სითხე პლევრის და მუცლის ღრუში ქრება. სინონიმები: დემონს – მეიგსის სინდრომი,
კლიმაქსი, კლიმაქტერული ნევროზი – ქალებში მენსტრუაციის შეწყვეტა, მენოპაუზის დადგომა, წარმოადგენს ფიზიოლოგიურ მოვლენას და ჩვეულებრივ ადგილი აქვს სიცოცხლის მეხუთე ათწლეულში. ამ დროს, ქალის ორგანიზმში ხდება ნეოროენდოკრინული სისტემის, უპირველეს ყოვლისა ჰიპოფიზის, ჰიპოთალამუსის, აგრეთვე საკვერცხეების მოქმედების მნიშვნელოვანი გარდაქმნა. მხოლოდ ქალთა მცირე ნაწილში ეს გარდაქმნა მიმდინარეობს მსუბუქად. საკმაოდ ხშირად, ამ პერიოდში, ვითარდება ე.წ. კლიმაქტერული ნევროზი. ავადმყოფები უჩივიან წამოხურებას, სიცხის